CHAPITRE XXXIX

Comment Soissons feut assiégée par le roy, prinse et pillée, les églises violées, et de grands crimes y perpétrés.

Après la prinsede Compiengne,leroy printson chemin pour aller devers Soissons avec toute son armée; si exploita chemin tant que il se trouva devant la cité de Soissons, dont, pour le duc de Bourgongne, estoit capitaine Enguerran de Bournonville, nonobstant que il y eust dedans la ville plusieurs grands seigneurs. Le roy se logea en une abbaye nommée Sainct-Jeandes-Vignes, leduc de Guyenne à Sainct-Crespin, et les autres princes tout entour, le mieux que polrent ; et de l’autre costé de la rivière estoit logé le comte d’Erminacq. Au prendre le siége eust de grands escarmouches, car ceux de dedans faisoient ardoir et démolir églises, mai-

MÉMOIRES DE SAIAT-REMY

sons et aultres édifices, et nonobstant on n’y laissa point pour tant à loger. Le roy fist sommer ceux de la ville, comme leur souverain seigneur; mais les gens du duc de Bourgongne n'en vouldrent rien faire, espérant d’avoir secours du duc de Bourgongne. Après ce furent appointiés bombardes et canons, dont la ville fust très fort battue, et très fort approchée. Dedans la ville de Soissons estoient de quarante à cinquante Anglois, entre lesquels avoit de très bons archiers ; si advint que en une saillie que ceulx de la ville feirent, messire Hector, bastard de Bourbon, à l’escarmouche, et aurebouter ceulx de dedans la ville, fust navré d’une flèche parmi le gorgerin, qui fust faulsé tout oultre, tant que le fer de ladite flèche entra dedans la gorge de messire Hector ; de laquelle blessure il alla de vie à trépas; dont le duc Jehan de Bourbon fut moult courroucé et merveilleusement déplaisant, et aussi furent la plus grand partie de ceux de lost ; et se il fust fort plaint, ce ne fut pas merveilles, car, à vérité dire, c'estoit un des vaillants chevalliers de la compagnie, et ne scay poinct se plus vaillant y avoit. Depuis la mort du bon messire Hector, ne fina le duc de Bourbon de pourchasser la destruction de ceux de la ville de Soissons, tant par battures de canons, d’approches, que aultrement ; et de faict fit tant que journée fut prinse de l’aissaillir, et ordonnance faicte que chacun fist pourvéance de grandes et longues bourrées pour jetter dedans les fossés ; et tant feut procedé que la ville feut assaillie, les eschelles dressées aux murailles, pour combattre main à main à merveilles. Fort feut la ville as- Saillie, et aussi bien deffendue. Le duc de Bourbon, qui mortellement hayoit ceulx de la ville, feut de ceux montants aux eschelles, et combattants main à main ; et en combattant feut abattu de hault en bas d’un coup de hache, dont il feut si fort navré que on cuidoit que il fust mort, et feut porté en son logis en tel estat qu'il ne connoissoit ne homme ne femme ; pour laquelle blesseure, tant pour entendre à luy à l'emporter que pour la vaillance de ceulx de dedans, l’assault feut de tous poincts delaissé, et se retrayoit chacun. Mais ne demoura guères que on commença à crier : Ville gaignée ! dont tous ceulx qui estoient du costé vers Sainct-Jean-des-Vignes furent moult émerveil-

lez, car desjà estoient tous retraits, Mais est

vrai qu’il y avoit dedans la ville de Soissons aucuns Anglois qui avoient eu débat et noise en la ville, duquel débat n’avoient pas eu le meilleur; pour laquelle cause ils avoient conceu hayne à plusieurs qui dedans la ville estoient, et pour eux venger trouvèrent façon de parler à aucuns Anglois Bourdelois , de la compagnie du comte d’Erminacq, et tant y en bouttèrent qu'ils furent maistres de la ville; car jamais ceulx de la ville ne se fussent doubtés que leur ville eust été prinse par là; et sans ouvrir la porte qui murée estoit, et sans avaler le pont ou la planchette, estoit impossible de par là prendre la ville.

Or est ainsi que quand les gens du comte d'Erminacq se trouvèrent puissants dedans la ville, commencèrent à crier : Ville gaignée! laquelle chose plusieurs des gens de guerre qui là estoient ne le povoient croire, et de faict en furent plusieurs prins et morts, lesquels furent trouvés en la garde qui leur estoit ordonnée pour la ville deffendre. Quand Enguerran vit la mal adventure, il se cuida tie dre: mais sa deffense guères ne luy vallust, et feut pris et fort blessé à prendre, entre lesquelles blessures en avoit une au front, dont il estoit fort blessé. Quand ceulx du costé Sainct-Jean-des-Vignes ouyrent le bruit et le ery en la ville, véans la muraille abandonnée et encore la plupart des eschelles dressées, saillirent ès fossés, et montèrent amont la muraille, qui plus n’estoit deffendue.

Ansi que vous avez ouy, la ville de Soissons feut prinse. Or, fault parler de la pitié et cruauté qui en la ville feut faicte. Premièrement furent bien que morts, que prins en la place, que testes coupées, que pendus, bien de mille à douze cents. Et après furent toutes les églises violées, cassées, et reliquaires rompus, les ossements des corps saincts jettés dehors, le corps de Jésus-Christ osté hors des vaisseaux qui estoient dedans le tabernacle, pour en avoir iceulx vaisseaux ; femmes efforcées devant leurs maris, et aucunes des notables femmes qui se retra yrent dedans les églises ; les enchaintes, de paouretdetristesse enfantèrentsansterme, dont les enfants n’avoient poinct de vie; et n "estoit point à croire que oncques telles cruautés fus sent faictes en ville nulle, et avec ce feut toute la ville nettoiée, nettement vidée et pillée. Le vaillant escuyer Engucrran Ce Bournonville il