CHAPITRE XXIX
ront leurs lettres au roy, scellées de leurs . nombre, fut accordé de par le roy, que tout ce
sceaulx.
« Ilem, en ce faisant, les messages et ambassades desdits seigneurs requerront au roy que il lui plaise adnuller et révoquer tous les mandements des gens d'armes, et fasse cesser toutes voyes de fait de guerre, excepté contre les gens de Ponthoise.
« [tem, semblablement fasse cesser et réduire à néant tous les mandemens n’a gaires donnés, à mettre en sa main aucuns chasteaux et forteresses, et de iceux oster les capitaines et autres, etcommettre en lieux d’iceulx ou en lieudes seigneurs auxquels les chasteaux et forteresses appartenoient, et fasse remettre les dessusdits au premier estat, quant à ce; et que la commission par lui donnée, après certain temps, pour le fait des prisonniers appellés ou à appeler à bannissement, soit révoquée; et que, par justice ordinaire et accoutumée du roy, soient contraints et convenus, sans ce que aucuns commissaires particuliers de ce se entremeslent aucunement.
“ Jtem, que le roy, la royne, monseigneur de Guyenne, ces choses ainsi faites et accomplies, soient un certain jour en aucun lieu dehors Paris; auquel lieu soient les devant dits seigneurs de chacune partie pour confermer bonne union entré eux, pour adviser aux besognes du roi, nécessaires à lui et à son royaulme; et se aucuns faisoient doubte que les seigneurs ou aucuns d’eulx voulsissent induire le roy, la royne, et monseigneur de Guyenne, à aucune hayne ou vengeance contre la ville de Paris ou aucun des habitants, ou prendre le gouvernement, ou attraire le roi avec eux, ou monseigneur de Guyenne, ou que à ladite congrégatiôn ou assemblée on fasse aucun doubte, ledits seigneurs sont prests de bailler bonne seurté possible, là ou on pourra adviser. »
Lesquelles besognes ainsi mises par escript ét conclues par les seigneurs dessusdits d’une partie et d'autre, se départirent et retournèrent ès lieux dont ils estoient partis.
Et après queles ducs de Berry etde Bourgongne, et ceux qui avec eux estoient furent retournés à Paris, ils remontrèrent au roy les points de leur ambassade, et le contenu de la cédulle ; et après ce que tout ot esté avisé par grand délibération de conseil, où estoient ceux de l’université de Paris et de la ville en grand
que les ambassadeurs avoient fait et rapporté s'entretenroit; et sur ce fut ordonné à faire certains mandements rovaux, pouf ehvoyer ès sénéchaussées du royaume, pour estre publié par les officiers ès lieux accoutumés ; desquels mandements la copie sera cy-après déclarée.
Durant que on traitoit ainsi ladite paix, messire Clignet de Brabant, messire Loys Bourdon, et autres Capitaines, en leur compaignie bien seize mille combattants, faisants maux innumérables, se trouvèrent jusques au pays de Gastinois, disants que c’estoit pour faire guerre aux Parisiens. De ce non contents, mirent jusques au nombre de seize cents lances, et grand nombre d’autres combattants, desquels étoit chef et capitaine messire Elion de Jacqueville, Toutefois ils ne se entrouvérent point, et se départirent sans combattre. En ce temps le roy ordonna une grande ambassade, c’est assavoir le comte de Sainct-Pol, connestable de France, l’'évesque de Tournay et l'amiral ; lesquels feurent, par le roy, envoyés à Boulogne sur la mer, pour communiquer avec les ambassadeurs du nouveau roy d'Angleterre, nommé Henri, fils du roy Henri de Lancastre, qui de nouvel estoitallé de vie à trespas, qui estoient descendus à Calais: c’est à savoir le comte de Warwic, l’évesque de Saint-David, et aucuns autres ; lesquels ambassadeurs s’assemblèrent ensemble, et traitèrent unes trefves entre les deux royaumes de France et d'Angleterre, jus« ques aux Pasques, lesquelles furent publiées et tenues.
