CHAPITRE XXXIV
de Vermandois, establi à Roye, dont vidimus fut fait et scellé du scel royal.
Vous avez ouy la cause pourquoi le duc de Bourgongne entreprit son voyage de aller à Paris, et print, de sa ville d'Arras, le chemin pour tirer à Péronne, où il cuida passer la rivière de Somme; mais ceux de la ville de Péronne avoient mandement et deffense du roi de non les laisser passer ; et, pour ceste cause, envoyèrent au-devant de lui le seigneur de Longueval, qui leur estoit lors capitaine, pour eux excuser du passage ; si print le duc de Bourgongne son chemin à Exclusiers, où il passa la rivière de Somme, et de là à Roye, et puis envoya à Compiengne le comte de Nevers son frère , qui fist tant que, nonobstant le mandement et commandement du roi, que ceulx de Compiengne firent ouverture, et lui donnèrent passage ; et la cause qui les meult de ce faire fut pour ce que ils veirent les lettres que le duc de Guyenne lui avoit envoyées. Après ce que le duc de Bourgongne se fut trouvé dedans Compiengne, prit le serment des plus notables de la ville, lesquels lui promirent de tenir son
parti, et prit son chemin pour aller à Senlis, y
cuidant passer ; mais ceulx de la ville lui refusèrent passage, pour la deffense qu'ils avoient du roy. Pourquoi lui convint tirer la plaine de l'Isle -de - France. C’est assavoir à Baron et Dampmartin en Gonelle, où là vindrent plusieurs de la duché et comté de Bourgongne , à grant compagnie de gens d'armes. Les nouvelles du duc de Bourgongne et de: son aller vindrent à Paris, que desjà il estoit à l’Isle-de- France; et furent dites au duc de Guyenne, qui ce jour disnoit en l’hostel d’un chanoine ès cloistre de Nostre-Dame de Paris. Icelles nouvelles oyes promptement, manda estre devers luy le roy Lo:s, le duc d'Orléans, les comtes de Vertus et de Richemont , et pluiscurs aultres ; et là fut conclud de mettre gens promptement sus, au plus grand nombre que faire se polroit , faisant ordonnance de trois batailles, c’est assavoir d'avant-garde, de bataille, et arrière-garde. L’avant-garde fut conduite par les comtes de Vertus, d’Eu et de Richemont, lesquels chevauchoient tous trois en rang, à enseigne desployce, et leurs gens après eux, En la bataille, estoient le roy Loys, les ducs de Guyenne et d'Orléans. En après, estoit l’arriére-garde, que le comte d’Erminacq et aul-
tres conduisoient ; èsquelles trois batailles on estimoit quatorze mille chevaux. Et se fist icelle assemblée devant le portail Nostre-Dame ; puis s’en allèrent en belle ordonnance devant l’hostel de la ville ; et là fist-on sonner une trompette pour faire silence, tant que le chancellier du duc de Guyenne eust parlé et remonstré la cause pourquoy ceste assemblée estoit faicte ; et aussi disoit au peuple , comment le duc de Guyenne, son maistre, les merchioit de la bonne amour que ils avoient pour luy, et de la loyauté et obédience que ils luy monstroient à ceste fois , en leur requérant que ils s’appointassent et ordonnassent à toutte puissance pour résister allencontre du duc de Bourgongne , lequel, contre le voulloir du roy, en allant contre sa deffense, enfraignoit la paix, en leur certifiant que il ne l’'avoit point mandé ne escript qu'il venist à Paris; puis demanda le chancellier du duc de Guyenne s’il estoit ainsi que il avoit dict, et il respondit que ouy. Icelles parolles dictes , les seigneurs dessusdits se départirent, et chevauchèrent au long de la ville de Paris, en tirant droit à la Croix du Tiroir : devant laquelle Croix ils s’arrestèrent ; et là, le chancellier du duc de Guyenne hurla au peuple, disant telles parolles ou semblables qu'il leur avoit dictes en Grève devant la maison de la ville. celles choses faictes et dictes, le duc de Guyenne s’en alla à son hostel du Louvre ; le roy de Sézille à la bastille Sainct-Antoine; le duc d'Orléans à Sainct-Martin-des-Champs ; le comte d’Erminacq à l’hostel d’Arthois; le duc de Berry au Temple ; et les aultres seigneurs parmy la ville. Lesquels soigneusement et diligemment y chevauchoient, par doubte que aucune rumeur ne s'y feist; et firent clorre touttes les portes, excepté la porte Sainct-Jacques et Sainct-Antoine. Et, à la vérité dire, ils estoient en grand doubte, quelque puissance qu'ils eussent, doubtants la faveur que pluiseurs de Paris avoient au duc de Bourgongne, qui estoit logié à Dampmartin en Gonelle. Le duc de Bourgongne, receut moult honorablement ses gens de la duché et comté de Bourgongne qui estoient là venus ; et, en après, se délogea et prist son chemin tout droit dedans la ville de Sainet-Denis. Le troisiesme jour après, envoya à Paris son roy d'armes d’Arthois, porter lettres au roy, aussi à la royne, au duc de Guyenne, et à ceulx de la ville, requérant au
MEMOIRES DE SAINT-REMY
roy qu'il lui pleusist estre content qu'il allast devers luy pour lui dire la cause de sa venue, lequel estoit contendant à toute bonne fin, et que là n’estoit venu pour faire guerre,ne pour malveillance nulle ; mais estoit venu au mandement de monseigneur de Guyenne, pour obéir , ainsi que tenu estoit ; et avoit le duc de Bourgongne, avec lui, six à sept mille combattants. Or est vrai que le roy d'armes cuida bien faire son message, et présenter ses lettres, car il avoit esté mené en un hostel, en la ville de Paris : auquel hostel, deux ou trois heures après ce qu’il y estoit arrivé, alla devers luy un homme qu’il ne cognoissoit, qui lui dit que tost et hastivement il s'en retournast, ou il seroit en danger de sa personne. Et ainsi que le roy d'armes estoit à cheval pour s’en retourner devers son maistre , trouva le comte d’Erminacq qui lui dit, que se luy ne aultres, de par le duc de Bourgongne, retournoient plus dans Paris, on luy feroit trancher la teste.
