CHAPITRE LXXI
Comment l'empereur Sigismond se trouva derechief à Calais, vers le roy d'Angleterre, comme aussi feit le duc de Bour-
gongne; et de la rencontre que les Anglois de Harfeur eurent aux Franchols. :
Environ la Saint-Remy 1416, l’empereur retourna à Calais. Si vint vers lui le roy d’Angle-
terre, moult grandement accompagné. Eux estants ‘audit lieu de Calais, alla par-devers eux le duc de Bourgongne, où il feut honorablement receu. Si vint tenir ostage, pour lui, le duc de Glocestre , frère du roy d'Angleterre, en la ville de Sainct-Omer , et par le comte de Charrolois fut le duc de Glocestre grandement et honorablement receu. Si le visitoit et compaignoit, le plus qu’il pouvoit, le comte de Charrolois, qui alors estoit jeune, et qui, de son age, savoit plus que prince de son temps. Le duc de Glocestre , de l'honneur et courtoisie que le comte de Charrolois lui faisoit, le mercioit très honorablement. Le duc de Bourgongne, estant à Calais, fut à icelle fois moult requis et pressé du roy d'Angleterre qu'il se voulsist déporter d’estre en l'aide du roy allencontre de lui et des siens, par condition qu'il partiroit ‘ à aucune des conquestes qu'il feroit en France; et avec ce le roy d’Angleterre lui promettoit de rien entreprendre sur nuls de ses terres et seigneuries, ni de ses alliés et bienveillants. Laquelle requeste ne voult pas accorder le duc de Bourgongne; mais les trèves qui par avant avoient esté accordées touchant le fait de marchandise entre Angleterre et France, furent ralongiés jusques à la Sainct-Michel 1419. Et, comme je fus informé , le duc de Bourgogne désiroit grandement parler à l'empereur, car autrement ne pouvoit parler à lui, s’il ne fust venu à Calais. Et aussi, l’empereur ne fust pas venu vers lui, à cause des desbats, noises et guerres que avoit le duc de Bourgongne à ceulx tenantsla partie du duc d'Orléanset desesfrères. Et après ce qu’il eut séjourné en la ville de Calais par l’espace de huit jours, et besongné de ce pour quoi il estoit allé, prit congé et retourna à Sainct-Omer, et pareillement se retourna le due de Glocestre à Calais. Pour lequel voyage, ainsi par le duc de Bourgongne fait, fut le roy, et ceux qui gouvernoient, moult merveillés ; et tenoient véritablement qu'il se fust du tout allié avec le roy d'Angleterre au préjudice du roy et de sa seigneurie. De laquelle chose oncques ne fut parlé, excepté ee que le roy d'Angleterre lui avoit dit; mais tant aimait le roy que jusqnes à mourir ne l’eust voulu faire. Maisenicelui temps tous les princes de France avoient conceu une si grand’ envie sur lui, à cause de la mort du duc d'Orléans, que nul bien n’en pouvoient dire ; (1) El aurait part.
MEMOIRES DE SAINT-REMY
parquoi grands guerres et effusions se faisoient alors en France, dont le roy d'Angleterre n’estoit pas courrouce ; et ne s'en doit-on pas esmerveiller , car pour lors, si la France eût esté en paix et union, le roy d’Angleterre y eust eu moult à faire, avant qu’il fust venu aussi avant comme il vint.
En ce mesme temps, le duc d’Exetre , qui se tenoit à Harfleur, se mit sur un certain jour aux Champs, atout trois mille combattants anglois ; et alla courre devant la ville de Rouen, et de là alla atteindre le pays de Caux, où il fut par trois jours , et y fit de très griefs maux, par feux et espée; mais à ce temps ge assemblèrent les garnisons, tant qu'ils se trouvèrent trois mille, comme estoient iceulx Anglois. Si les rencontrèrent , et leur coururent sus vaillamment, et en brief les mirent tous en desroi!. Si en demeura sur la place bien huit cents , que morts que pris ; et les autres, avec le due d’'Exetre, se retrayrent en un jardin, qui estoit environné de fortes haies d’épine , et là se tinrent le surplus du jour. Les Franchois ne les pouvoient avoir, jà-soit-ce qu'ils s'en missent en peine. Et quand ce vint au soir, Franchois se retrayrent, pour eux rafraischir , en un villagelà au plus près; mais leduc d’Exetre, et ses gens, doutant la journée, se partit environ le point du jour, et tira vers Harfleur. Laquelle despartie sçurent assez tost après les Franchois , qui derechef les poursuivirent et les rateindirent sur les marès, assez près de Harfleur, environ deux lieues. Si les assaillirent comme devant, mais les Anglois, voyants que sans mort ou prison ne pouvoient eschapper, ruèrent pied à terre. Si se défendirent en telle manière qu’il desrompirent les Franchois, et mirent en fuite. Si moururent en la place jusques au nombre de douze eents Franchois, entre lesquels fut le principal le seigneur de Villequier , qui estoit eonducteur ; le demeurant se sauva. Ainsi advient-il de guerre, une fois perdre et l’autre gagner.
