CU

oncle du roy d’Angletetre, et pluiseurs aultres, jusques au nombre de six cents chevaux, demander madame Catherine de France, fille du roy de France, pour le roy d’Angleterre, lesquels feurent très grandement festoyés, et y feurent faictes de moult belles joustes; et jousta le roy ce jour. Le duc d’Alenchon, qui tout nouvellement ce jour avoit esté fait duc, jousta, et aussi feirent les dues de Brabant , d'Orléans et aultres. Et icelle feste dura trois jours entiers; à laquelle feste eust de riches habillements, tant couvertes de chevaulx, lances couvertes de martres zebelines, aux danses, heucques! d’orphaivrie, que merveille et belle chose estoit à voir. Et de faict, le duc de Guyenne feut lui douziesme vestu aux danses de heucques d'orphaivrie , et avoit sur chacune heucque quinze marces d'argent, dont le duc de Brabant feut l’un des douze. Puis, après ces danses, feurent icelles heucques données aux officiers d'armes, trompettes et ménestrels ; et aussi feurent tous les habillements. Tous les trois jours, à icelles danses et joustes, feurent la royne, la duchesse de Guyenne et pluiseurs aultres dames et damoiselles. Après que les ambassadeurs eurent esté grandement festoyés en la ville de Paris, ils prinrent congié du roy, sans rien besogner, car ils ne peurent rien faire, pour les grandes demandes qu’ils faisoient avecques ladicte dame Catherine de France.