Ainsi retourna sans rien besogner, et raconta au duc de Bourgongne la rudesse que il avoit trouvée ; lequel en fust desplaisant. Pourquoy il assembla son conseil ; si lui fust conseillé de lui mettre très matin aux champs, et à toutte sa puissance, montés et armés un chacun au mieux que faire se polroit, et en belle ordonnance, tirassent leur chemin droit à la portede Mont-Martre ; laquelle chose fnt ainsi faicte. Mais ils trouvèrent la porte close, devant laquelle ils se mirent en bataille en très belle ordonnance. Or est vrai que le duc de Bowrgongne ordonna quatre de ses chevaliers, lesquels il fit mettre hors de la bataille, auxquels il ordonna qu'ils se tirassent vers la porte Sainct-Honouré, et que ils trouvassent manière de parler à ceux qui gardoient la porte , pour leur dire et remonstrer la cause qui l’avoit là amené ; et avec les quatre chevaliers ordonna son roy d'armes d’Arthois pour aller devant la porte ; mais quand le roy d’armes requist aux gardes de la porte que ils parlassent à lui pour faire le message des quatre chevaliers , iceulx gardes respondirent que ils n'avoient cure de parler à lui, disant que bientost s’en retournassent, ou sinon on tireroit après lui, et aultrement ne parlèrent. Cependant Enguerran de Bournonville estoit descendu à pied, en sa compaignie quatre combattants portant l’étendard du duc de Bourgongne, espérant que se aucuns
de Paris le véoient , ils se metteroient sus à puissance pour faire ouverture d'aucune des portes; mais rien n'en advint ; et commencèrent ‘à tirer d’arbalestre sur les gens du duc de Bour- ‘Ÿ gongne. A la retraite en y eut de navrés, nonobstant que les gens du duc de Bourgongne leur disoient qu’ils ne vouloient point de guerre, * mais de tous points vouloient entretenir la paix, * et aussi ne firent oncques semblant de volloir mal à quelque personne qui dedans Paris fust. Quand le duc de Bourgongne veid que rien ne profitoit estre devant la ville de Paris , ne nul n’avoit voulu parler à lui ne à ses gens, il s’en retourna dedans la ville de Sainct-Denis, où il ordonna certaines lettres, que secrettement il fit attacher au portail Nostre-Dame de Paris, au Palais et autres pluiseurs lieux, contenants : ’ que, par le mandement de monseigneur de ‘ Guyenne, dont il avoit plusieurs lettres signées * de sa main, il s'estoit mis sus en armes pour soi employer au bien du roy, du duc de Guyenne et du royaulme, et aussi pour les mettre hors | du danger où ils estoient en servitude, et que nul ne pensast que il voulsist avoir l’adminis- tration et gouvernement en quelque manière, ne vouloir adommagier la bonne ville de Paris, et qu'il estoit prest de entretenir tout ce que par l’ordonnance du roy avoit jure et promis, et s’en retourner en ses pays, mais que les aultres seigneurs, qui dedans Paris estoient, voulsissent faire le semblable; et se donnoit de merveilles pourquoy on n’avoit vollu recevoir ses lettres, et aussi que, sans invasion de traict aucunement, s’estoit trouvé devant la ville de Paris, pour faire exposer aucunes besognes touchant le bien de la paix et du royaume, toutesfois on avoit tiré et blessé aucuns de ses gens ; et requerroit à tous les bien voeullans et sujets du roy qu'ils le voulsissent aider et conforter contre tous ceux qui ainsy avoient mis en danger et servitude le duc de Guyenne.
Telles parolles ou semblables estoient èsdites lettres données à Sainct-Denis, le 11 de février 14131. Quand ces lettres furent ainsi trouvées en pluiseurs porteaux dedans Paris, furent monstrées au conseil du roy et des princes qui là estoient ; pour laquelle cause fut renforcé le guet et garde de Paris. Ce temps durant que le duc de Bourgongne estoit logé à Sainct-Denis, le scigneur de Croy, qui en sa compaignie es- (ii El 16b6, nouv. st.
