CHAPITRE Li

chose ; car, de froid sang, toutte celle noblesse franchoise furent là tués et découpés, testes et visages, qui estoit une merveilleuse chose à voir. Ceste maudite compaignie de Franchois, qui aussi firent mourir celle noble chevallerie, quand ils virent que les Anglois estoient prests de les recevoir et combattre, tous se mirent à fuir subit, et à eux sauver, qui sauver se put ; et se sauvèrent la plupart de ceulx qui estoient à cheval ; mais, de ceulx de pied , en y eut pluiseurs morts. Quand le roy d'Angleterre vit et appercut clairement avoir obtenu la victoire contre ses adversaires, il remercia nostre Seigneur de bon cœur ; et bien y avoit cause, car de ses gens ne furent morts sur la place que environ seize cents hommes de tous estats, entre lesquels y mourut le duc d’Yorck, son grantoncle, et le comte d’'Oxenfort. Et, pour vérité, Ja journée durant qu’ils s’assemblassent en bataille , y eut faict cinq cents chevaliers ou plus.