CHAPITRE LY
La lettre que ke roy d'Angleterre envoya devant son parlement de Hantoune, au roy de France, de la justice que le roy d'Angleterre feit de ceulx qui avuient machiné sa ruine.
Et quand le roy d’Angleterre feut arrivé en la ville de Hantonne, il recripvist une lettre au roy, dont la teneur s’ensuit : « À très noble « prince, Charles, nostre cousin et adver- « saire. » Henry, par la grace de Dieu roy d'Angleterre et de France. À bailler à chacun ce qui est sien est œuvre de inspiration et de sage conseil. Très noble prince et cousin, et nostre adversaire, jadis les nobles royaulmes d'Angleterre et de France estoient en union; maintenant ils sont divisés; et donc ils avoient de coutume d’eulx exhausser en tout le monde par leurs glorieuses victoires ; et estoit à iceulx une seule vertu de embellir et décorer la maison de Dieu, à laquelle appartient saincteté, et mettre paix et union en la église, en mettant par leurs batailles concordables heureusement les ennemis publiques en leur subjection. Mais, hélas ! celle foi de lignage a perverty occision fraternelle, et persecuté Abraham par impulsion humaine. La gloire d'amour fraternelle est morte , et la différence d’humaine condition, ancienne mère de ire, est ressuscitée de mort à vie; mais nous contestons le souverain juge en conscience, qui n’est ployé ni enclin par prières aux pardons, que, à nostre prière, par pur amour, avons procuré les moyens de paix.
Si ce non, laisserions par l’esprit, par conseil, le juste titre de nostre héritage , au préjudice de nostreancienneté. Nous ne sommes pas tenus par si grand adnullement de petit courage que nous ne vous voulons combattre jusques à la mort par justice ; mais l'autorité escripte au livre Deutéronomie enseigne que, à quelque cité que les hommes viendront pour impugner à combattre, premièrementils lui offrent paix ; et jà-soit que violence , ravisseresse de justice, a soustrait, et de longtemps, les nobles de nostre royaulme et couronne, et nos droits héritiers, toutefois charité de par nous, en tant qu’elle a pu , a faict pour le recouvrer d’iceulx à l’estat premerain; et ainsi doncques, par deffaut de justice, nous pouvons avoir recours aux armes. Toutefois, afin que nostre gloire
j soit tesmoing à nostre conscience , maintenant
tits] par personnelle requeste, en ce trespas de nostre chemin auquel nous traict icelle defaicte de justice, nous enhortons ès entrailles de Jésus-Christ, ce que enhorte la perfection de la doctrine évangelique : « Amy, rends ce que « tu dois, et il nous soit fait par la volonté de « nostre Dieu souverain. » Et afin que le sang humain ne soit point espandu, qui est créé selon Dieu, lhéritage et due restitution de droicts cruellement soustraits, ou au moins des choses que nous instamment et tant de fois par nos ambassadeurs et messages, et desquelles nous seulement fist estre content la souveraine révérence d’iceluy souverain Dieu, et le bien de paix, et nous, pour nostre part, en cause de mariage , estiemes inclinés de défalquier et laisser cinquante mille escus d’or, dernièrement à nous promis; nous, désirans plus la paix que l’avarice ; et avions prééleus iceulx nos droits de patrimoine, que si grand nous ont laissé nos vénérables ancesseurs, avec nostre très chière cousine Katherine, vostre glorieuse fille, etavec la pécune d’iniquité, multiplier mauvais trésors, et déshériter, par homme, la couronne; que Dieu ne veuille! Donné sous nostre scel privé, en nostre chastel de Hantonne, au rivage de la mer, le cinquiesme jour du mois d’aoust. »
Lesquelles lettres dessus dictes, après que par un hérault eurent esté présentées au roy, lui feut dict par aucuns à ce commis : que le roy et son conseil avoient vu les lettres, sur lesquelles on auroit advis; et pourverroit le roy sur le contenu en icelles , en temps et en lieu, comme bon lui sembleroit ; et qu’il s’en allast quand il lui plairoit devers son seigneur le roy d'Angleterre. Après ce que le roy d'Angleterre eust esté une espace de temps en la ville de Hantonne , en attendant ses gens et navires, un peu devant son partement, lui advint une grande adventure , voire si elle eust esté exécutée comme vous oyez. Or est vrai que le comte de Camberige, nepveu du comte de Rutland, fils du duc d’Yorck, les seigneurs de Scroup et de Cobhem se tirèrent devers le comte de la Marche, que on tenoit pour vrai héritier de la couronne d'Angleterre, et de feu le roy Richard ; et luy dirent et remonstrèrent comment il estoit vray héritier d'Angleterre, et que il trouvast manière desoi excuser de passer la mer pour aller en France avecques le roy Henry,
