CHAPITRE XL
Comment le duc de Bourgongne pourvey de capitaines ses villes de la comté d’arthois et frontières.
A Douay, le duc de Bourgogne ordonna capitaine des gens de guerre messire Gaultier de Ruppe; et de k ville d'Arras fut capitaine général messire Jean de Luxembourg, lors josne chevalier, avec lui le seigneur de Ronq, le seigneur de Noyelle, messire Jean Bouier, gouverneur d'Arras, Allain de Vendosme, et plusieurs autres, jusques au nombre de six cents hommes de trait. En la cité lez Arras, estoient les seigneurs de Montagu, monseigneur de Vienne, le bastard de Garnison et autres jusques au nombre de six cents gents d'armes, et de la ville et communauté d’Arras estoit capitaine le seigneur de Beaufort. Et pour venir à parler du roi, vrai est qu'il se partit de Péronne le vingtiesme jour de juillet, et s’en alla loger à Miraumont et ès villages d’entour.
MÉMOIRES DÉ SAINT-REMY
[1414] CHAPITRE XLL.
Comment Bapasme feut asségiée et rendue au roy pur traiclié et appoinctement.
Et lendemain, 21 de juillet, le roi vint devant Bapasmes ; mais promptement que le roi et ses gens se trouvèrent en la comté d’Arthois, ils déployèrent leurs bannières, disant qu'ils estoient sur les terres de leurs ennemis ; et se faisoit porter le roi l’oriflambe , comme il eust fait sur les Sarrasins. Toutefois l’oriflambe n’estoit point déployé, mais le portoit un chevalier en esquierpe!. Quand le duc de Bourbon, qui estoit chef de l'avant-garde, se trouva devant Bapasme , il fit de sa main plusieurs chevaliers, entre lesquels fut fait le comte d’Eu; et pareillement en fit le roi, quand devant la ville fut arrivé. Et après ce qu’il ot fait plusieurs chevaliers , le seigneur de Boissay et le seignour de Gaucourt, pour ce voyage maréchaux ordonnans les logis, menèrent le roy loger en une abbaye, assez près de Bapasme, et en haut lieu, sans rivière ne fontaine nulle ; et si estoit en temps d’esté queil faisoit chaud et sec. pourquoi les marais furent tantost tout secs ; et falloit aller plus de trois lieues long quérir l’eau à la rivière auprès de Miraumont, qui estoit une grand’peine ; si se advisèrent aucuns de faire perchier nouveaux puits; tant en firent que on avoit son cheval abreuvé le jour pour un petit blancq. Advint que le duc de Guyenne manda le capitaine de Bapasme, c’est assavoir Henry de Hangest, avec lui messire Jehan de Jeumont, et Adam d’Avelus, auxquels il demanda pourquoi ils ne faisoient ouverture au roy leur souverain seigneur. Si répondirent très humblement que ils le gardoient pour le roy et pour lui, par le commandement du duc de Bourgongne, qui ainsi leur avoit baillé en garde, en requérant au duc de Guyenne que on leur donnast terme de huit jours pour envoyer devers le due de Bourgongne, qui ainsi leur avoit donné en garde, laquelle requeste leur fut accordée. Si fut envoyé devers le duc de Bourgongne pour lui remonstrer la grand’puissance qui estoit devant Bapasme, laquelle estoit très mal pourveue de tous vivres et habillements de guerre. Pour laquelle cause le duc de Bourgongne conclud et feut content que ils rendissent la ville et le chasteau au roy et au duc de Guyenne, moyen-
(1) Echarpe.
nant leurs corps et leurs biens saufs, et ainsi de ceux de la ville ; et feut ainsi fait, et la ville rendue et aussi le chastel au roy; mais au traite feurent réservés ceux de Paris, s’aucuns en y avoit. Le jour et l'heure fut ordonné du partement des Bourguignons, lesquels furent visités et regardés, se en leur compaignie n’avoit nuls Parisiens. Si en y fut trouvé trois en habillements de varlet portant bacinets avecques leurs maistres, afin que ils ne fussent congneus ; toutefois rien n’y valut, car ils furent recongneus et puis eurent les testes tranchées. Eten ce propre jour fut publié, à son de trompe, que tout homme, de quelque estat qu'il fuist, marchand ou autres répairant en l’ost du roy, portast la droite croix et la bande, sur peine d’estre confisqué corps et biens.
