CHAPITRE XX VIII

De la proposition et harangue que les ambassadeurs'du roy de Céville, des ducs d'Orliens et de Bourbon, feirent à Ponthoise aux ducs de Berry ct de Bourgongue, pour le bien et utilité, paix et union du royaume, et des articles sur ce advisés.

Vous avez ouy comment il fut délibéré au conseil du roy d'envoyer une ambassade devers le roi Loys, les ducs de Bretagne et de Bourbon, et fut ainsi fait. Lesquels ambassadeurs furent honnorablement receus d'eux; et tantost après ladite ambassade envoyée, le roy tintconseil; et fut ordonné que messire Jean de Moroeul porteroit lettres ès baillages d'Amiens et de Vermandois, et aux prévostés d’icelles, par lesquelles leroy leur faisoit savoir : qu’ils lui fussent toujours fermes, bons et loaulx ; et fussent toujours prests en armes toutes et quantes fois que lui et son fils, duc de Guyenne. les manderoient pour eux servir; et avec ce leur mandoit le roy que tout ce qui avoit esté faità Paris, touchant l'exécution de plusieurs gens,avoitestéfait par justice et de son consentement, en leur faisant savoir et déclarer les causes pourquoi l’exécution avoitesté faite. En celle saison, une armée d'Angleterre descendit en la citéd'Eu, en un port de mer nommé le Tresport, lequel ils prirent et ardirent et détruirent, et mesmement l’église et l’abbaye fondée en l'honneur de saint Michel ; et puis s’en retournèrent, sans autre chose faire, en Angleterre. Or faut parler des ambassadeurs qui avoient esté envoyés de par le roy à Vernœul , devers les dessusdits seigneurs. Lcs ambassadeurs furent l’évesque de Tournay, le

grand maistre de Roddes, les seigneurs d’Offemont et de la Viefville, maistre Pierre de Marigny et aultres ; lesquels, après ce que ils orent besogné devers les princes qui à Vernoeul estoient, rapportèrent au roy l'effet de leur ambassade. Laquelle rapportée, un peu de temps après, par l'ordonnance du roy, les ducs de Berry et de Bourgongne, avec eux lesdits ambassadeurs , furent envoyés à Ponthoise; et le roy de Secille, les ducs d’Orliens et de Bourbon, les comtes de Vertus, d’Alenchon et d’Eu, vinrent à Vernon; et là envoyèrent leurs ambassades à Ponthoise, devers le duc de Berry et Bourgongne, pour leur remontrer et exposer les causes de leurs complaintes, et les grands maux, périls et inconvénients qui pourroient advenir; et par un de leurs ambassadeurs fut exposée la charge et la créance qu’ils avoient aux ducs de Berry et de Bourgongne, avec lesquels estoient plusieurs du conseil du ray, et aussi des Parisiens. Et dit ajnsi celuy qui proposa pour le roy Loys, les ducs d’Orliens et autres.

« La crédence à nous baillée, de la partie de monseigneur le roy de Secille et le duc d’Orliens, et vous, nos très redoutés seigneurs de Berry, de Bourgongne, et à vous, messeigneurs du grand conseil du roy, et de monseignenr de Guyenne, qui estes de leur compagnie, puisqu’il convient que je die la parole pour le bien de paix, confiant en celui qui est auteur de paix, en la faveur et bonne volonté des écoutants, je prends un mot du Psautier : Ocuh mei semper ad Dominum, au vingt-quatriesme psaume , qui vaut autant à dire ; « Mes yeux sont toujours vers nostre Seigneur, » Par l'introduction du sage Platon, duquel j'ai pris mon theusme, entre les autres notables dits envoyés à tous seigneurs et princes ayans prééminence au gouvernement des choses publiques, ils doivent garder les commandements de leurs seigneurs; premier, que en tout ce que ils feront ils aient le regard à la chose publique, en délaissant et mettant derrière leur bien particulier et profit, selon ce que la chose publique, dont ils ont le gouvernement, représente un corps dont ils sont les chefs, et les sujets sont les membres; en telle manière que, se aucuns des membres sont blessés, qu’il en descende douleur au chef. Et pour venir à mon propos, je considère ce royaume de France chrestien estre un corps, duquel vostre souverain sei-