CHAPITRE XXVIL

pe l'assemblée et commotion des Parisiens, el des outrages

‘ que fetrent au duc de Guyenne, et de plusieurs maux

‘qu'ils perpétrèrent; des blancs chapperons qu'ils mirent sus gçn livréc, que le roy porta et plusieurs aultres seigueurs; et de l’outraige qu'ils fcirent au roy et à la royne, és personnes d’aucuns princes et seigneurs, dames et damoiselles,

En ceste mesme année, et après ce que le roy fust revenu du siége de Bourges, ilot conseil de réformer aulcuns qui de longtemps auparavant avoient gouverné ses finances; et se firent pluiseurs informations allencontre d'eux , tant publiquement comme secrètement; dont la pluspart estoient en grand doubte et soupechon comment ils polroient eschapper, car déjà en y avoit plusieurs arrestés personnellement, et les aulcuns s’estoient rendus fugitifs; desquelson avoit mis les biens en la main du roy. Si quéroient divers moyens entre les princes qui gouvernoient le roy : entre lesquels des absents estoit messire Pierre de Essarts, qui estoit retrait à Chierbourg en Normandie, et par aucuns moyens qu'il eutdevers le duc de

MÉMOIRES DE SAINT-REMY

Guyenne, fut mandé de venir à Paris; et entra secrètement dedans la bastille Saint-Anthoine, avec lui Anthoine son frère. Toutefois il fut sceu par aucuns bourgeois de Paris, qui point ne l’aimoient ; et le firent sçavoir au duc de Bourgongne et à ses gens, qui de lui n’estoient pas contens. Pour laquelle cause fut faicte une grande assemblée des communes de Paris, avec eux messire Elion de Jacqueville, lors capitaine de Paris: et tous ensemble allèrent devant la bastille, et tant firent qu'ils eurent en leurs mains messire Pierre des Essarts et son frère, et les menèrent prisonniers en Chastellet, et depuis au Palais. Ne demoura guères après que icelles communes de Paris se rassemblèrent jusques au nombre de six mille, sous l’estendard de Jacqueville ; et si estoient avec eux messire Robert de Mailly , Charles de Lens, et pluiseurg autres de l’hostel du duc de Bourgongne; et tous ensemble allèrent devant l’hostel du duc de Guyenne. Or est vrai que les principaux esmouveux d’icelles communes estoient Caboche le boucher, maistre Jean de Troyes, et Denisot de Chaumont, pelletier ; lesquels entrèrent dedans l'hostel au duc de Guyenne, et allèrent tout droit devant lui, disans en ceste manière :

« Nostre très redoubté seigneur, véez ci les “ Parisiens, non pas tous, qui vous requièrent, « pour le bien de vostre père et de vous, que « vous leur faites livrer aucunstraistres qui sont « en votre hostel de présent. » Le bon duc leur respondit par grand desplaisance : queiln'avoit nuls traistres en son hôtel, et que à eux n’appartenoit pas aller ainsi verslui. Iceux bouchiers et méchants gens répondirent, que ils les voulloient avoir, et que, pour le bien de lui, ils prendroient et puniroient selon leurs démérites. Le duc de Bourgongne , en sa compagnie le duc de Lorraine, sceurent ceste assemblée. Si allèrent au duc de Guyenne. Mais ce nonobstant que le duc de Bourgongne fust présent et auprès du duc de Guyenne, si ne laissèrent pas iceulx Parisiens à prendre plusieurs hommes en son hostel; et prinrent son chancellier, le due de Bar, messire Jacques de Rivière, les deux fils du seigneur de Boissay, Michiel de Vitry et son frère, les deux fils de messire Regnault d'Angennes, les deux frères du Maisnil, les deux frères de Gérasme, et Pierre de Naisson. Quand le duc de Guyenne vit faire tel outrage en son hostel, il fut moult troublé et dit au duc

de Bourgongne : « Beau-père, ceste mutation

«est faite par vostre conseil; et ne vous en :

“ povez excuser, car les gens de vostre hostel « sont avec eux ; et soyez seur que une fois il # m'en souviendra toujours, et n'ira pas la be- « sogneà vostre plaisir.» Le ducde Bourgongne respondit : « Mon très redoubté seigneur, vous « vous informerez , et, se Dieu plait, vous en « saurez la vérité. » Toutefois les Parisiens enmenèrent tous ceulx qu’ils avoient pris, et les firent mettre en diverses prisons; et après allèrent quérir messire Raoul Bridoul : et, ainsi que on le menoit, l’un de ses hayneux le férit d'une hache et le tua , puis fut jetté en Seine; et, Ce mesme jour, tuèrent un tapissier, notable homme, nommé Martin Dane, et si tuèrent un canonnier nommé Wateller, serviteur du duc d’Orliens. Après ces choses faictes les Parisiens contraindirent le duc de Guyenne de soi loger à l’hostel de Saint-Pol, avec le roy son père, et firent garder curieusement les portes, afin qu’il ne s’en allast hors de Paris: et la cause sy estoit pour ce que aucuns disoient que il voulloit aller au bois de Vincesnes, et que il avoit mandé à messire Pierre des Essarts que il lui amenast cinq cents lances, et les fist payer pour ung mois; et aussi que le duc d'Orliens et aucuns de sa partie faisoient grant assemblée de gens d'armes pour estre avec le duc de Guyenne, le premier jour de mai, l’an mille quatre cens et treize, au chastel du bois de Vincesnes, où là se devoit faire unes joustes, dont le duc de Bourgongne et les Parisiens n’estoient pas bien contents. Et pour vrai dire, c’estoit piteuse chose pour lors d’estre à Paris, car il n’y avoit ordre ne gouvernement entre eux. Et pour montrer que c’éloit pour le bien du roy et du royaume ce qu'ils faisoient, rescripvirent à pluiscurs bonnes villes, en requérant que, se besoin estoit, ils les voulsissent aider et conforter en toutes leurs affaires, et aussi que tous demourassent ensemble ct en union au service du roy et de son fils ains-né. Et après que ils orent ainsi rescript aux bonnes villes, prièrent et requirent au roy qu'il lui plaisist mander à tous les baillis et séneschaux de son royaume ses lettres patentes, pour les faire publier par tous les baillages et séneschaussés, contenans en effet que le roy deffendoit , sur peine de confiscation de corps et de biens, que quelqne personne .de quelqu’es-