CHAPITRE XXXIV
Comment la royne felt prendre quatre chevalliers et plusieurs escuyers et serviteurs du duc de Guyenne, son fils» desquels messire Jehan de Croy estoit l'un, qui feul envoyé tenir prison à Mont-le-Hery, des lettres que le duc de Guyenne escripvit au duc de Bourgonzne, lequel avec son armée, vint jusques à devant Paris, où il ne poeult entrer ; et comment ledict imnessire Jehan de Croy feut par force et subtilité délivré de sa prison.
En ce temps, le duc de Guyenne tenoit son estat dedans le chasteau du Louvre, dedans Paris. La royne sa mère alla devers luy; laquelle , par avant conseillée du roy de Sécille, des ducs de Bourgongne, d'Orléans, et d’aultres princes, feit prendre quatre chevaliers, et pluiseurs escuyers et aultres serviteurs de son fils le duc de Guyenne, et les feit mener hors du Louvre, dont le duc de Guyenne feut fort trou. blé, de sorte que se n’eussent esté les princes qui autour de luy estoient, il eust esmeu le peuple de Paris, pour estre à son aide et deffendre ses gens. Mais iceux princes et la royne sa mère le rappaisa au mieux qu'elle polt. Les quatre chevaliers dessusdits furent messire Jehan de Croy, le seigneur de Moy, messire Bertrand de Montaubant et messire David de Brimeu, dont les trois furent en briels jours délivrés, par ainsi que ils feirent serment de non plus retourner devers le duc de Guyenne. Mais messire Jehan de Croy feut mené au chastelet de Mont-le- Héry, où là feut détenu prisonnier. Le duc de Guyenne, très mal content de l’outrage que on luy avoit faict, envoya secrètement devers le duc de Bourgongne , afin que il vinst hastivement devers luy atout puissance de gens d’armes ; et , par trois fois, escript le duc de Guyenne au duc de Bourgongne pour le haster, ainsi que cy après sera dit. Quand le duc de Bourgongne eut receu les lettres du duc de Guyenne, il en fut moult joyeulx , car aultre chose ne demandoit que d’aller à Paris, et d’avoir occasion et couleur de faire assemblée de gens d'armes. Si feit un grand mandement par tous ses pays: et feit tant qu'il ot une grande compagnie; mais avant son partement, il rescripvit lettres à la plupart des bonnes villes de Picardie, par lesquelles il leur remonstra le traité de la paix faicte à Aussoire, et depuis confirmée et jurée, et traitée à Ponthoise; néanmoins on lui avoit faict de grandes injures et blasphesmes par prédications ou collations et aultrement , faicts en
MÉMOIRES DE SAINT-REMY
la ville de Paris, et mesmement à la duchesse de Guyenne sa fille, et aussi à plusieurs de ses serviteurs, toutes lesquelles choses il avoit porté patiemment pour l’observance de la paix et le souverain bien du royaulme, jusques à ce que le duc de Guyenne l’avoit mandé, pour plusieurs excès et despits que on luy avoit faicts dedans le chastel du Louvre à Paris, où on le tenoit comme prisonnier; et, pour garder sa loyauté, il s’estoit délibéré de hastivement aller à Paris, devers le roy et le duc de Guyenne, atout la plus grand compaignie de gens d'armes que il polroit finer. Or, ne faut pas doubter que , en briefs jours, l'assemblée que faisoit le duc de Bourgongne feut sceue à Paris; et pour ceste cause feut le conseil assemblé; auquel conseil feut appointé que le duc de Guyenne rescriproit au duc de Bourgongne certaines lettres qui contenoient , en effet , que illui mandoit, et néanmoins commandoit qu'il ne fist assemblée de gens d'armes, en quelque manière que ce fust, et que c’estoit contre la paix d’Aussoire qu'il avoit jurée ; et ne vouloit point qu’il allast à Paris; mais se on luy avoit faict faire aulcune chose qui fust contre le traité de la paix, qu'il le mandast au roy et au duc de Guyenne , et on luy en feroit raison. Touttefois, néanmoins le mandement du duc de Guyenne, le duc de Bourgongne ne cessa point de rassembler des gens ; poun laquelle cause le roy envoya Certains mandements aux baillifs et séneschaux de son royaulme, qu'ils feissent crier et publier par tousles lieux accoutumés de ce faire : que tous ceulx quy s’estoient accoutumés d’armer fussent prests, c’est assa voir de Picardie, le cinquiesme jour de février, en la ville de Mont-Didier, pour tirer droit à Paris, car le roy estoit délibéré et conclud, de toute sa puissance, de résister contre les emprinses du duc de Bourgongne , et contre tous ceulx qui voudroient empescher le bien de la paix ; et avec ce, que le roy mandoit , que nul , de quelque estat qu’il fust , ne se armast avec le duc de Bourgongne; et ceulx qui seroicnt trouvés faisansle contraire, tantost et incontinent leurs biens feussent mis en la main du roy. Avec iceulx mandements furent envoyées lettres closes sur les passages, par lesquelles il leur deffendoit que au duc de Bourgongne ne feissent aulcune ouverture de leurs villes à passage, sur peine d’encourir en son indignation. Or est vrai que, quelque man-
ns Re
NE ee. — Loncl = …
dement que le roy et le duc de Guyenne feissent au duc de Bourgongne , pour ce que le duc de Guyenne luy avoit rescript par trois fois, que il ne laissa point à soi assembler ne mettre sus; et la cause feut pour les lettres qui luy avoient esté envoyées, comme vous orrez par la teneur des trois lettres escriptes de la main du duc de Guyenne. La première contenoit :
« Très chier et très ame père,
« Nous vous mandons qu'incontinent ces lettres veues, toutes excusations cessants , vous venez devers nous, très bien accompaigné pour la seurté de vostre personne ; et sur tout ce que vous doubtez à nous courroucer, ne vous falliez pas.
« Escript de nostre main, à Paris, le quatriesme jour de décembre.
« Signé de sa main Loys. Et en la superscription : À nostre très chier et très amé père le duc de Bourgongne. »
La seconde contenoit :
« Très chier et très amé père,
“ Je vous ay autrefois escript que venissiez devers moi très bien accompagné : pourquoi je vous prie que le plus tost que vous porrez vous veniez à moi, très bien accompagné, et pour cause. Et ne doubtez; car je porterai vostre faict tout oultre, qui que le voeuille veoir.
« Escript à Paris, le treiziesme jour de décembre.
«“ Signé Loys ; et en la subscription comme dessus. »
La tierce lettre contenoit :
« Très chier et très amé père,
« Je vous ay jà mandé, par deux fois, que vous venissiez à moi, dont vous n’avez rien fait ; toutefois nous vous mandons encore derechef que, toutes choses arrière mises, le plus tost que vous povez, vous venez à nous, bien accompagnié pour vostre seurelé : et en ce ne défailliez, pour quelconques lettres que vous ayez de nous , et sur tout quant que vous nous doubtez à courroucer, et pour certaines causes qui tant vous touchent que plus ne povent.
« Escript le 21 décembre.
« Signé Loys ; et la subscription que des- « SOUS. »
Icelles lettres furent veues de Jean Clabault, escuyer, garde de par le roi du scel du baillage
