CHAPITRE LI
pe plusieurs armes qui se feirent en divers lieux, entre Franchols et Portugalois ; et de l'ambassade d'Angleterre qui demanda madame Catherine de France à femme pour le roy d'Angleterre. à
Au mois d'avril 1415, se firent unes armes à Bar-le-Duc, devant le duc de Bar, de deux chevaliers, l’ung du royaulme de Portugal, nommé Alvaro Coutigno, et le François fut messire Clignet de Brabant. Au jour de leurs armes furent très bien accompaigniés de chevalliers, escuyers et plusieurs aultres. Or devoient combattre les deux chevalliers de get de lances, de hasche, espée et dague. Et quant ce vint à l’heure de s’assembler, bastons visités et mesurés, cris, deffenses et aultres cérémonies accomplies, messire Clignet issit de son pavillon, tenant sa lance en sa main, garni de ses aultres bastons. Et voyant celui à qui il devoit faire ses armes, lequel avoit la visière levée pour plus seurement faire le get de sa lance, messire Clignet marcha grant pas contre son homme, et tant, qu'il l’alla quérir assez près de son pavillon; et de si près hasta le Portugalois qu’il n’eust pas espace de jeter sa lance ; et aussi messire Clignet laissa choir la sienne; et assemhlèrent à combattre de hasches: et assit premier messire Clignet sur son compaignon ; lequel fist une démarche pour clorre sa visière. Puis combattirent seulement deux ou trois coups et non plus, pour ce que le duc de Bar, leur juge, jetta le baston; et ainsi furent prins à l'honneur de lung et l’aultre. Après icelles armes faictes à Bar-le-Duc, les dessusdits Alvaro Coutigno. et aultres Portugalois allèrent à Paris, où plusieurs armes commencèrent a faire des Portugalois contre Fran-
MEMOIRES DE SAINT-REMY
cois, entre lesquels en y eust unes faictes en la cour, dans ung des hostels du roy, nommé Sainct - Pol , d’un vaillant et puissant escuyer de Portugal, nommé Rum Amderest,allencontre d’un chevalier bourbonnois, nommé messire Guillaume de Bar; lesquels armes furent faictes à pied, et de nombre de coups; c'est assavoir douze coups de hasche, douze coups d’espée, et douze coups de dague. Icelles armes furent faictes devant le roy, mais messire Jehan de Torsay, séneschal de Poitou, estoit quasi le juge pour le roy. Après ce que le chevallier et escuyer furent conduicts dedans leurs pavillons , et que toutes ordonnances accoustumées à faire en tel cas, furent faictes, le chevallier et l’escuyer issirent hors des 'pavillons, hasche en main, laquelle estoit sans dague à gros marteaux et petit taillant. S'y approchèrent ensemble, en frappant des hasches l'ang sur l’aultre de hault en bas; et donnèrent de si grande force et puissance que à la vérité il sembloit qu’ils dussent fendre les bachinets ; et finalementse donnèrent si grandscoups, qu'ils ne peurent parfaire le nombre des coups, qu’ils ne se meslassent ensemble, et prinrent à bras; pour laquelle chose le séneschal de Poitou les fist prendre par les gardes, et plus ne firent quant aux hasches, et se retrayrent en leurs pavillons ; car, les armes accomplies de chacun baston, se devoit retraire. Après les armes des hasches, issirent tenants les espées ès mains, lesquelles estoient effeutrées atout fortes et grosses rondelles sur la main ; desquelles assemblèrent de combattre, en frappant l’ung sur l’aultre, d’estoc et de taille, de si grande force que, nonobstant le nombre des coups accomplis , et le baston jetté pour les prendre, si ne scurent faire si grande diligence à les garder que pour douze ils n’en fissent dix-huit, si très grandement que on ne les savoit prendre. Après icelles armes d’espées faictes, et la retraite en leurs pavillons, issirent les dagues en la main, desquelles ils abordèrent à combattre, et firent le nombre et plus; mais ce sembla peu de chose au regard des hasches et espées. Si furent ainsi les armes que vous avez ouy accomplies à l'honneur des deux parties.
Aucunes armes furent faictes à cheval d’ung Portugalois contre un François, devant Sainct-
(1) Ruy Andeiro.
Antoine, auprès de la porte Baudet ; lesquelles armes estoient de nombre de courses de lances qui se firent et parfirent.
Or advint que plusieurs chevalliers et escuyers du royaulme de France se assemblèrent ensemble, et regardèrent qu'ils estoient plusieurs Portugalois venus du royaulme de Portugal en intention de faire armes. Si se conclurent ensemble qu’ils se trouveroient trois nobles hommes , lesquels envoyeroient devers les Portugalois, leur signifier et dire que ils sçavoient bien que ils estoient venus du royaulme de Portugal à l'intention, par armes, d’avoir l'accointance d’aulcuns nobles hommes du royaulme de France. Pour laquelle cause se estoient trouvés ensemble trois nobles hommes, queils leur faisoient scavoir que ils estoient prests de leur accomplir leur désir et voulloir, c’est assavoir de faire armes contre trois hommes nobles de leur compagnie, par ainsi que ce seroit à combattre de hasche, d’espée et de dague, tant que les uns ou les autres se seroient rendus à leurs compagnons, ou à estre portés par terre. Laquelle chose oye, les Portugalois prinrent jour à respondre ; lequel jour fut très bref, et accordèrent les armes dessusdites ; desquelles armes le duc de Guyenne feut juge, et se feirent au dehors de Paris, en l’un des hostels du roy, séant entre Sainct-Denys et Montmartre, nommé Sainct- Ouen. Quand le jour feut venu pour faire icelles armes, le duc de Guyenne en hourt1, accompagné de son oncle duc de Berry, les trois François, c'est assavoir messire François de Grignaulx, Maurigon de Fongnacq, et la Roque, entrèrent dedans les lices, èsquelles avoit trois pavillons tendus pour eulx trois; mais avant qu’ils entrassent dedans leurs pavillons, ils allèrent faire la révérence au duc de Guyenne, leur juge. Après vinrent les trois Portugalois, c'est assavoir messire Alvaro Coutingno, Pierre Gonzalvede Malfais et Rum Amderes, lesquels aussi feirent la révérence au juge, puis entrérent en leurs trois pavillons. Après, comme il est accoustumé de faire, furent pris deffenses, et autres cérémonies faictes et accomplies, et issirent les six hommes nobles de leurs pavillons, de cottes-d’armes vestus:; et portoient les Portugalois la croix rouge sur
(1) Echafaud, J. Du CLerco Er Sr. Remy.
