CHAPITRE XLIV
merveilles, et les plus beaux fers de lance que jamais on povoit voir; mais quand il scut qu’il avoit affaire à ung enfant, il trouva manière d’avoir lances gracieuses, desquelles il feit les armes allencontre du duc de Bourbon, si gracieusement que nul ne feut blessé. Après le bastard de Bourbon et Cotte-Brune, feit armes Alardin de Monsay, lequel estoit monté sur ung moult beau destrier, que le duc Loys de Bavière avoit donné au duc de Guyenne. Alardin de Monsay qui dessus estoit fit armes allencontred’un Portingallois ; et à chascune course que ledit Alardin couroit, désarmoit son homme du coup de lance, et jusques à quatre coups le fit ; mais à la vérité le Portingallois assit la lance droit au milieu de la teste de son cheval que Alardin chevauchoit, duquel coup j'ai ouy dire qu’il mourut ; or par ainsi Alardin et son compaignon ne feirent plus. Le troisième se nommoit Virennes, escuyer du duc de Bourbon, qui feit les armes contre un Portingallois qui feurent merveilleusement rudes; et à la sixiesme course le gentilhomme francois eut l'épaule senestre percée, et la lance rompue dans le harnois, et par ainsi ne feirent plus. Le quatriesme estoit aussi de Phostel du duc de Bourbon, qui se nommoit Congnet, qui feit aussi contre un Portugallois; lesquels feirent tant ruddement que merveilles estoit à les voir. Le Portingallois estoit monté sur un bon destrier et bel, lequel chust en la place, tout mort, sans savoir de quoi ce feut, sinon au cheoir il eut le col rompu. Toutefois le Portingallois renouvela de cheval et parfeirent leurs courses ; mais à la derraine course, le Portingallois assit la lanceen la selle du Francois, laquelle feut faussée tout oultre, et le harnois jusques au sang. De laquelle blessure feut grand bruit, et disoient les Bourguignons qu’il estoit mort. Toutefois je ne sus oncques rien que ainsi fut ; et s’il mourut, ce ne feut pas d’un mois après, car il se ralla du siége avec le duc de Bourbon san maistre.
Après les armes faictes, chevaliers et escuyers s’entremirent en faisant telles chières que merveilles : et avoient chascune des parties faict venir vin et viande; et là y avoit tentes et pavillons où tables feurent mises, et aussi les queues de vin effoncées sur les bouts; et Dieu sait la chière que chascun faisoit l’un à l’autre. Le bastard de Bourbon et Cotte-Brune s’entredonnèrent dons de chevaux et d’aucuns gracieux ha-
billements de guerre. Là estoit Louvelet de Mainguehem, escuyer d'escurie du duc de Bourgongne, qui portoit ung manteau tout chargé de blancs doubles qu’il donna aux officiers d'armes de partie du roy; puis prinrent congé les uns des autres bien et doulcement, et retournèrent chacun en son party.
