CHAPITRE XXXIIL

car, depuis qüejepartis de Paris, n’ont point là esté faites telles armées, chevauchées ne assemblées, et qui pis est, qui eut adonc creu aulcuns, la main eust esté mise sur moy devant mon despartement, qui n'estoit pas signe d’avoir paix et union.

« Ilem, est vray que devant et apprès , plusieurs de vos bons et anciens serviteurs et des miens, qui n’avoient riens fourfait, furent prins et emprisonnés, et les aultres contraints par force et par voyes obliques, à eulx départir hors de Paris.

« Jlem, que tous ceulx que on scavoit qui avoient eu aucune amour ou faveur à moi furent destitués de leurs offices , par telle manière que aulcuns, par élection et sans aultrui préjudice , les eussent eues , et sans ce que sur eulx on sçust ou poeult sçavoir aulcun mal, ou aultre faute ou cause, fors tant que ils estoient trop fort Bourguignons; et emprès tous les jours se faict ainsi. Et se par adventure deissent ou feissent dire, ou voulsissent dire que cela avoit esté faict ou se faisoit, pource que, moy estant devers vous en vostre service à Paris, je avoye faict semblablement, ad ce poeult estre répondu bien et vrayement; car, supposé que ainsi fust , se peult - on clèrement appercevoir, cognoistre et considérer les termes de vostre ordonnance, qui sont principalement fondés sur bonne paix, amour et union, que ce n'est fors vengeance de avoir faict ce que dit est. Laquelle chose est signe de division , et non pas de paix, amour et union, et seroit plus expédient pour la conservation de vostre ordonnanceetbiende vostre royaulme, de pourveoir, par bonne élection et vraie à vos offices, non point aulx personnes, sans avoir regart à ladicte vengeance.

« Item, que par lesdites procurations et inductions, à paine estoit-il nul qui osast parler ne communiquer avec aulcuns, puisque on sentoit ou scavoit que il voulsist mon bien et honneur, qu'ils ne fussent griefment punis et corrigés.

« Jlem, que, en plusieurs serments, propositions et assemblées ont esté dictes paroles contre mon honneur et estat, et contre vérité, saulve l'honneur et révérence de vous, en usant de puroles, non pas si estranges que on n'’entendist bien notoirement que on les dist pour moi, en venant directement contre la paix or-

donnée par vous, tant à Chartres comme à | sans différence de personne de quelque estat

Aussoire, et contre les trefves dernièrement jurées et promises, lesquelles choses sont de très mauvais exemple , et contre l'enseignement de Cathon, et promovans à toutes tenchonst, desbats et dissensions qui pourroicnt tourner , que Dieu ne veuille! en grand préjudice et détriment de vostre rovaulme.

« Jiem , ont esté faites pluiseurs lettres, et en plusieurs lieux, en vostre royaume, comme dehors, grandement faisant mention, qui bien les entend, contre l'honneur de vous, mon très redoubté seigneur, de monseigneur de Guyenne, et de pluiseurs autres de vostre sang. Et se aucuns disoient , ou vouloient dire que ce fut fait pour recouvrer de leur honneur, dont par les lettres ils avoient esté vitupérés, atout le moins dust-il avoir exprimé la vérité ès dernières lettres, sans donner charge à aultrui, qui a bien voulu tenir les trefves de vostre ordonnance.

« Jiem, que plusicurs m'ont voulu donner charge contre vérité, saulf l'honneur et révérence de vous, mon très redoubté seigneur, que j'ai tenu contre vostre ordonnance et deffence, gens d'armes, qui grandement ont opprimé et dommagié vostre peuple. Et la vérité est, comme autrefois vous ai dit et fait dire, par vostre commandement , je eus charge d’avoir mil hommes d'armes avec monseigneur de Berry, mon oncle, et autres aussi auxquels vous aviez donné charge de gens d'armes, obvier à plusieurs gens de compaignie en plusieurs emprises qu’ils vouloient faire devant vosire ville de Paris, en grand’ déshonorance et vitupère de vous; et incontinentaprès vosire dicte ordonnance jurée, je les contremandai; pour gens d’armes, n’en ai tenu aucuns sur le pays, et se aucuns se y sont tenus, eux advenans de moi, ce n’a pas esté par mon ordonnance ne de mon commandement ; ne sai si ce a esté de leur volonté, ne parce qu'ils véoient les gens de compaignie, qui faisoient, comme encore font, tant de maux que chacun scait.

