CHAPITRE XXXIIL

Comment le roy de Sécille renvoya la fille du duc de Bourgongne, Catherine, laquelle estoit plegie (1) à Loys son tilz, dont le duc feut mal content ; et des lettres excusatoires el accusatoires que ledit duc envoya au roy.

Le vingtiesme jour du mois de novembre, le roi de Sécille fit ramener en la ville de Beauvais Catherine, fille au duc de Bourgongne ; laquelle devoit estre épousée à Loys, son fils ains-né, ainsi comme paravant, du consentement des deux parties, avoit esté traité; et sur ce, par le duc de Bourgongne luy avoit esté envoyée en très honorable état; mais, comme dit est, la renvoya accompagnée du seigneur de Longvy, maréchal de France , et plusieurs aultres , jusques au nombre de cent soixante chevaux, chevaliers, écuyers, dames et damoiselles, et aultres officiers du roy Loys. Laquelle fat rendue aux gens de son père; c’est assavoir aux seigneurs de Dours, de Brimeu, de Humbercourt et de Bours, et autres chevaliers, escuyers, dames et damoiselles, pour ceste cause là envoyés de par lui; et d’iceux fut receue et ramenée jusques à Amiens, et de là à l'Isle, deversson père, le duc de Bourgongne, qui dece grandement fut troublé, et conchut pour ceste cause grande haine allencontre du roi de Sécille, laquelle dura toutes leurs vies; et depuis, sans avoir esté mariée, mourut en la ville de Gand icelle ladite Catherine de Bourgongne;

(1) Fiancée,

laquelle estoit, selon sa jeunesse , une très gracieuse dame. Tantost après, le duc de Bourgongne envoya à Paris, devers le roi, unes lettres contenants les excusations et accusations que il faisoit contre ses adversaires, desquelles lettres la teneur s'ensuit :

“ Mon très redoubté seigneur,

« Je me recommande à vous tant humblement comme je puis, et suis désirant journellement, comme droit est, de scavoir de vostre bon estat, que Dieu, par son doux plaisir, voueulle tousjours continuer de bien en mieux, selon vostre bon vouloir et désir! Pourquoi je vous supplie très humblement, mon très redoubté seigneur, que plus souvent je puisse, par vostre bon plaisir, estre de vous par lettres bien à plain acertené ; car Dieu scait, mon très redoubté seigneur, comment je désire de vous voir en bonne prospérité, et ne puis avoir plus grand consolation ne parfaicte joie en ce monde que d'oyr bonnes nouvelles de vous, que Dieu, par sa sainte grace, me doinst toujours oyr et scavoir telles et si bonnes que vous vouldriez, et que je vouldroye et désire pour moi-mesme. Mon très redoubté seigneur, se de vostre grace et humilité vous plaist scavoir de mon état, j'estove au département de ceste ville en très bonne santé de ma personne, grace à Dieu, qui tousjours me la veuille octroyer ! Mon très redoubté seigneur, je tiens bien estre en vostre bonne mémoire comment, par vostre bonne ordonnance , du conseil de mon très redoubté seigneur, monseigneur le duc de Guyenne, vostre fils et le mien, de plusieurs seigneurs de vostre sang et de vostre grand conseil, à la grande et humble requeste de vostre fille l’université de Paris, des gens d’Eglise d'’icelle ville, du prévost et eschevins, et généralement des autres bonnes gens de vostredite ville, certaines ordonnances, tant de vostre grand conseil comme de pluiseurs autres conseillers, lesdits seigneurs de ladite université, de l'Eglise et de ladite ville de Paris, à avoir paix et union des seigneurs de vostre sang, pour le bien qui en poeult advenir à vous et à eux, et généralement à tout vostre royaume, et mesmement pour la réparation de misère et misérable estat de votre royaume, qui estoit en estat de toute désolation, se ne fust la grace de Dieu qui vous inspira de ladite ordonnance, moyennant laquelle chacun vostre léal parent et sujet de vostre

royaume peuvent avoir espérance de dormir et reposer en paix, si comme il fut dit et proposé notablement par devant vous, où estoient plusieurs, tant de vosire sang comme autres, par un notable chevalier, conseiller de mon très cher seigneur et cousin le roi de Sécille; et néanmoins, mon très redoubté seigneur, jàsolt-ce que je euisse juré en vostre présence, de bonne foi et bonne intention, et tant cordialement que plusieurs adonc assistants présents devant vous povoient veoir ; et pour ce que je doubte et ai doubté que pour mon département pluiseurs puissent prendre aucune estrange imagination sur la rumpture etinfraction de vostrediete ordonnance, le plus tost que j'ai pu, je vous ai envoyé devers vous de mes gens pour ceste cause, principalement mes lettres, à vous certifier la volonté et intention que j'avois et ay à l’entretenement de vostre ordonnance ; et encore, à plus grand confirmation, j'ai envoyé devers vous mes gens pour ceste cause principalement, que je tiens et veux tenir estre en vostre bonne mémoire. Mais, ce nonobstant, mon très redoubté seigneur, et que je n’ai rien fait contre vostredite ordonnance, quelque charge que aucuns m'ont voulu donner contre vérité, sauf l’honneur et révérence de vous, moult de choses sont et ont esté faites contre la teneur de vostre ordonnance, au Contempt, préjudice et vitupère de moi et des miens, qui estoient dedans icelle ordonnance déclarés. Et pour ce, suis-je moins tenu de procéder de vostre volonté, et intention de vostre dit fils, mon très redoubté seigneur, ou d’aucuns autres prudhommes de vostre sang et lignage, ou aussi de pluiseurs autres de vostre grand conseil ; mais je suis tenu de procéder, à l'instigation et pourchas et grands importunités d’aucuns, qui ont longuement contendu et contendent à estranges voies et matières, lcsquelles Dieu voeulle réduire et ramener à bien, ainsi que il sait que mestier est, et que le désire , pour la déclaration des causes dessusdites. Il est vrai, mon très redoubté seigneur , que , à l’instigation et procuration d'aucuns, assez tost après le serment fait sur vostredite ordonnance, ont esté faictes pluiseurs chevauchées, armes et congrégations, par le moyen d’aucuns de vostredite ville de Paris, par espécial emprès mon hostel et logis, et à l’environ, lesquels semblablement estoïent faits au contempt et préjudice de moi;