CHAPITRE XXXIL

duc d'Orléans. Le roi en eult la cennoissance et en décida, et jugea que le duc d'Orléans iroit au-dessus du duc de Bretagne, tant en aller, seoir, escrire, que en toutes autres choses; dont le duc de Bretagne fut mal content, et pour ceste cause s’en partit de la ville de Paris par mal talent ; mais avant son partement, eut paroles entre lui et le comte de Vendosme moult aigres, et par ainsi demeurèrent en hayne l’un contre l’autre. Environ ces jours fut le Borgne de la Heuze desmis par le roi de la puissance de la prévosté de Paris, et en son lieu y fut constitué maistre Andrieu Marchand, advocat en parlement. Messire Guichard Daulphin, grand maistre-d’hostel de France, le seigneur de Rembures, maistre des arbalestriers, et messire Anthoine de Craon furent renvoyés en leurs maisons; et leur fut dit qu’ils ne retournassent plus se le roi ne les mandoit. Et pareillement furent mis hors de Paris trois à quatre cents hommes que femmes, pour ce qu’ils avoient esté favorables au duc de Bourgongne. Le comte de Vendosme fut fait grandmaistre-d’hostel, et avec ce pluiseursoffices furent renouvellées. Environ la Toussaint, le roi ordonna une ambassade pour envoyer devers le duc de Bourgongne, qui lors estoit à Lille qui se donnoit du bon temps. On fit unes festes et joustes où lui-mesme jousta, son fils, comte de Charollois, et ses deux frères, c’est assavoir le duc de Brabant et le comte de Nevers, et pluiseurs autres chevaliers. | L’évesque d’Evreux, le seigneur de Dampierre, l'amiral de France et autres ambassadeurs du roy, présentérent au duc de Bourgongne lettres par lesquelles le roy mandoit au duc de Bourgongne : que, sur peine de toute confiscation, il ne fesist convenance ni traités nuls au roi d'Angleterre, touchant le mariage de sa fille ni autrement, en quelque manière que ce fust ; et avec ce, qu’il rendist et fist rendre au roi trois de ses villes et chasteaux, lesquelles il tenoit ou faisoit tenir par ses gens; c’est assavoir, Chierbourg, Bohain et le Crotoy; et qu'il tenist de point en point la paix telle qu’il avoit promise. Quand le duc de Bourgongne olt ouy la lecture du mandement et commandement royal, sans faire quelque réponse, se partit de la ville de Lille et s’en alla à Audenarde. Les ambassadeurs du roy retournèrent à Paris sans autre chose faire. Le roi doubtant la rompture de la

paix, fit faire nouveaux mandements par quoi il mandoit à tous les baillifs, seneschaux et officiers, qu'ils fissent publier iceux mandements, par lesquels il maadoit qu'il vouloit tenir et entretenir la paix faite entre les Orliénois et les Bourguignons; laquelle chacune des parties avoit juré solennellement sur les saintes Évangiles et sur la sainte vraie croix, tenir sans icelle enfraindre ou violer ; néanmoins il estoit venu en la cognoissance du roi que pluiseurs, de divers estats et conditions, murmuroient à Paris en semant mauvaises paroles pour venir à conclusion de rompture de la paix, à icelle intention d'émouvoir guerre mortelle; pour laquelle cause le roi mandoit à ses officiers que, s’ils trouvoient aucuns des gens tels que dessus est dit, ils fuissent pris et punis criminellement; et avec ce, ceux qui les accusoient à justice eussent la tierce partie de leurs biens.