CHAPITRE LVIIL

Comment le roy d’Augleterre se partit de Harfleur pour tirer + à Calais et passer la rivière de Somme à la Blanche-Tache; de deux beaux coups de lance donnés devant la ville d'Eu; et comment par un prisonnier feut destourné de passer par ledit lieu, mais passa ladite rivière allentour d’Athies.

Après ce que le roy d'Angleterre eut pourvu à la garde de la ville de Harfleur, il prit son chemin pour aller vers Calais, et ordonna ses batailles ; et passa par le pays de Caulx en Normandie, en le dégastant et détruisant ; et tant exploita qu’il se trouva devant la ville d’Eu, laquelle est La dernière ville de Normandie. Si envoya ses courreurs devant la ville d'Eu, en laquelle estoient aucuns Franchois qui saillirent à l'encontre d’eux deux ; entre lesquels estoit un vaillant homme d’armes, nommé Lancelot Pierre. Si vinst allencontre de lui un Anglois. Eux deux couchèrent la lance et se férirent de teile roideur que le François transpercça de sa lance le corps de l’'Anglois ; et pareillement l’escuyer Anglois assist un coup sur le Franchois si rudement qu’il letraversa tout outre ; etainsi finèrent leurs vies ces deux gentilshommes, lesquels furent fort plaints de ceux qui les connoissoient. En icelui jour, le roy d’Angleterre se logea auprès de la ville d’Eu et sur la rivière.

Or est vrai que le lendemain le roy d’Angleterre, en passant par le pays de Wimeu, avoit volonté de passer la rivière de Somme, au lieu qu'on nomme la Blanche-Tache, pour tirer le droit chemin à Calais, par où passa jadis son aisné Edouard, roy d'Angleterre, quand il gagna la bataille de Cressy contre le roy Philippe de Valois, roy de France ; mais quand il vint à deux lieues près ou environ dudit passage, les gens de son avant - garde, ainsi comme gens s’espandent parmi le pays, prirent un gentilhomme du pays de Gascogne, serviteur à messire Charles de Labreth, lors connestable de France. Mais de ce gentilhomme ne sais ce que j'en dois dire, pour la malle et douloureuse malventure qui advint, car si ce gentilhomme n’eust esté pris à ceste heure, le roy d’Angleterre fust passé ladite Blanche - Tache sans contredit ; et par ainsi lui et ses gens pouvoient aller franchement à Calais ; et n’eust point esté

ceste malheureuse adventure et journée des François, qui fut cause de la bataille d’Agincourt, comme ci-après sera dit. Et adonc, pour venir à parler dudit gentilhomme, que plusieurs François ont nommé diable et non pas homme, vrai est, quand il fut pris des Anglois, il fut mené devant le chef de l’avant-garde, et fut interrogé d’où il venoit, de quel pays il estoit, et à quel maistre ; et il respondit qu'il estoit natif de Gascogne, et qu’il estoit sailli hors de la ville d’Abbeville, où il avoit laissé son maistre, le connestable de France. Après pluiseurs interrogations, lui fut demandé si le passage de la Blanche - Tache n’estoit par nuls gardé. Ii respondit et affirma que ouy, et que pluiseurs grands seigneurs y estoient atout six mille combattants; et le certifia pour sa teste à couper. Pour icelles nouvelles fut ledit Gascon mené devant le roy d'Angleterre, et de rechief interrogé ; et fit-on arrester toutes les batailles ; et après ce que le roy l’eut ouy parler, il manda ses princes, qui là estoient, et mit les choses en délibération du conseil : et dura icelui conseil bien deux heures. Et enfin fut conclud que le roy prendroit chemin autre, parce qu’il créoit que le Gascon dist vérité. Et est à présuposer que le Gascon affirmoit les choses dessusdites estre vraies, pour le désir qu’il avoit de la bataille ; car à icelle heure les Franchois n’estoient pas assemblés, et ne le furent pas qu'ilne fut bien huit jours après. Et pour venir à parler comment le roy d'Angleterre délaissa le passage de Blanche-Tache, vrai est qu’il prit son chemin pour monter à mont la rivière de Somme, cuidant par icelle trouver passage. Tant chemina qu’il se trouva assez près d’Amiens ; et après prit son chemin à Boves, où il se logea. En icelui village avoit à foison de vignes, dedans lesquelles avoit foison de vins en queues dedans les pressoirs ; et là alloient les Anglois quérir du vin, dont le roy estoit fort desplaisant et leur défendoit. Si lui fut demandé pourquoy il leur défendoit, et qu’il convenoit les petits compaignons emplir leurs bouteilles. Il leur respondit qu’il n’estoit point mal content des bouteilles, mais la plupart faisoient leurs bouteilles de leurs ventres, dont il estoit dolent ; et la cause si estoit de peur qu'ils ne s’énivrassent. Iceluy village est assissur rivière: et sur un petit rocq est assise une belle forteresse, laquelle est au comte de Vaudemont. Le