CHAPITRE XXXIV

Du siége quy feut mis devaut Donfort, et comme elle feut rendue au roy de France; et de la mort de François, duc de

Bretaigne.

Assez tost après le traictié de Fallaise, audict mois de juillet, se partirent messire Charles de Cullant, grand-maistre-d’hostel du roy, le seigneur de Blanville, messire Jehan Bureau, thrésorier de France, et gouverneur de l'artillerie, et plusieurs aultres, avecques mille et cinq cents francs archiers; et allèrent mectre le siège debvant la ville et chastel de Donfort!, auquel lieu estoient de sept à huit cents Anglois; lesquels, le deuxiesme jour d’aoust, rendirent la ville et chastel aux François, et s’en allèrent leurs corps et leurs biens saulfs.

En ce temps estoit à son dernier jour et mourut par maladie, François, duc de Bretaigne, nepveu du roy de France; dont ce feut dommaige; car il estoit moult noble prince et vaillant de son corps.