CHAPITRE XLVI
après fera le duc de Bourgongne délivrer au roy ou à ses commis le chastel de Crotoy ; et, de fait, le mettra en sa main. Le duc de Bourgongne sera tenu de mettre hors, et esloigner de luy et de sa famille aucuns, lesquels sont en l’indignation du roy et du duc de Guyenne, sans plus les soutenir en nuls de ses pays ; et lui seront iceulx délivrés et baillés par escript, en temps et lieu.
« ]tem, touttes terres prinses et mises en la main du roy, des vassaux et subjects bienveuillants, alliés et favorisants du duc de Bourgongne, de quelque estat qu’ils soient, pour l’occasion de ceste guerre, seront mises et restituées en iceulx, et aussy tous bannissements et appellations faicts à la cause devantditte seront mis à néant. Et pareillement, se le duc de Bourgongne a mis ou faict mettre aucunes terres ou seigneuries, ou biens quelconques en sa main, des favorisants, ou de ceux qui ont servy le roy en ceste présente armée, de quelque estat qu'ils soient, seront mis à plaine délivrance.
« Tlem, combien que lesdits traicteurs aient affermé au roy et au duc de Guyenne que le duc de Bourgongne n'ait nulle confédération ou alliance aux Anglois, néanmoins, pour oster tout soupcon, les dessusdits nommés pour le duc de Bourgongne promettront que dorénavant il ne procédera, ne fera procéder, par manière d'alliance avec les Anglois, si ce n’est par le congé ou licence du roy ou du duc de Guyenne.
« Îiem, quant à la réparation de l'honneur du duc de Bourgongne, pource que plusieurs lettres ont esté faictes en plusieurs lieux de ce royaume, et envoyées dehors, lesquels le duc de Bourgongne dit estre à charge et deshonneur, ainsi que après ceste paix sera faicte, et que le roy sera à Paris, disposera aucuns de son conseil avec aucuns des gens du duc de Bourgongne, tels qu’il lui plaira à commettre, et aviseront ensemble, premier sauf l’honneur du roy, telles lettres que faire pourront à la décharge et réparation du duc de Bourgongne.
« Item, promectera le duc de Bourgongne que jamais ne fera, ne procurera estre fait par luy, en appert ou en couvert, aucun mal, destourbier ou empeschements aux vassaux et ofticiers du roy, qui en ceste querelle l'ont servi, tant en personne que sous aultres capitaines de leur compaignie, ne aussi aux bourgeois de Pa.
ris; ne aux aultres habitants, par voies de faict, ne par aucune manière, à l’occasion dudit service, empeschement ne sera ne debvra être faict, ne procurera.
« Ttem, le roy veult et ordonne, pour toujours tenir ses subjects en vraie obédience, comme ils doibvent estre tenus, que le traictiéde Chartres, et aultres traictiés, qui depuis ont esté faicts, soient fermement et sans corruption gardés ; et que, se aucune chose y a à garder, à parfaire et à réparer, que de l’ung et de l’autre soient faicts et réparés.
« Item, pour la seurté des choses dessusdites estre fermement tenues et accomplies par le duc de Bourgongne, le duc de Brabant et la comtesse de Haynault, et les dessusdits députés jureront, au nom du duc de Bourgongne, pour tous les pays, que le duc de Bourgongne tiendra fermement, et gardera perpétuellement ceste bonne paix, sans désormais faire venir ou procurer pour luy ou pour autrui aulcune chose au contraire. Et au cas que le duc de Bourgongne commencheroit aucune chose, en appert ou en couvert, contre la teneur et traictié de ceste bonne paix, iceulx duc et dame ne luv feront ne donneront aucun aide ni conseil de corps ne de pécune, en quelque manière que ce soit, veu aussi que les seigneurs du sang du roy et autres prélats et bonnes villes du royaume, feront semblablement serment; et de ce les dessusdits bailleront bonnes lettres et compétentes, à l'ordonnance du roy et de son conseil ; et, avec ce, promettront le duc de Brabant et dame de Haynault que les députés feront léalement leur pouvoir à faire semblablement jurer et promettre pour ceulx d'Arras, et les nobles et aultres qui sont dedans, à tenir les choses dessusdites, et aussi ceulx qui sont pour le présent en la compaignie du duc de Bourgongne. »
Après lesquelles choses traictiées et mises par escript, afin que mieux fussent entretenues, jurèrent et firent serment les parties accomplir et entretenir le traictié loyalement et fermement. Et premiers jurèrent le duc de Brabant et dame de Haynault ; avec eux les députés, eux faisants forts du duc de Bourgongne, bienveuillants et alliés, comme dit est. En après que iceux eurent fait le serment en la présence du duc de Guyenne, il jura et fit serment solemnel de entretenir la paix et traictié dessusdit ; et
MEMOIRES DE SAINT-REMY
puis appela Charles, duc d'Orléans, son cousingermain, en lui requérant qu'il voulsist jurer la paix et traictié dessusdit. Lequel d'Orléans s’inclina bien bas, en disant au ducde Guyenne : a Et monseigneur, je ne suis pas tenu de vous « faire serment ; car je ne suis venu seulement « que pour vous servir, monseigneur le roy et « vous. » Et alors le duc de Guvenne lui dit : « Beau cousin, nous vous prions que jurez la « paix. » Et encore, le duc d'Orléans dit une fois : « Monseigneur, je n’ai point rompu la « paix, et ne dois point faire serment ; plaise « vous estre content. » Auxquelles paroles, derechef, pour la tierce fois, lui requit le duc de Guyenne pour ce faire ; et adonc, le duc d’Orléans, par grand courroux, dit : « Monseigneur, « je n'ai point rompu la paix, ni ceux de mon « costé; faites ceux venir qui l'ont rompu pré- « sent vous, serment faire, et après je ferai vos- « tre plaisir.» Et après, l’archevesque de Rheims et aucuns autres, voyants le duc de Guyenne non estre content de tant de paroles, dirent au duc d'Orléans : « Monseigneur, faites ce que « monseigneur de Guyenne vous requiert. »
Lequel, après toutes ces choses, fist serment d'entretenir la paix, quoique contre sa volonté ; et lui sembloit que le duc de Bourgongne et ses alliés avoient rompu la paix dernièrement faite et jurée à Ponthoise. En après fut appelé le duc de Bourbon, lequel, comme avoit le duc d’Orléans, cuida faire altercation de paroles ; mais incontinent le duc de Guyenne lui coupa court, disant : « Beau cousin, nous vous prions que « n'en parlez plus. » Et là fit serment le duc de Bourbon ; et tous les autres princes ensuivant le firent pareillement, sans y mettre contredit, et aussi les prélats, réservé l’archevesque de Sens, frère de Montagu, qui dit au duc de Guyenne : « Monseigneur, souviengne-vous du « serment que feistes, et nous tous, au partir « de Paris, présent la reine. + Et le duc de Guyenne respondit :« Ne parlez plus ; nous vou- « lons que la paix se tienne, et que vous le ju- « rez. » L’archevesque respondit : « Monsei- « gneur, puisque c’est vostre plaisir, je le ferai. » Et n'y ot plus de toute la seigneurie du roy qui fist refus de jurer la paix, que les trois dessusdits. Et feurent toutes ces choses accomplies paravant que le roy et ses princes se partissent de devant Arras. Après lequel département, et que le roy feust retourné à Senlis, plusieurs no-
