CHAPITRE LXXI

puissants que pas ne les osoit attendre. Quand le roy d'Angleterre scut que icelle armée estoit sur la mer pour lui deffendre le passage, il assembla les princes et grands seigneurs de son conseil , et leur fit remonstrer l’armée que les Franchois avoient mis sur mer , par laquelle, se provision n’y estoit mise, il y recevroit honte et dhommaiges , en leur requérant conseil. Si fut conclu en ce conseil, de assembler une grosse armée pour combattre les Franchois sur la mer. Quand il eut son armée preste, il manda son frère le duc de Clarence, et lui dit : « Je vous « ordonne chef de mon armée, et que tous de « madite armée vous obéissent comme à moi; et, « au surplus , je vous commande que vous alliez « combattre l’armée des Franchois, qui de pré- « sent sont sur la mer ; et vous gardez, sur vostre « vie, de jamais retourner en Angleterre, s’ils « vous attendent, que vous ne les ayez combat- « tus. Et, par lagrace de Dieu, soyez victorieux, « OU que vous soyez mort ou pris. »# L’ordonnance du roy d'Angleterre faite, et son armée preste , où pouvoit avoir de trois à quatre cents navires , le duc de Clarence se partit après qu’il eut remercié le roy, son frère, de l’honneur qu’il lui faisoit, et de lui le congé prit; et tant fit qu’il trouva l’armée des Franchois, auxquels il aborda et assembla à combattre, et là y eut dure bataille ; et Franchois furent enfin déconfits ; et là y eut maints nobles hommes morts et noyés ; entre lesquels fut mort le gentil chevalier messire Jehan de Bracquemont, fils de l’amiral ; le bastard de Bourbon fut pris et mené en Angleterre ; et quant aux quatre carracques, elles s’enfuirent sans combattre, et les aultres furent prises , avec plusieurs navires de guerre. Et après icelle bataille , le duc de Clarence fit ravitailler et rafraischir de vivres la ville de Harfleur ; puis s’en retournèrent les Anglois en Angleterre , fort joyeux de leur bonne fortune. De ces nouvelles fut moult joyeux le roy d’Angleterre, et bienviengna son frère moult grandement. |