CHAPITRE XXVIT

nulle, si ce n’estoit à son commandement, où de son fils ains-né, ou du comte de Saint-Pol, connestable de France. Icelui mandement fut envoyé par tous les bailliages , ainsi que dit est,

En ce temps, comme devant est dit, les Parisiens avoient fait une livrée de blancs chapperons, queils portoient et faisoient porter à pluiseurs seigneurs, tant d'église comme autres ; et de fait le porta le roy, le duc de Berry et autres, qui estoit chose de grand’esclandre ; mais lors ils étoient si puissants et si obstinés en maux que nul n’y savoit remède mettre, car ils se fioient fort d’avoir aide du duc de Bourgongne. Le onziesme jour de mai 1413, firent proposer les Parisiens, devant les ducs de Guyenne, de Berry, de Bourgongne et de Lorraine, les comtes de Charollois, de Nevers, et devant prélats, chevaliers, escuyers et communes de la ville de Paris, là où avoit plus de douze mille blancs chapperons, aucunes remontrances dont cy n’est faite mention. Et en la fin de ladite proposition firent bailler au duc de Guyenneun roolle , et lui requirent qu’il fust leu en publique. Auquel roolle estoient escrits et dénommés soixantetraistres, tant absents comme présents; et de fait en firent prendre jusques au nombre de vingt, entre lesquels estoient le seigneur de Boissay, maistre-d’hostel du roi, Michiel de Laillier et autres; et les absents furent appellés par les carefours de Paris à son de trompe, au droit du roy, en briefs jours, sur peine de confiscation de corps et biens. Or est vrai que, le dix- huitième jour de mai, l’an dessusdit, le roy qui malade avoit esté , se trouva sain et en bon point, et de son hostel de Saint-Pol s’en alla à l’église Nostre-Dame, portant le blanc chapperon; et aussi faisoient les princes ; puis s’en retourna en son hostel , accompaigné de grant multitude de poeuple.

Le vingtiesme jour de mai estoient les Parisiens, atout grand nombre de gens d'armes, qui environnèrent leur ville, afin que nul ne s’en pust fuir ne saillir hors; et si furent les portes fermées avec ceste garde; et lors établirent, en chascune rue de Paris, dixaines el diseniers qui toujours estoient armés. Et ce fait, le prevost de mareschaux et les gouverneurs de la ville. avec grant nombre de gens armés, allèrent devant l’hostel du roy, et trouvèrent avec lui la royne et son fils ains-né, qui de l'as-

fat qu'il fust n’allast à mandement, ne à arme ; semblée rien ne savoient. A celle heure avoit à

Paris grant assemblée de seigneurs, c’est assavoir les ducs de Berry, de Bourgongne, de Lorraine et de Bavière , frère de la royne, qui lendemain devoit épouser la sœur du comte d’Alenchon; et avec ce y estoient les comtes de Charrollois et de Nevers, et de Saint-Pol , connestable de France , et autres, et pluiseurs prélats et grands seigneurs en très grand nombre; et lesdits firent faire une proposition devant le roy par un Carmélite, nommé frère Wistase, lequel prit pour son theusme: Misi Dominus cuslodierit civitalem, frustrà vigilat qui custodit eam. Qui vaut autant à dire : Si le Seigneur ne garde la ville et la cité, la veille labeure en vain. Laquelle proposition exposée, après prescha moult bien ; et là fit aucune mention des prisonniers, et du mauvais gouvernement du royaume et des maux qui s’y faisoient. Sa collation et prédication finée, le chancelier du roy de France lui dit que il se fist advouer, et il respondit que si feroit-il. Alors le prevost des marchands et les eschevins de la ville le advouèrent ; mais pour che que là n’estoit que un petit nombre de gens, et que ils ne parloient point assez haut au gré du chancelier, aucuns des gens du roy appelèrent aucuns des notables bourgeois de la ville, et de la plus grant nation qui là estoient arrivés avec les autres , lesquels allèrent devers le roy, et advouèrent ce que frère Wistasse avoit dit, en remontrant au roy la bonne amour et dilection qu'ils avoient , et à sa noble génération ; et que tout ce que ils avoient fait et faisoient estoit pour le bien et utilité de lui, de sa génération, et pour le bien publicque de tout son royaume.

Quand le duc de Bourgongne sceut icelle assemblée estre en l’hostel du roy, très diligemment monta à cheval, et alla devers eux, leur priant qu'ils s’en allassent à leurs hostels, en leur demandant que ils voulloient, et pourquoi ils cstoient là venus en armes , en leur remontrant que ce n'estoit pas bien fait, vu que le roy naguères étoit retourné de sa grand’ maladie. Ilsrespondirent au duc de Bourgongne : qu’ils ne se estoient point assemblés pour mal, mais pour le bien du royaume, et lui baillèrent un roolle, en disant que jamais ne se partiroient de là jusques à tant que on leur auroit baillé ceux qui escrits estoient dedans le roolle; c'est à savoir, le frère de la reine et le chancelier , et ceux qui

s'ensuit : Charles de Villers, Covenard , Bayer, :

MÉMOIRES DE SAINT-REMY

Jean, seigneurd’Olbain, l’archevesque de Bourges , Jean Vincent, Jennet d'Estouteville, le trésorier du duc de Guyenne, etun chevaucheur du duc d’Orliens , qui ce jour avoit apporté lettres au roy de par son maitre, et avec ce madame Bonne d’Erminacq, la dame de Montauban, la dame du Quesnoy, la dame d’Avelin, la dame de Nouvion, la dame du Chastel, et quatre damoiselles.

