CHAPITRE Li

paré bien et convenablement. Là furent son chancellier et gens de conseil, et pluiseurs des barons dessus nommés. Et furent illec amenés lesdits ambassadeurs, qui proposèrent au long leur charge, qui estoit en effet que, par l’ordonnance du roy, monseigneur de Guyenne, son fils aisné, avoit prins la charge et gouvernement dudit royaulme, en quoi il se vouloit acquitter et employer loyalement au bien du roy son père et de la chose publique; et pour ce que il avoit vu et connu estre de piecha grand’ dissention entre son cousin d'Orléans et pluiseurs princes , d’une part, et lui, à qui il parloit, dont paravant s’en estoient ensuivis infinis maux et dhommaiges au royaulme, pour faire cesser et apaiser, et pour remettre iceux princes et seigneurs en bonne amour et vraie union, avoit esté avisé et ordonné par le roy Certains articles et traictiés d'accord, lesquels il avoit veu, gréé et accordé de les jurer et promettre, tenir et accomplir, quand il lui apparroit que le duc d'Orléans et ses adhérents les auroient promis et jurés de tenir. Et pour ce que, de leur part, estoit tout fait et accompli, comme ils lui faisoient apparoir suffisamment, le roy et le duc de Guyenne lui requéroient que, de sa part, il le voulust faire , ainsi que accordé l’avoit. A quoi, après beaucoup de remonstrances et doléances que icellui duc de Bourgongne leur fit exposer et remontrer par son chancellier, leur fut dit que il verroit volontiers les articles et serments faits par lesdits princes, et sur ce auroit avis, et lendemain leur feroit responce. Après la messe chantée, le duc se partit du pavillon qui faisoit son oratoire, et vint devant l'autel ; et là, par son chancelier, fit exposer et dire la parfaite amour qu’il avoit toujours eue au roy, SOn souverain seigneur , et à monseigneur de Guyenne , et à toute la maison, et la grand’ obéissance que il avoit toujours jurée, et les grands debvoirs qu'il avoit pour tenir la paix; et encore de présent, en obéissant au roy et à monseigneur de Guyenne, il estoit content de jurer et de promettre lesdits traictiés et articles , tout ainsi que les aultres princes l’avoient juré: et de fait, en la présence de tous, les promit tenir, et jura sur la vraie croix, qui là estoit présente: et de ce il bailla des lettres authentiques, en forme due. Et ce fait et accompli, s’en alla le duc en sa grand” tente, où estoit prest son disner, ct

disna messire Guichard Dolphin, et à sa table, et les autres deux à la table des chambellans : et après disner, pour les resjouir et festoyer, leur fit venir par ses veneurs un grand cerf, dedans un estang près de ladite tente, qui là fut prins à très bel déduit, et y fut la duchesse et toutes ses damoiselles; et puis soupèrent tous ensemble dans la forest, en belle ramée de verdure ; et lendemain prirent congé lesdits ambassadeurs, et retournérent à Paris, et firent leur rapport au roy de ce qu'ils avoient besongné avec le duc de Bourgongne.