CHAPITRE XXI

de Bourgongné, et la royne, et la bonne cité de Paris, si les voulloient aidier allencontre d'eux, ou ils seroient destruits et morts en la paine.

Quand le roi entendy ceste clause, de son propre mouvement, moult fort plourant, respondy et dit : « Nous véons bien leur mauvaise « volonté; pourquoi nous prions et requerons « à vous tous, quiestesde notre sang, que nous « aidiez et conseilliez contre eux ; car il nous « touche et à vous aussi, et à tout nostre s« royaume.» Et pareillement en pria les autres là estant. Et adonc le roideSecylle se leva, en soi mettant à genoux devant le roi et dit:

«“ Sire, pour l’honneur de vous et de votre « royaume, je supplie qu’il vous plaise ceste “ besogne bien et diligemment solliciter, et “avoir au cœur, Car il est grand’ nécessité. » Et pareillement firent les autres ducs, comtes et autres seigneurs, et se ofirirent à servir le roi de toute leur puissance. Et après ces besognes ainsi dittés, les matières des dessusdictes furent publiées parmi Paris et à pluiseurs données par escrit.

En cest an et mesme jour, Louis, duc de Bavière, frère de la reine, estant à Paris, fut soupchonné par les Parisiens avoir dit aucunes paroles au roi et au duc de Guyenne en la faveur des ducs de Berry, d’Orliens et leurs alliés. Pour laquelle cause, et aussi pour doubte que ceulx de Paris ne lui feissent aucun danger, s’en partit et s’en alla en son pays en Allemagne. Et assez tost après, le roi d'Angleterre fit crier à son de trompe, en sa ville de Calais et aultres lieux, et frontières du Boullenois à lui subjectes, que nul, de quelqu'état qu’il fut de son obéissance, n’allast au royaume de France pour servir en armes ne autrement, sur peine de confiscation de corps et de biens.

Ainsi que vous avez ouy se demenèrent les besognes en France, après ces consaulx, lettres et instructions , et autres gloses veues par le roi en son conseil. |