CHAPITRE XXV

Du retour du roy à Paris, et comment le duc d'Orliens alla vers le duc de Clarence, et le contenta de la soulde des Anglois qu'il avoit amenés à son ayde et sccours ; et des commotious et haines couvertes entre les princes du sang royal; et comment le duc de Bourgongne, comte de Flandres, se partit du roy et retourna en sou pays de Flandres.

En ce mesme temps, le roy retourna à Paris.

Avec le roy entrèrent à Paris les ducs de Guyenne, de Bourgongne et de Bourbon, et le comte de Vertus. La royne avec les ducs de Berry et d’Orliens demourèrent au bois de Vincennes.

Brief après, la royne entra dedans Paris, et fut par le duc d’Orliens convoyée jusques auprès de la porte sans entrer dedans ; puis prit congé d'elle, et par dehors de Paris se tira en sa comté de Beaumont, et le duc de Berry demoura au bois de Vincennes. Et après ce que le duc d’Orliens eust par aucuns’jours séjourné en sa comté de Beaumont, se départit et alla vers les Anglois, c’est assavoir le duc de Clarence, qui estoit venu , comme dessus est dit, à sa requeste ; si le contenta de finance aussi avant qu’il put finer, et pour ce qu’il ne poeult recouvrer toute la somme que on leur povoit devoir pour leurs gages, le comte d’An:golesme, son mains-né frère, fut baillé en gage et en ostage au duc de Clarence pour le résidu, avec lui plusieurs gentilshommes, qui tous ensemble furent envoyés par le duc de Clarence en Angleterre, et puis atout ses gens s’en alla au pays de Guyenne; et fut baillé le comte d’Angolesme pour la somme de deux cents et dix mille francs, monnoie de France. Et après ce que le duc d’Orliens ot ainsi exploité, s’en retourna à Blois. Si demeurèrent iceux hostages au pays d'Angleterre grand espace de temps, comme cy après sera déclaré. En ce mesme temps plusieurs commotions se faisoient à Paris secrettement entre les seigneurs du sang royal, et tout par les officiers et serviteurs des princes, car n’y avoit celui qui ne désiroit avoir aucun gouvernement ou proffit, les uns de la partie d’Orliens, les autres de Bourgongne, parquoi bien ne se povoient concorder ensemble, et n’y avoit celui qui ne voulsist gouverner, quelque traictié qu’ils eussent fait. Si y avoit en couvert de grandes haines couvertes et grands envies. Et tant firent le duc d'Orliens et ceux de sa bande que ils gouvernèrent du tout le roy et le duc de