CHAPITRE LIV
se cm -
en France. Etfurentlesambassadeurs ordonnés ; c’est assavoir le comte de Vendosme, l’archevesque de Bourges , et l'évesque de Lisieulx , et pluiseurs aultres. Iceulx prinrent leur chemin de Paris à Calais, et là montèrent en mer pour aller en Angleterre. Sy estoient environ quatre cents chevaux. Si furent par les gens du roy d'Angleterre conduicts et menés devers luy à Lincestre , où ils le trouvèrent , avec luy ses trois frères , de Clarence, de Bethfort et de Glocestre, et pluiseurs autres grands seigneurs ; et par la bouche de l’archevesque de Bourges, fut exposée la charge qu’ils avoient, premièrement en latin, et puis en francois, très sagement et prudentement, dont il fut loué d’Anglois. Or est vrai que, par la charge qu’ils avoient, ils offrirent au roy d'Angleterre, madame Katerine de France, pour sa femme et espouse, que pluiseurs fois il l’avoit faict demander, avec grand'somme d'argent , moyennant que bonne paix ou longues trefves se feroient entre les royaumes de France et d'Angleterre, et que le roy, et ceulx de son sang , désiroient avoir paix et union avec le roy d'Angleterre. Le roy d’Angleterre respondit : qu'il y auroit avis, et que, en brief temps, il leur feroit response. Sy ne demoura gaires que le roy d'Angleterre leur fist respondre , par l’archevesque de Cantorbie, qui reprint de mot à mot ou en substance la proposition des François, et diet que le roy d’Angleterre estoit bien content d'avoir traictié avec le roy de France, et de prendre sa fille à mariage, moyennant qu’il auroit avec la fille du roy les duchés de Guyenne et de Normandie , d'Anjou et de Touraine , et lescomtés de Poitou, du Mans et de Ponthieu, qui anciennement ont esté à ses prédécesseurs roys d'Angleterre , et encore doivent estre ; et si ainsi ne lui faisoit, il avoit intention de descendre en France, et, à l’aide de Dieu , de recouvrer tout le royaulme qui lui doit appartenir. Après ces choses dictes, le roy d'Angleterre advoua l’archevesque, disant que, au plaisir de Dieu , si onnele vouloitainsi faire, que brief il iroit en France. Aucuns dient que l'archevesque de Bourges, oyant les grans demandes que faisoit faire le roy d'Angleterre, demanda congé de respondre , en disant au roy d'Angleterre : « Révérence gardée , que penses- «tu veuillant déboutter injustement le très « chrestien roy des Franchois, le plus noble et « le plus excellent de tous les roys chrestiens, de
“ la chayère et trosne de si grant et puissant « royaulme? Et cuides-tu, révérence gardée « toujours, qu'il t’ait offert ou fait offrir à toi, « donner sa terre et finance, avec sa propre « fille, pour la crémeur de toy et de tes bien- « vœuillants? Nenny; mais il l’a faict par pitié «“ comme par amour de lapaix,afin quele sang « innocent nesoit point espandu , et quele peuple « chrestien, par les tribulations de batailles ne « fust point détruict, appellant l'aide de Dieu « tout-puissant, de la benoiste Vierge Marie, « de droit et de raison. Par les armes de lui et « de ses loyaux vassaux , subjects , alliés et bien « vœuillants, toujours révérence gardée, tu « seras enchassé et reboutté de son royaulme, « et de toutte domination , ou tu seras prins ou « mort. Si te requérons, pour la révérence de « nostre souverain seigneur, duquel nous som- « mes ambassadeurs, que tu nous fasses re- « mener seurement hors de ton royaulme et de « tes seigneuries ; et, avec ce, qu'il te plaise « rescripre à nostre souverain seigneur, par « lettres scellées du sceau armoyé de tes armes, « la response que tu veux faire. » Le roy d’Angleterre fit faire grand’chière aulx ambassadeurs ; et si leur fit bailler par escript la response; et les fist aussi conduire hors de ses terres et seigneuries. Lesdits ambassadeurs, quand furent retournés à Paris, en plein conseil, devant le duc de Guyenne , et que ils eurent baillé les lettres du roy d'Angleterre, racontèrent et dirent de mot à mot ce que ils avoient faict. Vous avez ouy comment l’ambassade de France fut en Angleterre; or est vrai que, tantost après que lesdits ambassadeurs de France furent partis d'Angleterre, le roy d'Angleterre fit touttes ses préparations et ordonnances pour tirer droict au port de Hantonne, pour là monter en mer , et descendre en France. Et avoit, en sa compaignie , quand tout fut assemblé, pluiseurs princes et grands seigneurs, entre lesquels avoit deux de ses frères; c’est assavoir le duc de Clarence et de Glocestre, et son oncle le duc d’York; les comtes de Rutlant et de La Marche: le duc d’Exetre ; les comtes de Hontinton, d’Arondel , de Dasenfort! et de Kinte; les seigneurs de Ros et de Cornouailles , et pluiseurs aultres grands seigneurs ; et, comme on disoit, de seize à vingt mille combattants.
4) Oxford.
MÉMOIRES DE SAINT-REMY
