CHAPITRE XXVII
qui lors estoit en la ville de Blois, auquel il raconta les grands tribulations, monopoles et assemblées qui s’estoient faites et faisoient de jour en jour à Paris, dont moult en déplut au duc d’Orliens. Duquel partement le duc de Bourgogne fut moult déplaisant , car il ot bien vollu que le mariage d’une de ses filles et du comte de Vertus se fust fait, ainsi que promis avoit esté par avant. Pareillement se partirent de Paris plusieurs notables seigneurs des gens du duc de Bourgongne, pour la crémeur et doubte des Parisiens. Toutefois, le duc de Bourgogne en remanda les aucuns, qui en grand doubte y retournèrent, et non sans cause ; car les Parisiens en faisoient morir et noyer journellement, sans ordre et ordonnance, que estoit pitié à le voir, car en eux n’avoit raison nulle. Et le vendredi ensuivant dixiesme de mai, à la requeste du duc de Bourgongne et des Parisiens, le roy alla en la Chambre de parlement, et là fut en estat royal; et là fitet ordonna certaines constitutions touchant le gouvernement de son royaume; et par espécial ordonna un mandement qui seroit porté par tous les baillages et ailleurs, pour là estre publié; et la cause si estoit, pource que messire Cliget de Brabant, messire Loys Bourdon et autres capitaines, tenoient les champs sur la rivière de Loire en prenant leur chemin devers Paris. Le mandement contenoit, en effet: que le roi mandoit à tous ses baillis et officiers comment il avoit sceu que plusieurs gens pilloient et roboient, et détruisoient son royaume; et de fait estoit acertené que par eux estoient les subjets tués ou rançonnés, pucelles violées ; et tous les maux que ennemis polvoient faire, ils faisoient ; pour lesquelles causes le roy mandoit qu’il fust crié à son de trompe, par tous les lieux acoutumés à ce faire, que tantost un chacun se retournast à son hostel sans plus tenir les champs, sur confiscation de corps et de biens. Et avec ce fut publié : que nul, de quelque estat qu’il fust, fussent les princes de son sang ou autres, ne fissent assemblée de gens de guerre, pour quelque cause que ce fust, si ce n’estoit pas son mandement et ordonnance. Toutefois, il n’entendoit mie que si aucun prince de son sang, et ceux qui l'avoient servi au siége de Bourges, mandoient aucuns de leurs subjets à venir devers eux, qu'ils ne le peussent, mais à tous au: tres deffendoit, |
Tantost après, environ la vigile de Pentecoustes, messire Jacques de la Rivière, frère au comte de Dammartin, qui avoit esté pris avec le duc de Bar en hostel du duc de Guyenne, fut dit que il s’estoit désespéré, et frappé d’un pot d’étain en la teste, si grand coup que il s’estoit tué; et pour ceste cause fut mis sur une charrette, et mené ès halles de Paris, où il fut décapité : mais, à la vérité, la chose alla autrement ; car le seigneur de la Jacqueville l’alla visiter en la prison; et entre plusieurs paroles l’appela faux traistre ; et messire Jacques respondit que il avoit menti; et adonc le seigneur de Jacqueville, soi véant démenti, et meu de courroux, le frappa d’une petite hachette que il tenoit en la main si grand coup que il mourut. Et quand ledit Jacqueville lot ainsi tué, il issit hors de la prison, et fit courre la voix avant Paris que lui-mesme s’estoit tué d’un coup de pot d'etain. Si fut tout notoire que ainsi estoit, et chacun le disoit, et cuidoit chacun que il fust ainsi. Un gentilhomme, nomme le Petit Maisnil, écuyer tranchant du duc de Guyenne , eut la tête tranchée ès halles , et aussi olrent Thomassin et deux gentilshommes ; et taut ce faisoient faire les Parisiens. Le comte d’Eu, qui là estoit, prit congé du roy et du duc de Berry, son beau-père, pour aller en sa ville d’Eu, où il fit grand’assemblée de gens d'armes, feignant que il voulsist faire guerre au seigneur de Croy, pour tant que messire Jean de Croy avoit pris les enfants de Bourbon en son hostel de Monceaulx ; mais il fit le contraire, car tantost qu'il ot ses gents prests, s'en alla devers le duc d'Orliens, qui estoit à Vernoeul en Perche ; et aussi le roy Loys, les ducs de Bretaigne et de Bourbon, les comtes de Vertus et d'Alençon, et plusieurs grands seigneurs, qui estoient assemblés, pour certaines lettres que le duc de Guyenne leur avoit escript, et aussi mandé par le comte de Vertus, c’est assavoir : comment le roy son père, la reine et lui, estoient prisonniers, et de tous points au gouvernement et garde de ceux de Paris, dont lui déplaisoit grandement. Aussi leur fit dire l'emprisonnement des ducs de Bar et de Bavière, et des autres, tant hommes que femmes ; pourquoi s’estoient iceux assemblés en la ville de Vernoeul. Si orent advis ensemble qu’ils rescripvroient au roy et à son grand conseil, et à ceux
de Paris, qu’ils laissassent aller le ducde Guven-
MÉMOIRES DE SAINT-REMY
ne où bon lui sembleroit, et qu'ils délivrassent les ducs de Bar et de Bavière, avec tous les autres prisonniers ; ou, si ce ne faisoient, ils feroient guerre à la ville de Paris, et détruiroient à leur pooir tous ceux qui dedans estoient, réservé le roy et ceux de son sang royal. Lesquelles lettres furent reçues par le roy en conseil, où il fut délibéré que on envoyeroit une ambassade devers eux pour traitier des matières, pour faire faire response aux lettres que escriptes avoient. Le samedi, premier jour de juillet, après ce que on eut fait le procès de messire Pierre des Essarts, auparavant prévost de Paris, il fut mené ès halles, oüilot la teste tranchée et le corps mené au gibet.
