CHAPITRE LILI
leurs cottes-d’armes, tenants leurs hasches en leurs mains, et garnis chacun de leurs aultres bastons. Si assemblèrent ensemble à combattre, assavoir messire Francois de Grignaulx contre messire Alvaro Coutingno, Maurigon de Longnacq contre Pierre Gonzalve , et La Rocque contre Rum Amderes; et les faisoit beau voir ; et à la verité, au marcher paroissoient bien hommes d’armes. Or advint la fortune à Rum Amderes, que on estimoit le plus puissant de tous les six, que en combattant de sa hasche, du bout de sa dague, en poussant contre La Rocque, de toute sa puissance, et tant qu’il faisoit desmarchier La Rocque. Quand La Rocque sentit que ledict Rum Amderes mettoit toute sa force et puissance pour le faire reculer, il desmarcha un pas, par laquelle desmarche Rum Amderes chut d’un genouil à terre: lors La Rocque férit dessus, et de tout le corps Île mist à terre. Ne sais sv le Portugalois se rendist ou non, ny quelles parolles eurent ensemble, mais est vray que La Rocque le laissa, et alla ayder son compagnon Maurigon, et se trouvèrent eulx deux sur Pierre Gonzalve, lequel se rendist tout droit. En après, Maurigon et La Rocque allèrent ayder à messire François de Grignaulx. Sy se trouverent les trois François sur le chevallier de Portugal , lequel combattit les trois; mais en combattant, d’un tour de bras que Maurigon luy bailla , il le feit cheoir par terre. Sy feurent les armes accomplies comme vous avez ouy. Toutefois il feut demandé au chevallier Portugalois auquel des François il s’estoit rendu; il respondit que il s’estoit rendu à eux trois. Et véritablement il acquit, nonobstant sa fortune, grant honneur ce jour, en tant que pluiseurs le tenoient le plus vaillant des six auparavant de la bataille dessix.
L'an 1414, en la mesme place de Sainct- Ouen, au mois de fevrier, avoit fait armes un Portugalois, nommé Diego d’Ollivières ? allencontre d’un Breton, nommé Guillaume de la Haye, lesquelles armes feurent aussi faictes devant le duc de Guyenne, lesquels Portugalois et Bretons feurent en combastant prins sans oultrance ny de l’ung de l’aultre.
Il est vray que durant que le duc de Brabant estoit à Paris, une ambassade du roy d’Angleterre y vint; c’est assavoir le duc de Yorck.
(t) 1415n. st. (2) Oiiscira.
