CHAPITRE XXII

Bourges, qui furent moult joyeux quand vinrent les scellés du roi d'Angleterre; car chacun jour attendoient d'en avoir affaire, parce qu'ils savoient que le duc de Bourgongne menoit le roi avec toute sa puissance allencontre d’eulx, pour les subjuguer.

Le roy d'Angleterre, ses enfants, d’une part, et les ducs d’Orliens, de Berry et de Bourbon, les comtes d’Allenchon, d’Erminacq, d’Albret, et autres de leurs alliés, d’autre part, firent traité ensemble, en l’an 1412!, le huitiesme jour de mai.

« Premièrement, fut accordé par les dessusdits seigneurs, ou par leurs procureurs, que doresnavant exposeroient leurs personnes et toute leur puissance a servir le roy d’Angleterre, ses hoirs et successeurs, toutes et quantesfois qu’ils en seroient requis, en toutes ses justes querelles; èsquelles justes querelles recognoissent que la querelle que le roi d’Angleterre maintient en la duché de Guyenne et en ses appartenances, est bonne et juste, et que ladite duchié lui appartient par droit, héritage et succession naturelle, et déclarent dès maintenant, qu'ils ne blessent aucunement leur léaulté en persistant en che avec le roy d'Angleterre. | Item, iceulx seigneurs, ou leurs procureurs : suffisamment fondés, offrent leurs fils , filles, niepces, nepveux , selon la disposition du roy d'Angleterre.

Liem, offrent villes, terres et forteresses, tous leurs biens, à l’aide dudit roi d'Angleterre, en ses querelles en la restitution de la duché de Guyenne.

Item, toutes fraudes cessans , iceulx sei- gneurs sont prests de reconnoistre audit roy d'Angleterre la duché de Guyenne cstre sienne, et en telle et semblable franchise qu'aulcuns de ses prédécesseurs tindrent et possédèrent.

Item, reconnoissent les dessusdits seigneurs que toutes les villes, chasteaux et forteresses qu'ils tiennent en la duché de Guyenne, ils les tiennent et veulent tenir du roy d'Angleterre, comme de leur vrai duc de Guyenne ; et promettent tous services deubs pour hommage, par la meilleure manière qu'il se poeult faire.

Item , en après est déclaré comment èsdites lettres scellées il plaist au roy d’Angleterre que le duc de Berry, son loyal oncle, sujet et

(1) Et 4445, n. st.

vassal, et pareillement le comte d'Erminacq, tiennent de lui en foi en hommage les terres et seigneuries que s'ensuit : le duc de Berry tenra la comté de Poitou sa vie durant ; le due d’Orliens tenra la comté d'Angoulesme sa vie durant, et la comté de Pierregort à toujours ; le comte d'Erminacq tenra quatre chasteaux déclarés ès lettres scellées sur ce faites.

Item, et parmi ces promesses faictes, le roy d'Angleterre et duc de Guyenne doibt deffendre les dessusdits seigneurs contre tous leurs ennemis, et à eux donner secours comme à leurs vrais subjets, et avec ce leur faire son accornplissement de justice du duc Jehan de Bourgongne. Et en oultre, ne fera le roy d’Angleterre nuls traictiés , confédérations ne acéords avec le duc de Bourgongne, ses alliés et ämis, sans le consentement des dessusdits seigneurs.

tem, leur enverra présentement le roy d’Angleterre huit mille combattants, pour eulx faire secours contre le duc de Bourgongne, qui s'efforce de mener le roi à toute sa puissance contre eux.

Icelles lettres de confédérations et alliances entre icelles parties furent passées et scellées des sceaux des deux parties, le huitiesme de mai 1412. Toutefois les dessusdits seigneurs promirent payer les gens du roy d’Angleterre, et à ce s’obligèrent suffisamment. A laquelle promesse le roy d'Angleterre ne faillit point : tar, pour le temps que le siège estoit devant Bourges, moult tost après le roy d'Angleterre envoya son second fils et secours auxdits seigneurs, atout le nombre de huit mille combattants, pour aller et résister allencontre du duc de Bourgongne ; auquel en advinrent pluiseurs maux et tribulations en France, et plus que par âvant. Et aussi en ceste mesme année le roy Henri trespassa de che siècle , comme cy après polrez voir.

Vérité fut que, en ce temps, le roi, pour mettre ses ennemis en son obéyssance, manda par tout son royaume gens d'armes pour venir vers lui à Paris; et avec ce furent mandés grand nombre de charrettes ; et aussi les ducs de Bourgongne et de Guyenne firent très grans mandemens. Les Parisiens, en grand nombre, avec ceux de l’uñiversité, véans que le roi estoit prest d'aller en son voyage, en la présence de son conseil, lui requerrent instamment qu'il

MÉMOIRES DÉ SAINT-REMY

ne fist accord ne traictié avec ses ennemis sans ce qu’ils y fuissent comprins et dénommés. La requeste leur fut accordée. Le roi issit de Paris, en noble arroi, le sixième jour de mai d’ice- Jui an , et alla au bois de Vincennes, où estoit la royne sa compaigne; et de là alla à Melun, accompaigné des ducs de Bourgongne, de Guyenne et de Bar, des comtes de Mortaing et de Nevers, avec pluiseurs autres grands seigneurs, et print son chemin pour aller mettre le siége devant la ville de Bourges, comme il fit. Durant lequel temps les Anglois de la frontière de Boullenois prindrent d'emblée la forteresse de Bavelenghen, située entre Ardre et Calais, laquelle appartenoit au seigneur de Dixmude, nonobstant que pour lors avoit trèves scellées entre les deux rois. Et fut commune renommée que le capitaine de ladite place, nommé Jean d'Estenbecque, lavoit vendue, et rechupt argent des Anglois. Pour laquelle prinse, quand les nouvelles furent espandues par le pays, le peuple tenant le parti des François fut moult troublé. Le capitaine et sa femme demourèrent paisiblement avec les Anglois; par quoi fut assez à voir que c’estoit assez son consentement ; et aucuns souldoyers qu'il avoit avec lui furent prisonniers, et mis à ranchon.