CHAPITRE XXII
Comment les ‘ducs de Berry, de Bourbon et d'Orliens, envoyèrent derechef ambassade au roy d'Angleterre ; et des alliances et traités qui se firent entre eulx.
Autre ambassade fut faite de par les ducs de Berry, de Bourbon, d’Orliens et comte d’Alenchon, oyans les nouvelles de la mauvaise adventure de leurs gens, et aussi que de jour en jour les gens du roi s’efforcoient d’eux faire guerre, etprendre villes et chasteaux sur eux ; pourquoi eux tous ensemble conclurent derechief d'envoyer devers le roy d'Angleterre, pour avoir secours et aide. Si ordonnèrent leurs ambassadeurs; et les envoyèrent en Angleterre. Lesquels se gardèrent mieux que la première fois, et trouvèrent le roy d’Angleterre logié dedans un de ses manoirs de plaisance, nommé Eltham, séant assez près de Londres. Le roi d'Angleterre les rechupt moult honorablement, et en brief eurent audience, et présentèrent leurs lettres au roi, qui contenoient crédence sur eux. Après la lecture des lettres, les ambassadeurs déposèrent leurs créances, selon le contenu de leur instruction ; et dirent : que, entre autres choses, n’avoit gaires de
temps que les ducs de Berry, d’Orliens, et au- |
tres leurs alliés, avoit mis sus une ambassade
pour aller devers lui, portant lettres scellées |:
par leurs maîtres ; mais en chemin avoient été rués jus, et leurs lettres prinses et ostées, et la plupart détenus prisonniers. Le roi d’Angleterre respondit qu’il en estoit desplaisant, et que bien eust vollu que fuissent venus sans encombrier vers lui. Finablement, après plusieurs secrets consaux que iceulx eurent avec le roy d’Angleterre, et moyennant les scellés de leurs maîtres qu’ils avoient portés avec eux, traictèrent tant que le roi d'Angleterre fut content d'envoyer au duc de Berry et d’Orliens , son second fils, Thomas, duc de Clarence, accompagné des gens d'armes qu’il avoit requis ; et d’icelui traité et promesse bailla aux ambassadeurs ses lettres scellées de son grand sceau, dont ils furent moult joyeux. Leurs besognes faites et accomplies, prinrent congé du roy d'Angleterre, et s’en retournèrent en France devers les ducs de Berry, d’Orliens et de Bourbon , et autres qu’ils trouvèrent en la cité de
J. Du CLerco ET SaiINT-REMY,
