CHAPITRE LIIL

Du trespas de Walleran, comte de Saint-Pol et de Ligny, et de ses héritiers; et comment le duc de Guyenne cmporta les finances de la royne sa mère, et emprint le gouvernement du roy et royaume.

Le dix-neuviesme jour d'avril 1415, mourut en la villede Yvoy , en la duché de Luxembourg, le comte Walleran, comte de Ligny et de Sainct- Pol, soy disant encore connestable de France; et feut enterré en l’église Notre-Dame, en ladite ville d'Yvoy , devant le grand autel, nonobstant que, par son testament , il eut ordonné estre mis et enterré en l’abbaye de Cercamp, dont

ses prédécesseurs , comtes de Sainct-Pol, furent fondateurs. Dame Bonne de Bar , Sœur au duc

(1) Robes.

MÉMOIRES DE SAINT-REMY

de Bar , feut sa seconde femme. Après la mort d’iceluy comte, furent ses héritiers les deux fils du duc Antoine de Brabant, dont devant est parlé, quy eut espousé la fille du comte de Walleran, dont Jehan Brabant et Philippe de Brabant issirent.

En ce mesme mois, la royne et le duc de Guyenne estoient en la ville de Melun, avec eux pluiseurs des princes du royaulme de France. Mais secrettement , à peu de gens, de là se partit le duc de Guyenne, et s’en alla à Paris, et feit savoir aux princes quy avec la royne estoient, qu'ils s’en rallassent à leurs hostels , tant que le roy ou luy les manderoient. Le duc de Guyenne, sachant que la royne sa mèreavoit grands finances ès hostels de Michault de Laillier , Guillaume Sangain et Picquet de la Haye, feit prendre toutes icelles finances et porter en son hostel. Puis après manda et assembla ceulx de l’université de Paris, les prévosts de Paris et des marchands, et pluiseurs bourgeois de ladite ville, auxquels il feit remontrer par l’évesque de Chartres : comment le royaulme et le roy son père estoient gouvernés ; comment le duc d’Anjou avoit osté le trésor du roy Charles le Quint son grand père, porté et despendu! en Italie ; en après les ducs de Berry et de Bourgongne Philippe ; en après le feu duc d'Orléans et duc Jehan de Bourgongne, lors vivant ; par lesquels toute la finance de son grand père et du royaulme ont esté prises et exilées; en disant qu’il estoit aisné fils de France, et que plus ne vouloit souffrir telle destruction des biens du royaulme : en faisant déclarer que, pour le bien public du royaulme, il avoit prins et prenoit le gouvernement de icelui, en le notifiant à eux et à tous aultres à quoi il appartenoit ou povoit appartenir. Après lesquelles remonstrances se départirent ceux quy là avoient esté assemblés, très contents du gouvernement que le duc de Guyenne avoit prins, voyant l’occupation de la maladie que le roy avoit. Or est vrai que, après ce que la chose fut sue du gouvernement de monseigneur de Guyenne, le duc de Berry s’en alla en la comté d’Estampes, le duc d'Orléans à Blois, le duc de Bourbon en Bourbonnois, et le due de Bourgongne estoit en Bourgongne. Ainsi demoura le duc de Guyenne fort esseulé? du

(4) Dépensé, (2) Isolé.

sang royal, et ne demoura avec luy que le comte de Richemont ; et quant au roy, il estoit malade en son hostel à Paris. Le duc de Guyenne manda la duchesse sa femme, laquelle estoit avec la royne, et la feit aller à Saint-Germainen-Laye.