CHAPITRE XLV
Comment la paix feut traictiée et accordée entre le roy et le duc de Bourgongne, au siége devant Arras ;:et du désordre qui feut au délogement, à l'occasion du feu quy feut ès
” Jogis de l'ost.
Ne demoura guaires après que le duc de Brabant et la comtesse de Haynault sa sœur vinrent au siége d'Arras devers le roy, et avec eulx les trois estats de Flandres, qui moult désiroient la paix. Quand ils feurent arrivés devers le roy, ils feurent du duc de Guyenne très joyeusement receus ; et pour commencement de venir à paix feurent faictes trefves entre les deux parties. Si se mirent ensemble les gens du roy avec le duc de Brabant pour communiquer la paix, qui trés nécessaire estoit pour le roy et pour le duc, et par espécial pour le povre peuple; car nonobstant que le roy avoit une merveilleuse puissance, toutefois n’estoit la ville d'Arras sy asségiée qu’ils ne povoient, quand affaire en avoient, avoir novelles gens et poudre, et artillerie menue que ils avoient souvent. Et quant au duc de Bourgongne, les garnisons que il tenoit en plusieurs des bonnes villes lui coustoient merveilleuses finances, pour laquelle cause la paix en estoit plus légère à faire. Sy feut par la grace de Dieu la paix lors traictée, dont pluiseurs se resjouirent. Laquelle paix feut publiée à son de trompe, le mardi quatriesme jour de septembre, devant les tentes du roy, environ six heures après disner; et par le cry, feut expressément commandé, sur peine d’encourir l’indignation du roy, que les bandes feussent ostées, et les gens du duc devoient oster la croix Sainct-Andrieu.
En lost du roy s’estoit frappée une maladie de flux de ventre, dont estoit mort messire Amé de Salbruse{ et pluiseurs aultres notables gens; et à cetse heure en estoit malade le duc Loys de Bavière, le connestable de France et
(4) Saarbruck.
MEMOIRES DE SAINT-REMY
aucuns de leurs gens. Pout laquelle cause le traictié s’en conclust plus légèrement; et feut le traictié tellement faict que, pour l'honneur et révérence du roy, le comte de Vendosme entreroit dedans la ville d'Arras et la cité pour prendre l’obéissance d’icelles, et sur les portes mettroit les bannières du roy. Et pour ce que toutes les seuretés pour l’entretennement de la paix purent les bailler ne d’un costé ne d’autre, feut ordonné par le roy et son conseil, au duc de Brabant, à la dame de Haynault et aux trois estats de Flandres, qu’ils feussent à certains jours en la ville de Senlis devers le roy ou ses commis. Ces choses feurent faictes, et la paix criée et publiée comme vous avez ouy.
Lendemain que la paix avoit esté ainsy criée, aucunes gens de guerre, désirants d’aller devant la puissance du roy, se deslogèrent dès la minuit, et à leur deslogement boutèrent le feu en leur logis. Sy estoient les logis de malaventure au-dessus du vent, lesquels tenoient ensemble, couverts de paille. Sy feurent en peu d'heures allumés par telle facon que un chascun avoit assez affaire à sauver son corps. Et là y eut un desroy sy grand que oncques eust en ost de prince, et ne feust veu le pareil; car là y eut ars prisonniers, gens malades, harnas de guerre, chevaux, tentes et pavillons en sy grand nombre et sy belles, que en ce temps oncques ne feurent veues plus belles ne plus riches ; et feut le feu sv grand que hastivement et devant le jour fallust faire lever le roy de son lit, nonobstant que le feu se prist bien arrière de son logis. Le duc de Barre et le comte d’Erminacq, et plusieurs aultres s’armèrent et se mirent aulx champs et en belle bataille et ordonnance, dont les aulcuns feurent ordonnes devant trois des portes d'Arras; car nonobstant la paix criée, sy ne se fièrent point trop fort en ceulx de la ville. Que vous dirai-je? ce feut le plus désordonné partement que oncques feust veu. Et sans pourvoir à leur artillerie, vivres de marchands, et ce qu’il convenoit à lost, un chacun s’en alla, excepté le duc de Bourbon et le comte d’Eu, quy estoient logés de l’aultre costé de la ville, quy se deslogèrent en belle ordonnance et feirent l’arrière-garde. Après iceluy deslogement, tel que vous avez ouy, issirent ceulx de la ville, quy de tant de vivres trouvèrent à merveilles, tous abandonnés des mar- Chands à quy ils estoient ; lesquels vivres, avec
l'artillerie du roy, quy sans garde estoit demourée, feirent mener dedans la ville. Laquelle artillerie feut depuis renvoyée quérir de par le roy; mais tout ne revint pas, car la plupart feut perdue. Ainsi que vous avez ouy se deslogèrent le roy et toute sa compagnie de devant Arras, et retourna droit à Paris. La royne et la duchesse de Guyenne estoient en un chastel, au dehors de Paris, séant sur Seine, entre Montmartre et Saint-Denys, nommé Saint-Ouen, où le roy alla descendre; aussy feit le duc de Guyenne; et les aultres allèrent loger à Paris, et de là retournèrent chacun en son pays.