Quand le due de Bourgongne vit que rien ne profitoit sa requeste, il s’en alla vers la reine et lui montra le roolle ; laquelle, moult troublée , appella son fils le duc de Guyenne , et lui commanda que lui et le duc de Bourgongne allassent vers eux, et de plus ils les priassent tous deux que jusques à huit jours tant seulement se voulsissent déporter de prendre son frère, et au huitiesme jour, sans nulle faute, elle leur bailleroit à faire leur volonté; et se à sa requeste ne vouloient rien faire , au moins que ils fussent contents que elle le peulsist faire mener après eux , là où ils le vouldroient avoir prisonnier. Le duc de Guyenne fut moult courroucé et dolent de la manière que tenoient les Parisiens. Toutefois il alla devers eux, avec lui le duc de Bourgongne, qui leur exposa la requeste de la reine en brief, mais de tous points le refusèrent, disants, se on ne leur bailloit ce queils demandoient, ils les iroient quérir quelque part que ils fussent, et fussent en la chambre du roy. Les ducs de Guyenne et de Bourgongne véans que ils ne pouvoientrésisternerien faire devers les Parisiens, se retournèrent vers larcine, et lui contèrent en la présence de son frère la response des Parisiens, qui étoit telle que vous avez oy.

Quand le duc Loys de Bavière, frère de la reine, vit que remède n’y avoit qu’il ne fust mis ès mains des Parisiens, en très grand’ crainte et amère déplaisance , descendit de la chambre de la reine, et s’en alla aux Parisiens en leur faisant une requeste que ils le voulsissent mettre en honneste prison, et seils le trouvoient de rien coupable, il estoit content d’estre pugni, et se ils le trouvoient innocent , sans longue prison le délivrer. Les autres après descendirent ; si firent les dames et damoiselles, qui ne fut pas sans grand paour et craindre; et là y ot maintes larmes plourés; et à la vérité ce estoit grand’ pitié de voir telles nobles femmes estre mises ès mains de tel commun. Incontinent que iceux seigneurs, dames et damoiselles furent ès mains

des Parisiens, ils les firent monter à cheval et menèrent en prison, les uns au Louvre, et les autres en autres prisons, et Dieu sait la crainte que avoient icelle noble gent. La reine et le surplus de ses femmes plouroient, que c’estoit pitie à les voir; et pareillement le duc de Guyenne. Tantost après le seigneur d’Olhain fut délivré ; aussi fut le chancellier du duc d’Orliens. Le duc de Bourgongne , qui avoit la garde de son cousin-germain le duc de Bar, de messire Pierre des Essarts, de Anthoine son frère, et de plusieurs autres qui estoient prisonniers au chasteau du Louvre, lesquels il avoit plégié, s’en déchargea et les donna en garde à ceux de Paris. Ordonné fut, de par le roy, douze commissaires chevaliers et six examinateurs, pour connoistre ct juger selon l'exigence des cas ; et fut baillé à ceux de Paris.

Or est vrai que par le duc de Berry, oncle du duc de Bar, et aussi au pourchas de sa sœur Bonne de Bar, comtesse de Saint-Pol, et autres ses amis, se fit un traité, lequel fut envoyé devers ceux de l’université pour en avoir leur avis touchant les faits sur quoi ils avoient esté pris, mais leur en déplaisoit. Quand ceux de Paris virent ceux de l’université déjoindre d'eux, et doubtans que en temps avenir aucune chose ne leur en fust demandée, ils impétrèrent devers le roy et son grand conseil un mandement royal pour leur décharge et excusation, lequel contenoit en effet : que le roy les avoit fait prendre, et que ce que les Parisiens avoient fait estoit pour le bien de la personne du roy et du royaume, et aussi pour le bien de la justice et toute la chose publique, veullant que jamais à eux quelque chose ne fust demandée, ne à leurs hoirs ; et au vidimus d'icelles lettres sous le scel du Chastellet, ou autres sceaulx royaux ou authentiques, pleine et vraie foi y soit ajoutée, comme à l'original. Lesquelles lettres furent faites à Paris, le treiziesme jour d'avril 1413, présents les ducs de Berry, de Bourgongne, l’archevesquede Bourges, l’évesque de Tournay, le connestable de France, l’abbé de Saint-Denis, et pluiseurs autres. Durant les tribulations qui lors estoient à Paris, le comte de Vertus, frère du duc d’Orliens, qui lors estoit à Paris, considérant la prise du duc de Bar et des autres, sans le sceu et licence du roy, se partit secrettement de la ville de Paris, et s’en alla, Jui troisième, devers le duc d'Orliens son frère,