CHAPITRE XX VII
pas seulement ce royaulme, mais toute la foi
chrestienne en a esté doublée et défendue ; et
tiercement le grand nombre de peuple loyal, et subjects, comme vrais obéissants à la domination : lesquels trois, par telle manière et exploits, légèrement venroient à totale perversité et perdition ; et tellement que tout l’ordre est perversé, et que l’un occupe l'office de l’autre ; car les pieds qui portent le chef, les bras et le corps, vont dessus, et le chef est bas; donc le corps et tous ses membres perderoient la reigle et bonne disposition de nature, et ainsi que dit la loi. Pour laquelle chose nos seigneurs qui nous envoyent à supplier au roy et à la royne , et à monseigneur de Guyenne, et en priant et requérant à vous, nos très chers et redoutés seigneurs, qui ici estes, et à chacun de vous, à part lui, selon lexigence du cas et possibilité ; laquelle est pour avoir et eux porter les remèdes convenables ; et il leur semble que en poursuivant l'opinion des sages physiciens que abstinence est persévération‘des maladies pour la santé du corps : et pour ce de la partie des seigneurs devantdits, nous vous prions , et de la nostre vous supplions, que de cy en avant tels exploits et manières, ainsi que dit est dessus, et toutes commissions extraordinaires cessent du tout, par vraieexhibition de bonne justice, par laquelle, honneur, prééminence et vraie liberté soient au roy et à monseigneur de Guyenne, comme au chef soit honneur et prérogative accoutumée , et aux seigneurs comme à l’œuil du chef, vraie justice, et en eux préservant de toutes offenses, et au peuple comme le corps, les bras et les jambes, soit bonne, vraie et seure paix, et comme dit le Psalmiste : Justitia et pax oscultæ sunt. Duquel bien dit sainct Augustin, « que chacun demande la paix en sa maison. » Et s’aucuns voeullent ladite abstinence estre périlleuse, pour la crémeur des deux choses contraires, qui sont guerre et justice rigoureuse, nous répondons de la partie desdits seigneurs : que ces deux là ils escheveront de tout leur pouvoir, et par effect se ployeront de très bon cœur à faire ladite abstinence, et à expulser tous les gens d'armes portants dommaige en ce royaulme, partoutes les voies et par tous les moyens que ils porront. Et quant au faict de justice rigoureuse, leur intention est de ensuivir la manière de tous princes, considérant la sentence de Pla+
ton, que quand un prince est cruel en la chose publique , est quand le tuteur chastie cruelleent son pupille du conseil que ils ont pris à défendre ; en espécial en ensuivant la coutume dé leurs prédécesseurs de la très noble maison de France, lesquels ont toujours accoutumé d’avoir en eux pitié de débonnaireté, et délaisser au derrière rancune et malévolence contre ceux de la ville de Paris ou de la partie, qui de ce pourroient estre coupables ou chargés, én suppliant au roy, à la royne, et à monseigneur de Guyenne, pour avoir et obtenir, tant d'üh costé comme d'autre, leut abolition. Et désirent lesdits seigneurs sur toutes les choses de ce monde, à voir le roy et la royÿne, et monseigneur le duc de Guyenne, en leurs franchi- £es et libertés, comme à Rouen, Chartres, Melun ou Montargis, ou en autres lieux plus convénables hors de Paris, pour le premier accès, fon pas pour la malévolance qu'ils aient contre leg habitants d’icelle, mais pour eschever toute occasion de rumeur , laquelle seroit ou polroit éstre entre les serviteurs desdits seigneurs et pluiseurs de la ville. Et plaist auxdits seigneurs, que en toute seureté expédiente et nécessaire soient voies et manières advisées et mises avant, à obvier à toutes souppechons et inconvénients à ladite congrégation. Auquel lieu venront lesdits seigneurs de très bon cœur, pour adviser et pourvoir au bon estat de ce royaulme, et au vrai pacifiement d’icellui ; et sut ce soient advisées les manières possibles de seurelé; car nos seigneurs, et nous de leur partie, seront prests d'entendre au bien, honneur, profit, et à la vraie union du très noble chef du corps et de touts les membres dessusdits. Et se je ai dit petit, mes seigneurs et Com-
agnons sont bien disposés pour amende ; et se je ai dit trop, ou chose qui touche au deshonneur ou à la desplaisance d’aucuns , mes très redoutés seigneurs, plaise vous les imputer à gimplesse ou à ignorance de loyauté très parfaite et très affectée au bon estat du roy, et à l’appaisement de tout son royaulme, veu et considéré que je ai esté et suis par nature fort obligé à serment et service, à ce faire; cuidant de tout mon petit pouvoir ensuivir mon petit et singulier desir, lequel le roy de Secille, mon seigneur et mon maistre, a au bien de ceste matière; et ne me soit pas #’il vous plaist
fection désordonnée que j’aye ne os oncques ; ne entends à avoir jusques à ceste proposition desdites ambassades, c’est assavoir du roy de Secille et des autres seigneurs: #
En après , furent dites et proférées plusieurs paroles sur l’avis de la paix, d’une partie et d'autre, afin que ce royaulme demourast en tranquillité et union ; et provision fut mise aux inconvénients: et furent faits aucuns articles sur ce, lesquels sont contenus en une cédulle de laquelle la teneur s'ensuit.
“ Entre les seigneurs du sang royal, serd bonne amour et union ; et promettront et jureront estre vraiset bons amis, et de ce feront lettres les uns aux autres et serments ; et, en plus grande confirmation de ce, jureront et prometteront pareillement les serviteurs plus principaux desdits seigneurs d’une part et d'autre.
« Jiem, les seigneurs du sang royal qui ont envoyé leurs ‘messages et ambassades feront cesser la voie de fait et de guerre, et ne feront quelques mandements de gens d'armes, mais s’aulcuns en estoient faits, ils les feront cesser du tout.
« Item, feront tout leur loyal povoir de faire expulser et retourner le plus brief que faire pourront les gens de compaignies qui sont avec messeigneurs Clignet et Loys Bourdon et autres, adhérents par toutes voies et manières à eux possibles. Et se les gens de compagnies ne voulloient ce faire, lesdits seigneurs s’employeroient au service du roy, pour iceux faire retourner ou détruire, et tous les autres ennemis du roy qui vouldroient grever son royaume.
a Item, promettront que de choses qui sont advenues à Paris ils ne porteront nulles rancunes, maltalent ne dommaige à la ville de Paris, ne à aucuns particuliers d’icelles, ne procureront estre faits eh aucune manière, sous ombre de justice; ou en autre manière, comment que ce soit; et s’aucunes seuretés estoient advisées pour le bien de la ville et des particuliers d'icelles, ils se offrent faire procurer et aidier de tout le pouvoir.
« Item, que tous les seigneurs jureront et promettront par leurs serments, sur la sainte vraie croix et sur les saintes Evangiles de Dieu, en paroles de prince et sur leur honneut, faire entretenir et: paraccomplir loyaälement toutes les choses dessus dites, sans aucune fraude ou
imputé de témérité, ne autre mal talent ou af- calompnie de vérité; et de ce feront et baille-
