CHAPITRE XXX VIII
De l'armée que le roy mist sus contre le duc de Bourgongne, et comment la ville de Compiengne feut assaillie, où k roy se trouva en personne; ct comment la ville luy fuut rendue par appoinctement.
La royne et le duc de Guyenne tindrent conseil, auquel fut conclud de faire guerre au duc de Bourgongne et à ses alliés , et se tint le second jour de mars en celluy an ; où furent assemblés en l’hostel de Sainct - Pol la royne et le duc de Guyenne, pour ce que le roy estoit malade : là furent plusieurs princes et prélats. Auquel conseil, par la bouche du chancellier, fut remonstré bien au long l’estat et gouvernement du duc de Bourgongne, et comment il s’estoit conduit rigoreusement contre le roy et les seigneurs de son sang, par plusieurs et diverses fois, depuis la mort du duc Loys d’Orléans, et plusieurs aultres remonstrances; requérant aux princes qui là estoient, que sur La foy, serment et loyaulté qu'ils devoient au roy, le voulsissent conseiller, et le duc de Guyenne son fils , de ce qu'ils avoient à faire contre le duc de Bourgongne. Or est vray que, après que la matière, qui grande estoit , ot esté bien débattue, fut, par la bouche de l'archevesque de Sens, dit, de l’autorité et ordonnance de tous ceulx qui là estoient : que licitement et de raison le roy povoit et devoit faire guerre au duc de Bourgongne, considérées les manières qu’il avoit toujours faict et tenues, et tenroit à l'encontre du roy, du duc de Guyenne, et de tout le bien du royaulme. Si fut conclud : que le roy, En Sa personne , se metteroit sus avec sa puissance pour faire guerre au duc de Bourgongne, ses alliés et aydans. Et là fut faict promesse, mesmement de la royne, du duc de Guyenne , et de tous les aultres, que jamais n'altenderoient à quelques ambassades, lettres, ou aultres choses qui puissent venir de par le duc de Bourgongne, jusques à tant que luy et les siens seroient humiliés, et du tout remis en lobéyssance du roi et de son conseil. La guerre conclutte, le roy fit son mandement par tout son royaulme, plus grand que oncques en sa vie n’avoit faict, et pareillement le firent tous les princes qui là estoient, et tant que, en peu de temps, grand nombre de gens d’armes se trouvèrent en l'Isle de France, et en la marche d'environ. Icelle assemblée faicte, furent en-
voyés aulcuns capitaines devant la ville de Compiengne, qui mirent le siége devant la ville de Compiengne de l’un des costés, en attendant la venue du roy ; et afin que les gens du roy ne peussent loger à leur ayse, ceulx de dedans la ville ardirent et démollirent les faulxbourgs de ladicte ville, et plusieurs notables édifices, tant églises comme maisons. Mais ce nonobstant, les François ne se laissèrent pas à loger, et de faict firent ponts sur la rivière d’Oyse, afin d’assiéger la ville du tout en tout, ainsi qu’ils firent. Et le merquedy de la semaine peneuse, quatriesme jour d'avril, le roy issit de Paris à grand estat, et s’en alla à Senlis, pour illec attendre les princes de son sang et de son armée. En laquelle armée on fit porter au roy et au duc de Guyenne la bande et enseigne du comte d’Erminacq, dont plusieurs se donnèrent grand’ merveille que il avoit laissé son enseigne ancienne, et que ses prédécesseurs avoient toujours porté en armes, c’est assavoir la blanche croix ; dont plusieurs feurent mal contents, veu que c’estoit en son royaulme, et veu aussi la bande du comte d’Erminacq, laquelle il portoit par damnation d’un pape, en signe d’amendise de l’ung de ses prédécesseurs, pour ung forfait qu’il avoit commis contre l’Eglise. Toutefois la plupart de ceste armée portoient les
deux enseignes, c’est assavoir la croix et la bande.
Au commencement de l’an 1414, renouvelle
de date, c’est assavoir le lundi de Pasques, l’an 1414, le duc de Guyenne, premier fils du roy, party de Paris à très noble compaignie, et alla à Senlis où estoit le roy son père. Après la venue du duc de Guyenne, le roy tantost après se party pour aller au siége de Compiengne, et feut son premier logis à Verbrye, et de là s’en alla au siége. Et quant à la royne et duchesse de Guyenne, elles se partirent de Paris, et s’en allèrent à Meaulx en Brie, et le duc de Berry demoura capitaine de Paris, et gouverneur des marches d'environ. Le roi de Sézille s’en alla en son pays d'Anjou, et depuis revint à Paris, mais il ne feut pas tout le voyage avec le roy. Quand le roy feut arrivé devant la ville de Compiengne, il envoya devers ceulx de la ville un officier d'armes, par lequel il leur fist nonchier sa venue, en les sommant qu'ils luy feissent ouverture pour y loger luy et les siens, comme raison, et comme bons loyaulx devoient
J. Du Cuerco ET Sr. REMY.
