CHAPITRE XXI V
Comment le roy meit le siége devant la cité de Bourges, où traictié se fcit, et feut la cité rendue, et la paix de Char-
tres renouvelée entre les partyes d'Orliens et de Bour-
. gongne; et comment les Anglois descendirent en Normandie.
Le dixiesme jour de juing, le roy mist son siége devant la ville de Bourges. De ce qui y fut faict ne vous quiers faire grande recordation, pour che que les chroniques de France en font mention bien au long, ni des armes, es- Ccarmouches et saillies, ne des rencontres, mais certainement ceulx de dedans et de dehors firent maintes belles armes lun contre l’autre. Mais enfin traité se fit, et fut rendue en l’obeissance du roy; et fut lors renouvelé la paix faicte à Chartres entre les parties d’Orliens et de Bourgongne, et furent les serments renouvellés d’un costé et d’autre. Après ce que le roy eut recheupt l’obéissance de la cité de Bourges, les ducs de Berry et de Bourbon, et le seigneur d’Albreth, avec eux les procureurs du duc d’Orliens et ses frères, allèrent en la tente du duc de Guyenne, pour ce que pour lors le roy estoit malade de sa maladie accoutumée; et en la présence de plusieurs princes et grands seigneurs jurèrent derechef la paix - par eux accordée devant Bourges, sur saintes Evangiles, tenir loyaument et fermement garder. Et en après le promirent jurer en la présence du roy, et le faire jurer le duc d’Orliens et ses frères, qui lors estoient absents, en leur promettant de faire scavoir le jour qui leur fut assigné par devant le roy, c’est assavoir en la ville d’Aussoire!. Après ces choses, et jurements et promesses, le roy alla à Aussoire ; et convindrent le duc d’Orliens, ainsi que promis avoient ses procureurs, et là renouvellèrent les serments que faire devoient. Durant ces traités, le roi estant à Aussoire, lui vinrent autres nouvelles, et aux princes estans avec lui, qui moult lui dépleurent, et non sans Cause ; c’est assavoir que les Anglois estoient arrivés atout
(1) Auxerré.
MÉMOIRES DE SAINT-REMŸ
leurs navires à la Roche-Saint-Wast, qui est au pays de Coustantin!, et là estoient descendus à terre, et eux espandus au pays d’environ,‘et roboient et prenoient prisonniers; et estoient environ huit mille combattants, dont il y avoit deux mille lances, et le surplus archiers ; et en estoit conducteur Thomas, duc de Clarence, second fils du roi d'Angleterre; et venoient iceux Anglois au secours de Bourges, ainsi que le roy d’Angleterre avoit promis. Et tantost qu’ils feurent descendus, les comtes d'Alencon et de Richemond allèrent devers eux, qui de cœur joyeux les receurent, jà-soitce qu’ils venissent trop tard en leur aide; mais ce nonobstant ils aidèrent de tout leur povoir à pourvoir de vivres et de chevaux, et depuis eurent les Anglois de six à sept cents Gascons qui avoient esté souldoyers du duc de Berry à Bourges, lesquels se boutèrent avec eux, et tous ensemble commencèrent à gaster le pays.
Mais les ducs de Berry, d’Orliens et autres, envoyèrent devers eulx pour appointier de leur année qui montoit bien à deux cents mille écus; et se la finance eust été preste, ils fussent retournés en Angleterre; mais par faute d'argent ils firent depuis beaucoup de mal en France.
En ce mesme temps vindrent d'Angleterre à Calais les comtes de Werwic et de Quinte, envoyés de par le roy Henri, atout deux mille combattants au pays de Boullenois, et firent grands dommages, et finablement ardirent la ville de Saunir-au-Bois, prinrent d’assault le bois de Wassaul, le pillèrent et robèrent tout, puis boutèrent le feu dedans. Pour laquelle cause le roy envoya à Saint-Omer le comte Walleran, son connestable , le seigneur de Rambures, maître des arbalestriers, et le seigneur de Helly, atout? grand nombre de gens d'armes qui furent mis en garnison sur les frontières de Boullenois.
Et par ainsi le pays de tous costés fut oppressé et dégasté, tant par les Anglois comme par les François.
(1) Cotentin. (2) Avec.
