CHAPITRE XXVIIT

gneur le roi est le chef, et les membres sont leg sujets. En quel degré je metterai les seigneurs du sang royal, qui nous ont ici envoyé, et vous aussi, mes très redoutés seigneurs aux quels nous parlons? Je ne scais, car nous n’avons point de chef, se non le roy, nostre squye. rain seigneur et prince. Quant au chef, je ne vous compare pas, ne aussi aux membres parz ticuliers du chef. Et pour tant que entre les autres membres du chef les yeux sont les plug notables , et de plus grand, singulière et meilleure condition, je vous compère comme les yeux dudit chef, pour trois causes très excellentes et singulières. Premier ; car les yeux sont at doivent estre de leur nature en corps biendisposés de mesure, forme et figure, et de vue, et sans . quelque différence, si comme que quand un œul regarde droit et l’autre de travers, ou que Pun fust clos et l'autre ouvert, tout le corps en est difforme, et de ce prend-il nouvel nom, comme borgne et loucque. Et ainsi me semble que nos seigneurs nous ont ici envoyés à vous, nos très redoutés seigneurs, auxquels nous parlons ; supposé que vous soyez plusieurs en grand nombre, toutesfois estes vous regard sur tout le corps, et debvez estre tout d’une volonté, tendans à une bonne fin ; c’est assavoir ’œul d’entendement par glère Connoissance, et l'œul par effet, par vraie amour, et sans diffé. rence, COMME dit le sage éclésiastique ; Oeuli sapientis in capile ejus. Secondement : les yeux sont en la plus haute et évidente pars tie de tout le Corps, comme dit le prophète Ezéchiel, au vVingt-quairiesme chapitre ; Speculalorem dedi le domui: Israël; pareilles ment sont nos seigneurs du sang royal, cer pour la singulière affection que ils ont à leur seigneur et à toute sa domination et seigneu. rie, ils veillent continuellement sur la garde d’icelui, Tiercement : car pour la grand’ noblesse de l'œul, qui a la forme ronde, il a telle sensibilité de tous les membres de son corps que tantost que aucun membre est blessé de douleur, il en pleure, comme dit le prophète Jérémie, au dix-neuviesme chapitre : Plorans plorabit et educet oculus meus locrymau. Et semblablement fait à ce propos ce que réeite Valère en son huitiesme livre, de Marcelle tyran: lequel véant la désolation de sa cité par son ennemi, laquelle il avoit pris par force, ne se polt tenir de pleurer de la douleur des mem,

bres ; comme fit Codrus, duc d'Athènes, lequel, pour gagner la bataille contre ses adversaires, il se fit tuer de sa mesme volonté. Et pour ce, tous nos seigneurs sont et doibvent estre de pareille condition ; et les ai accomparés aux yeux, disant : Oculi mei semper ad Dominum, en la personne des seigneurs qui nous ont envoyés, voire et en la personne de nous qui avons ceste charge receue, non pas pour tant que aucun de nous se équipare à l’œul, mais comme très humble serviteur de l’œul, et assis entre ses ennemis, maistre du corps des devant dits, comme l’ongle du petit doigt nommé le médecin de la dexire main, par vraie disposition de nature, accoutumé de servir et obéir à l’œul, à l'exemple duquel nous sommes contraints de parler de tant haute matière, laquelle chose nous est moult griefve ; mais c’est le bien de la paix, et pour obéir à l’œul; car, en quelconque temps, chacun doibt avoir regard à nostre Seigneur, mais encore plus en temps de adversité, comme on dit : « Viens à ton « ami quand tu esappelé,llui estant en prospé- « rité; et quandilesten adversité, n’attends pas «quetu soyesappelé.» Mais j'entends de tous seigneurs terriens, supposé qu’ils soient dissolus, et non faisant les faicts et les œuvres du roy et du Seigneur, selon le dit de l’apostre saint Pierre : « Soyez subjects à toutes créatures pour « l'amour de Dieu, et au roy, comme plus excel- «lent ; » et de rechef : « Soyez obéissants en la « crémeur de nostre Seigneur, et non pas tant «seulement aux bonset justes, mais aussi aux «non sachants. » Et par ainsi se poeult dire de chacun seigneur le mot que j'ai pris : Oculi met semper ad Dominum. Et pourtant, mes seigneurs qui nous ont ici envoyés, ayant l’œul d’entendement par claire cognoissance, et affectés par vraie amour à leur seigneur, comme au chef et à tout Le corps de ce chrestien royaume, doubtans que d’eux on ne die ce qui est escript par le Sage au huitiesme chapitre : Speculatores ejus cæci sunt; « Ses gardeurs ou veilleurs «sont aveuglés : » et aussi que on ne die qu'ils soient semblables aux porcs, qui les fruits des arbres dévorent, et jamais ne lèvent leurs yeux à l'arbre; veans et pensans aucuns mauvais qui puis un peu de temps les ont tenus en la ville de Paris, se deullent qu’ils voyent avoir et souffrir tout le corps devant dit une grande destruction, pour laquelle puisse bientost venir

MÉMOIRES DE SAINT-REMY

et encourir à une bien grande maladie périlleuse, et telle que, par continuation, puisse estre mortelle, que Dieu, par sa grace ne veulle ! Premier ils ont entendu la prinse des serviteurs du roy, dela royne et du duc de Guyenne, desquels à eux seigneurs tant seulemeut appartient la cognoissance, et non à autre : et après ont entendu que pareillement a esté fait des dames et damoiselles qui estoient en la compagnie de la royne et de madame de Guyenne.

