CHAPITRE XLVI

Le contenu des articles de la paix quy feut jurée par le duc de Brabant, la comtesse de Hainault et les députés du duc de Bourgongne, d'une part, et d'autre par le duc de Guycune, le duc d'Orléans, le duc de Bourbon et aultres.

Pour venir à parler du traictié faict devant Arras, où le duc de Brabant et la comtesse de Haynault, sa sœur, estoient pour le due de Bourgongne, lesquels avoient de luy bien ample pouvoir pour pacifier, accorder et obliger le duc de Bourgongne, à tout ce que ils le voudroient obliger, touchant laditte paix et traictié qui là fust faict ; lesquelles choses feurent traictiées en la présence du duc de Guyenne, qui feust tel qu’il s'ensuit en substance.

« Premièrement fut ordonné, pource que au temps passé sont advenus plusieurs dhommaiges au royaulme de France, contre le plaisir du roy, et de son fils le duc de Guyenne , que, en toutte humilité, bumblement les supplieront lesdits de Brabant et députés de Flandres, au nom du duc de Bourgongne et comme ses procureurs de luy fondés suffisamment, que en touttes choses où le duc de Bourgongne a def- failly depuis la paix faicte à Ponthoise, où le roy et le duc poevent avoir prins desplaisance, ils le lui veuillent pardonner, et en bonne grace et amour le recevoir. En outre, iceulx traicteurs dessus nommés bailleront ou feront bailler au duc de Guyenne, ou à son commis, les clefs de la ville d’Arras et cité, et aussi de toutte bonne ville ou forteresse au royaume de France, appartenant au duc de Bourgongne, èsquelles le roy ou son fils mettront baillis, capitaines, et aultres officiers, tels que bon leur semblera, sans pour ce enfraindre la paix. En