AGO

leur pourpoint, leurs chausses avallées, ayant haches et cognées pendants à leurs ceintures, ou longues espées, les aulcuns tout nuds pieds, et les aulcuns portoient hamettes ou capelines de cuir bouilli, et les aulcuns d’osier, sur lesquels avoit une croisure de fer. Alors les Franchois, vers eux voyants venir les Anglois, se mirent en ordonnance, chacun dessous sa bannicre, ayant le bachinet en sa teste. Le connestable, le mareschal et les princes admonestoient moult fort leurs gens à bien combattre, et hardiment. Les Anglois, quand ce vint à l’approcher, leurs trompettes et clairons demenèrent grant bruit. Les Franchois commencèrent à incliner le chef, en espécial ceulx qui n’avoient point de pavais, pour le traict des Anglois; lesquels tirèrent si hardiment qu’il n’estoit nul qui les osast approcher; et ne s’osoient les Franchois descouvrir. Et ainsi allèrent allencontre d'eux, et les firent un petit reculer. Mais avant qu'ils puissent aborder ensemble, il y eut moult de Franchois blessés et navrés par le traict des Anglois; et, quand ils furent venus, comme dit est, jusques à eux, il estoient si pressés l’un de l’autre qu’ils ne pouvoient lever leurs bras pour férir sur leurs ennemis, sinon aucuns qui estoient au front devant, lesquels les boutoient de leurs lances qu’ils avoient coppées par le milieu, pour estre plus fortes et plus roides, afin qu’ils pussent approcher de plus près leurs ennemis. Et avoient fait les Franchois, le connestable et le mareschal, une ordonnance de mille à douze cents hommes d'armes, dont la moitié d’eulx devoient aller par le costé d’Azincourt, et l’aultre par devers Tramecourt, afin de rompre les ailes des archers Anglois; mais quand ce vint à l’approcher, ils n’y trouvèrent pas huit vingts hommes d'armes. Là estoit messire Clignet de Brabant, qui en espécial avoit la charge de ce faire. Lors messire Guillaume de Saveuse, un très vaillant chevallier, lui troisiesme, s’avanca devant les autres, et estoit du lez d’Azincourt, et bien trois cents lances ; lesquels se férirent dedans les archers Anglois qui avoient leurs peuchons aiguisés mis et affichés devant eux; mais la terre estoit si molle que lesdits peuchons chéoient ; et iretournèrent tous, excepté trois hommes d'armes, dont messire Guillaume en estoit l’un. Si leur mésadvint que leurs chevaux cheirent entre les peuchons; si tombèrent

par terre entre les archers, lesquels furent tantost occis. Les aultres, ou la plus grant partie, atout leurs chevaux. pour la force et doute du traict, retournèrent parmi l'avant-garde des Franchois, auxquels ils firent de grans empeschements, et les dérompirent et ouvrirent en pluiseurs lieulx, et les firent reculer en terre nouvelle semée ; car leurs chevaux estoient tellement navrés du traict qu’ils ne les povoient tenir ni gouverner.

Et ainsi, par iceulx fut l'avant-garde désordonnée, et commencèrent à cheoir hommes d'armes sans nombre; et leurs chevaux se mirent à fuir arrière de leurs ennemis, à l’exemple desquels se partirent et mirent en fuite grand partie des Franchois. Et tantost après, les archers anglois voyants ceste rompture et division en l’avant-garde, tous ensemble issirent hors de leurs peuchons, et jettèrent jus arcs et flesches , en prenant leurs espées , hasches et autres armures et bastons. Si se boutèrent par les lieux où ils voyoient les romptures. Là abbattoient et occisoient Franchois, et tant, que finablement ruèrent jus l'avant-garde, qui peu ou néant s’estoient combattus. Et tant alloient Anglois, frappants à dextre et à sénestre, qu’ils vindrent à la seconde bataille, qui estoit derrière l’avant-garde. Lors se férirent dedans, et le roy d'Angleterre en personne , avec ses gens d'armes. Alors survint le duc Anthoine de Brabant, qui avoit esté mandé de par le roy de France ; lequel y arriva moult hastivement et à peu de compaignie, car ses gens ne le purent suivre, pour le désir que il avoit de soy y trouver. Si ne les voullut attendre, de haste que il avoit ; et print une des bannières de ses trompettes, et y fist un pertuis par le milieu, dont il fist cotte d'armes. Ja si tost n’y fust descendu, que tantost et incontinent par les Anglois fut mis à mort. Lors commenca la bataille et occision moult grande sur les Franchois, qui petitement se défendirent ; car, à la cause des gens de cheval, la bataille des François fut rompue. Lors les Anglois envahirent de plus en plus les Franchois, en desrompant les deux premières batailles; et, en plusieurs lieulx, abbattants et occisants cruellement sans mercy. Et, entre temps, les aulcuns se relevérent par l’aide des varlets, qui les menèrent hors de la bataille: car les Anglois estoient attentifs et

, occupés à combattre, occire et prendre prison-

niers; pourquoy ils ne chassoient ne poursuivoient nully 1. Et lors toutte l’arrière-garde estant encore à cheval, véants les deulx batailles premières avoir le pieur 2, se mirent à fuir, excepté aulcuns des chefs et conduiseurs d'’icelles. Si est assavoir que, entre tant que la bataille duroit , les Anglois, qui estoient au-dessus, avoient prins plusieurs prisonniers franchois; et lors vindrent nouvelles au roy d'Angleterre que les Franchois assailloient par derrière, et qu’ils avoient desjà prins ses prisonniers, et aultres bagues; laquelle chose estoit véritable ; car un nommé Robinet de Bournonville, Riflart de Plamasse, Ysambart d’Azincourt, et aucuns hommes d'armes, accompaigniés d’aulcuns paysans, environ six cents, allèrent au bagage que d'Angleterre, et prinrent les bagues et autres choses, avec grand nombre de chevaux anglois, en tant queles gardes d’iceulx estoient occupés en la bataille ; pour laquelle destrousse le roy d'Angleterre fut moult troublé. Lors derechef, en poursuivant sa victoire, et voyant ses ennemis déconfits, et voyant que plus ne povoient résister allencontre de luy, encommencèrent à prendre prisonniers à tous costés, dont ils cuidèrent estre tous riches ; et, à la vérité, aussi estoient-ils; car tous estoient grands seigneurs, qui estoient à ladite bataille. Et quand iceulx Franchois furent prins, ceux qui les avoient prisonniers les désarmoient de la teste. Lors leur survint une moult grand fortune , Car une grand assemblée de l’arrièregarde, en laquelle il y avoit plusieurs François, Bretons, Gascons, Poitevins et autres, qui s’estoient mis en fuite , avoient avec eux grand foison d’étendarts et d’enseignes, eux monstrants signe vouloir combattre; et, de faict, marchèrent en ordonnance. Quand les Anglois percurent iceulx ensemble en telle manière, il fut ordonné, de par le roy d'Angleterre, que chacun tuast son prisonnier ; mais ceulx qui les avoient prins ne les voeulloient tuer, pour ce qu’il n’y avoit celui qui ne s’attendist d’en avoir grand finance. Lors, quand le roy d'Angleterre fut adverti que nul ne voeulloit tuer son prisonnier, ordonna un gentilhomme avec deux cents archers et lui commanda que tous prisonniers fussent tués. Si accomplit ledit escuyer le commandement du roy, qui fut moult pitoyable

(4) Personne. (2) Pire.

. J. Du Crenco er Sr. Remy.