Lesquelles choses, tant pour l’honneur de leurdite maistresse la royne, comme pour l’amour du sexe féminin, ont deubt par raison avoir différé, et aussi poar l'honneur de chasteté. Et droict dit ainsi et commande, sur grand peine, que honnestes femmes ne soient point traictées en publique ; et aussi, pour l’honneur de noblesse et de la noble maison dont elles sont extraites et issues, il semble qu'elles ne doibvent pas estre ainsi traictiées. Et en outre, se deullent, et nonobstant que quelques seigneurs du sang royal n’apparteignent, fors seulement au roy et aux seigneurs de son sang, messeigneurs les ducs de Bar et de Bavière, comme ils ont entendu, par gens qui n’avoient nulle autorité d'office royal , et en manière de rumeur du peuple, lesquels, par force, rompirent les portes de l’hostel du roy et de monseigneur de Guyenne, et par espécial que ils ne scevent aucunes justes causes ou couleur pourquoi ils font tels exploits qui ne se deussent faire ; et peut-être que si ils scavoient aucunes justes causes, ils ne se esmerveilleroient point tant que ils font. Et encore outre ; car en continuant, comme on dit, monseigneur de Guyenne a esté etest privé de sa liberté active et passive : active, car il ne peult aller hors de son hostel, ou au moins hors de la ville de Paris ; passive, car nul, de quelque condition qu’il soit, ou de son sang, ou d'autre, n'ose parler ne converser avec lui, fors ceux qui le gardent, ainsi qu'il est accoutumé de faire à un prisonnier honneste : laquelle chose est moult griefve à lui et auxdits seigneurs, d’estre privés de la vision et conversation de leur souverain seigneur en terre, comme se c’estoit après la vie perdre la vision de Dieu. Ztem, se deulent; car, puis que les choses sont advenues, vindrent lettres de par la ville de Paris, envoyées auxdits seigneurs, et presque semblables envoyées aux bonnes villes de ce royaume, contenants en effet les

exploits dessusdits avoir esté faits, par le petit gouvernement dudit monseigneur de Guyenne, et en le requérant que chacun fist ainsi. Donc, quant aux lettres dessusdites envoyées , ils se deulent, car nuls, fors ceux du sang royal, ne doivent scavoir quelque chose de leur gouvernement, ne qui donne charge à tels seigneurs; et aussi n’y avoit la cause faincte ou vraie pourquoi les villes deussent faire tels exploits ; car il n’estoit personne qui jamais se fust mêlé du gouvernement de monseigneur de Guyenne.

Et semble que ce ne soit fors à induire ou esmouvoir le peuple à aucun mauvais appointement faire, au préjudice du roi et du royaume. Et aussi sedeullent, car, par l’importunité d’aucuns continuans ladite matière, furent impétrés mandemens contenans que, pour quelque mandement desdits seigneurs ou d’aucuns d’eux, nuls ne venissent en leur compagnie, mais se tenissent en leurs maisons, jusques à donc que monseigneur le connestable ou aucuns autres seigneurs estans dedans Paris les manderoient , dont grandement se plaignent ; car oncques ne firent ne ont intention de faire chose pourquoi on leur doye oster leurs vassaux ; et quand le roy a affaire d'eux, les susdits vassaux le doivent servir en leur compagnie. Item, se plaindent de pluiseurs autres paroles et mandemens par lesquels pluiseurs officiers , qui de faict ont prins et de faict encore prendent chasteaux et forteresses, en y commettant nouveaux offciers , en bouttant dehors ses capitaines, quoiqu’ils soient notables chevalièrs et escuyers, preudhommes et sans reproches, qui toute leur vie ont bien servi et léalement, et ont intention de servir le roy. Lesquelles choses et mandemens, et chacune d’icelles lettres sont moult estranges, nouvelles et déplaisantes, et donnent occasion à tous les estats, tant en chef comme en membres, mal exemple et inobédience , et par conséquent de subversion et de ruineuse domination ; car ce très noble et très chrestien royaulme a esté gouverné longuement en bonne prospérité, principalement par bonne police d'icellui, en bonne et vraie justice, dont le fondement fut par trois choses, par lesquelles il excède les autres : comme première : patience par laquellela foi chrestienne fut défendue, et justice par bonne police soutenue en ce royaulme , et après par la très noble et pleine preud’hommie de chevalerie, par laquelle non