CHAPITRE LV
soit par maladie où aültrement , et se il demouroit en Angleterre , partant que il les voulsist croire, ils le feroient roy. Auxquelles remonstrances le comte de la Marche respondit : que c’estoit matière de grand poids, et que sur ce il auroit advis, et que brief il leur en feroit response. Lors se départirent, sans d’icelle chose plus parler. Le comte de la Marche pensa celle nuict fort sur ce que les seigneurs lui avoient dict. Quand ce veint lendemain, il trouva ses manières à part de parler au roy d'Angleterre en secret: si luy descouvrit le conseil et offres que les seigneurs dessusdicts luy avoient faict et promis, et dict au roy:
« Sire, je vous tiens pour mon souverain sei- « gneur ; le serment que je vous ai faict, le vous « vouldrois-je tenir jusques à la mort, ni pour «rien qui me peust advenir je ne vouldrois « aller au contraire. » Le roy d'Angleterre, qui estoit un homme fort sage et imaginatif, pensa moult fort à ceste besogne, et dict au comte de la Marche : « Beau-cousin, de vostre « loyaulté et bien que me voulez je vous mercie; « souffrez-vous d’en parler à personne, tant « que vous en demanderai. » Lors le roy d’Angleterre assembla son grand conseil, avec lui tous les princes de son armée, et à icelui conseil mit les choses en terme par manière de fiction , disant qu'il avoit entendu que aucuns de ses subjects avoient pratiqué et de faict pratiquoient et vouloient persévérer que de tous poincts le déboutter et mettre hors de la possession de la couronne d’Angleterre , laquelle chose il ne pouvoit croire. Et luy mesme à tous ceulx qui estoient là en demanda les opinions, en leur demandant si les choses estoient véritables ; que loyalement le voulsissent conseiller de ce qu’il en auroit à faire, et qu'il feroit de ceulx qui telle trahison machinoient contre luy. Si en demanda aux plus grands seigneurs qui là estoient , puis vint adresser ses paroles au comte de Camberige, aux seigneurs de Scroup et de Cobhem , lesquels respondirent au roy , et dirent : « Sire , celuy ou ceulx qui vouldroient « machiner ne faire telle trahison allencontre «de vous, sont dignes de souffrir mort si « cruelle que ce soit exemple à tous aultres. » Et pareillement tous ceulx qui estoient au conseil en dirent autant, et que de trop male mort on ne les pouvoit faire mourir. Ce con:
seil tenu, et les opinions tous prises, comme
MÉMOIRES DE SAINT-REMY
diet est, les fit parler l’un devant l’aultre, ; prinrent terre sans effusion de sang. Et apprès
c’est assavoir, les contes de la Marche et |
de Camberige, Scroup et Cobhem ; et là sans gaires grand langage et sans gesne, confessèrent le cas qu'ils avoient conseillé au comte de la Marche, et par la manière que dessus est dict. Adonc le roy d’Angletere moult courroucé de la chose advenue par les chevaliers dessusdicts , lesquels il avoit moult aimés, en espécial le seigneur de Scroup, lequel, par plusieurs fois, il avoit couché devant luy en sa chambre, les fit à tous trois tranchier les testes, puis mettre en quatre quartiers , et les fit envoyer ès quatre les plus principaulx villes d'Angleterre.
