CHAPITRE XX VI

Comment la ville de Soubise, en Guyenne, fut prise et démolic par le duc de Bourbon et le comte de la Marche, sur les Anglois.

Or est ainsi que les gens de guerre que le roy avoit mandés pour la résistance des Anglois faisoient innumérables maux autour de Paris. Si fut advisé que onles payeroit pour un mois, et seroient menés par le duc de Bourbon et le comte de la Marche au pays de Guyenne pour asségier la ville de Soubise, séant sur la mer, à trois lieues près de La Rochelle, que lors les Anglois occupoient ; et ainsi que il fut ordonné il fut faict, et furent iceux payés pour un mois. Ils furent conduits et menés par un vaillant chevalier nommé messire Hector, bastard de Bourbon, néanmoins que le duc de Bourbon et le comte de la Marche estoient les chefs. Or exploitèrent tant qu'ils se trouvèrent en la ville de Saint-Jean-d'Angely. Eux là venus ils envoyèrent en La Rochelle secrettement faire grand nombre d’eschelles, et chependant envoyèrent courre devant la ville de Soubise pour prendre les passages et aussi l'assiette de la ville; et puis après ce que leurs habillements furent faicts, ils ordonnèrent cer.

tains bateaux à mettre leurs eschielles, et sy assemblèrent le plus de arbalestriers qu’ils polrent finer, puis ordonnèrent que, à certain jour, ceux de La Rochelle seroient atout leur appareil auprès de la ville, et leduc de Bourbon, le comte de la Marche et le gentil bastard de Bourbon ensemble iroient avec leurs gens par terre. Et de fait une belle nuit passèrent la rivière de Charente à Sainctes et à Taillebourg, et devant le jour se trouvèrent assez près de la ville de Soubise. Toutefois ils n’estoient point si près que ceux de la ville peussent ouir le bruit de leurs chevaux. Là firent leurs ordonnances pour assaillir la ville de la belle nuict. Pavois et eschielles feurent descendus de la navire, et environ le point ‘du jour commenchérent à assaillir la ville. Et de fait fut la ville prinse d’assault, nonobstant que ils estoient de cinq à six cents Anglois dedans , mais ne se doutoient de l’assault, ne de la venue des Franchois ; et là furent morts de deux à trois cents Anglois, et les autres prisonniers. Là fut la ville destruite, et par ceux de La Rochelle démolie. Après ceste conqueste , les deulx gentils princes de France donnèrent congé à tous leurs gens de guerre, et les deux princes dessusdits retournèrent à Paris, où ils furent festoyés grandement.