CHAPITRE XLVII
Comment les Parisiens feurent mal contens qu'ils n’avoient esté appelés à traictier la paix devant Arras; et comment ke duc s’en alla en Bourgongne, où il print la ville et chastcau de Tonnerre.
Ceulx de Paris, oyants les nouvelles du traictié fait par le roy au duc de Bourgongne, sans les appeler, déplaisants de ce, allèrent devers le duc de Berry, leur capitaine et gouverneur, demander comment icelle paix estoit faite, et qui avoit meu le roy et son conseil de le faire sans les appeler, disants qu'à eux appartenoit de le savoir, et bien estoit raison que enicelles fussent compris. Lequel duc de Berry respondit : « Ce ne vous touche en rien, nientremettre « ne vous devez de monseigneur le roy, ni de «“ nous, qui sommes de son sang, Car nous nous « courrouçons l’un à l'autre quand ilnous plaist, “et quand il nous plaist la paix est faite. » Adonc ceux de Paris,sans plus rien respondre, s’en retournèrent en leur propre lieu. Or est vrai que, quand le duc de Brabant et dame de Haynault et députés de Flandres eurent fait rapport au duc de Bourgongne, qui lors estoit en sa ville de Lille, comment ils avoient promis d'aller à Senlis pour la confirmation de ladite paix, le duc de Bourgongne fut content. Toutefois, ils ne furent pas conseillés pour l'heure d’y aller. Pour laquelle cause ils envoyèrent leurs ambassades, c’est à savoir le doyen de l’église cathédrale de Liège, Guillaume Blondel, escuyer, et plusieurs autres, à comparoir pour eux, en leur nom, devant le roy et son conseil, pour la cause dessusdicte, au jour et lieu dessus nommés ; lesquels ambassades ne purent avoir response du grand conseil du roy sur leurs demandes et requestes, pource que le roy estoit malade; et retournèrent vers leurs seigneurs, sans rien besongner.
Après ce que le roy et ses gens furent partis de devant Arras, le duc de Bourgongne feist aller loger ses Bourgongnons au pays de Cambrésis et de Thérasche ; et alla en sa personne en la cité de Cambray, auquel lieu vint vers
eu avec luy aucuns parlements sur ses affaires, et aussi que il eut ordonné ses hesugnes, il prit son chemin pour aller en Bourgongne, et mena avec luy messire Robert de Mailly, maistre Eustasse de Lattre, qui nagaire avoit esté chancellier, Jehan le Gois, maistre Jehan de Troyes, chirurgien, Denisot de Chaumont, Caboche, et plusieurs aultres qui aultrefois avoient esté bannis du royaulme de France, ensemble leurs femmes et leurs enffants, et ses Bourgongnons, qui, tous ensemble avec aulcuns aultres, tant de Picardie comme d'autres pays, povoient estre vingt mille chevaux. Et feit son premier logis en la Chapelle en Thérasche; et d’icelle print son chemin à Meézitres-sur-Meuse, et là reposa pour un petit temps avec son frère le comte de Nevers ; puis alla loger devant Chaslons; mais ceulx de la ville clouèrent leurs portes devant luy et ses gens, par vertu d’auleunes lettres envoyées du roy,contenants que luy ne ses gens ne le meissent ne recussent en leur ville. Laquelle chose desplut au duc de Bourgongne, car il avoit volonté de illec passer l’eau de Marne. Si print son chemin à Vitry, y cuidant passer; mais on lui refusa le passage, comme on feit à Chaslons ; et enfin s’en alla loger vers Sainct-Dizier, où il passa la rivière de Marne; et, après ce, print son droit chemin à Dijon; auquel lieu feut recu honorablement et joyeusement de tous ses subjects. Le duc de Bourgongne, au partir de Picardie, avoit donné congé à tous les capitaines d'icelles marches, lesquels demourèrent pour la garde de ses pays; et d’aultre part laissa, à son département, à son seul fils Philippe, comte de Charrolois, le gouvernement de Flandres, seul et pour le tout, jusques à son retour. Ne demoura gaire, après ce que le duc de Bourgongne feut arrivé en sa ville de Dijon, que il feit prendre la ville et chastel de Tonnerre, lesquels furent pillés, et le chastel destruit et désolé pas ses gens; duquel chastel s’estoit parti ung peu devant le comte de Tonnerre et ses gens d’armes, pour la doubte de la venue du duc de Bourgongne, quy envoya à Paris devers le roy, pour luy faire savoir le chemin et voie par lequel il estoit allé de France en Bourgongne, et esquels lieux il paya ses dépens, et ceulx où il ne paya point, et la cause pourquoi; et aussi luy feit savoir la destruction du chastel de Tonnerre que il
avoit faict faire, pour ce que le comte son vassal luy avoit faict plusieurs rébellions et désobéissances ; et de faict lavoit défié et entreprins sur sa terre, en la détruisant et emmenant proyes, comme il peust faire ès terres de ses ennemis : laquelle chose n’estoit point à souffrir. Touttefois, il n’entendoit point aller ne enfreindre la paix faicte nagaire devant Arras; mais vouloit fermement garder et entretenir.
En outre, leduc de Bourgongne feist asségier un fort chastel situé en la comté de Bourgongne, appartenant au comte de Tonnerre, lequel feut conquis ; et le donna à son fils le comte de Charrolois.
