CHAPITRE XXXIII

eux plus dolloir, et que vostre ordonnance soit tellement entretenue que ce soit au bien et honneur de vous, salut et restauration de vostre royaume, et que chacun puisse dormir et reposer, ainsi que on cuidoit, en paix. Et, ad ce faire, voeul exposer mon corps, mes amis, et tout ce que Dieu m'a presté, et en ce, et en toutes autres choses, vostre bon plaisir et commandement d'accomplir, je suis prest et appareillé Mon très redoubté seigneur, je supplie au benoist Fils de Dieu qu'ils vous ayt en sa saincte garde , et vous doint bonne vie et longue. »

Icelles lettres furent présentées au roy par le roy d'armes de Flandres ; lequel les receutamiablement et agréablement , mais ce ne fut pas du gré de ceux quy alors gouvernoient le roy : et ne souffrirent pas que le roy fist réponse par escripture ne aultrement ; mais par le chancellier fut dit au roy d'armes : que le roy avoit veu les lettres que son maistre le duc de Bourgongne avoit envoyées, sur lesquelles auroit advis, et en temps et en lieu en feroit response. Autre response ne olt le roi d’armes de Flandres; et, en cest estat, retourna devers son maistre , qui alors estoit en son pays de Flandres. Ne demoura gaires après que le duc de Bourgongne feist une assemblée de ses amis en la ville d'Anvers, pour avoir conseil de ses affaires ; en laquelle ville furent le duc de Brabant son frère , le duc Guillaume en Bavière, comte de Haynault, Jehan de Bavière, esleu de Liége, les comtes de Clèves et de Sainct- Pol, et plusieurs aultres grands et notables seigneurs. Et là remontra et feist remontrer que il doubtoit avoir guerre contre les Orliénois ; et leur requist que s’il avoit affaire, qu’ils le voulsissent servir, aider et conforter. Si lui promirent tous ceulx qui là estoicent assemblés de lui faire, allencontre de tous ses adversaires, excepté la personne du roy et ses enffants, aide et assistance de tout leur pouvoir. Après celui conseil, s’en retourna en Flandres, et les aultres seigneurs tous en leurs lieux. Quand le comte Waleran fut retourné en son hostel , il trouva un sergent d'armes envoyé devers lui de par le roy, qui luy présenta lettres, par lesquelles le roy luy mandoit et commandoit et deffendoit, sur grand peine, qu'il ne se armast ne feist assemblée de gens d'armes, pour servir ne accompagner le duc de Bourgongne, ne aultres de son royaume. sans son commandement,