“ llem, est vrai, mon très redoubté seigneur, Ccumme il est assez notoire, que aucuns ont tenu longuement et encore tiennent gens de compaignie entre les rivières d’ Yonne, de Loire, de Seine et ailleurs, en venant contre vostredite ordonnance, qui est à la totale destruction de vostre peuple et pays, où ils ont esté et sont

(1)Querelles.

qu’ils soient , gens d'Eglise , nobles ou autres , en moi donnant charge qu’ils les tiennent, pour ce que on dit que je fais assemblée de gens par tous mes pays pour aller à Paris à grand puissance. Et en ce est autrement faisant contre vostredite ordonnance, laquelle, sauf vostre honneur et révérence, mon très redoubte seigneur, n'est pas vrai, car je ne l’ai pas fait ne oncques ad ce ne autres choses quelconques qu’il vous deuist déplaire en quelque manière, ne je ne fcis oncques ne voeul faire le contraire, mais serai tant que je vivrai vostre bon et léal parent, et très obéissant subject.

“Îlem, est vrai, mon très redoubté seigneur, que plusieurs, si comme je me suis informé pleinement, ont dit publiquement contre vérité, sauf toujours l'honneur et révérence de vous, que j'avoye à Paris murdriers ou tueurs conve, nables et expers, pour eux tuer et murdrir ; sur quoi, mon très redoubté seigneur, je vous afferme en vérité que je ne fis oncques ce , ne le pensai ; et ce ne sont pas les premières charges qu’ils m'ont voulu donner.

« Item, que plusieurs ont esté bannis du consentement de moi, dont aucuns disent qu’ils ne l'ont pas desservi, et que ils le montreroient bien, si comme ils disent, s’ils peuvent estre seurs de leurs corps, d’avoir bonne et vraie justice. Laquelle chose je ne dis pas, ne entends à empescher la punition ou correction des mauvais, ou de ceux qui vous ont fait desplaisir , mais pour Ceux qui aiasi, au contempt de moi, ont esté déposés.

« Item, que aucuns ont esté en l’hostel de mes povres serviteurs, que j'ai en vostre ville de Paris, entour et environ mon hostel, iceulx hosteulx cherchier et retourner, pour ce que on disoit que lettres avoient esté portées èsdits hostels , de par moi, pour bailler à plusieurs du quartier des halles, pour faire une commotion en vostre ville de Paris; et par espécial, audit quartier des halles, dont plusieurs de femmes de mesdicts serviteurs ont esté durement traictées en vostre Chastelet, examinées sur Ce, pourquoi, mon très redoubté seigneur, plaise vous scavoir que oncques je n’escrivis aucunes lettres, en enfreignant vostre dicte ordonnance, et font mal et péché ceux qui me baillent tels charges, de quoi vous et autres puissent avoir mauvaise imagination contre

moi. Et bien doivent connoître ceux de Paris, ceux dudit quartier comme des autres, que pour mourir ne feroient ou vouldroient faire pour moi ne pour autre quelque chose qui deuist tourner à vostre déshonneur et desplaisance. Et quant est à moi, Dieu ne me preste jà tant vivre que je fasse le contraire.

« Jlem , et que pisest, on a dit, à ce que j'ai entendu, contre vérité, que j'ai traicté un mariage en Angleterre, auquel mariage j'ai promis les chasteaux du Crotoy, de Chierbourg et de Bohain, avec plusieurs autres choses faictes audict traicté, au grand préjudice de vous et de vostre royaume; et pleust à Dieu qu’ils vous fuissent toujours aussi loyaux à la conservation de vostre personne, progénie et de vostre seigneurie, domaine et royaulme, comme j'ai esté et serai toute ma vie.

« Item, contre votre ordonnance ont été faictes et poursuivies plusieurs autres choses à déclarer en temps et en lieu, qui sont contre l’estat de ma personne; desquelles choses devant touchées, et autres à déclairer, ne font tenir les plus principaux points et trefves de vostre ordonnance, mais ils me veullent faire plus d’une guerre , et plus mauvaise que hommes à paine puist faire; c'est assavoir de controuver toutes les voyes qu’ils puissent trouver, par ce que dictest, de mefaire eslongier de vous. Toutefois, mon très redoubté seigneur, je ne vous escrits pas les choses devant dites, afin que

je veulle aller contre vostre ordonnance, neicelle enfraindre, mais afin de réintégration ou réparation de vostre estat et de vostre royaulme, qui tant a à souffrir en tous estats, et en tant de manières, qu'il n’est homme tant pervers ne cruel auquel il ne deust prendre pitié.

« Item, se aucuns m'ont donné ou voeullent donner charge de reculer et eslongier vostre ordonnance, je vous affirme que oncques ne pensai, ne à icelle n’ai voulu empescher, mais l'ai vouluautant que hommede vostre royaume, soit de vostre sang ou autre, exauchier. Mais il est vrai que je quéroye provision de mettre bonne paix, ferme et estable en vostre royaulme, tou- Chant les choses dessusdictes advenir. Pourquoi je vous supplie, mon très redoubté seigneur, tant cordialement comme je puis, que il vous plaise à pourveoir aux inconvénients devant dicts, par icelle manière que ceux qui de ce sont blessés ou empeschés ne aient cause de