CHAPITRE LXXII

Du monopole que les Parisiens firent, quy feut descouvert d'une femme ; el commgp} ceux qui feurent coupables feurent exécutés; et comment le dauphin de Viennois espousa la fille au comte de Haynault; el des trespas desdits dauphin et comte de Haynaut,

Après le partement de l’empereur de la ville de Paris, ceulx quy gouvernoient le roy, c’est assavoir le roy Loys, le duc de Berry et aulcuns

(t: Lesordre.

aultres, tinrent conseil, auquel feut ordonné que on mettroit une taille sus pour les affaires du roy et du royaulme, dont le peuple, en espécial ceulx de Paris tenants secrettement le party du duc de Bourgongne, feurent moult troublés : et à la couleur! d’icelle taille feirent une assemblée secrette, à laquelle feirent ung terrible monopole et conspiration, et la plus cruelle et détestable dont on polroit parler. Ne sais s’il feut vray , mais la chose n’advint point, comme vous orrez ?. Iceulx Parisiens , pour accomplir leur intention, envoyèrent devers le duc de Bourgongne , afin qu’il envoyast secrettement de ses gens à Paris, feignant que ce fust pour ses affaires, aulxquels iceulx Parisiens eussent conseil et confort. Sy leur accorda le duc de Bourgongne; et leur envoya messire Jennet de Poix, Jacques de Fosseulx, le seigneur de Saint-Légier et Binet d’Auffleu, lesquels portèrent pluiseurs lettres de créance signées de la main du duc de Bourgongne, adressants à Paris, à ceulx à qui ils avoient fiance. En conclusion, au contempt de ladite taille , iceulx Parisiens jurèrent et feirent serment ensemble que le jour du grand vendredy, après disner, ils se mettroient sus en armes, pour prendre tous ceulx quy leur estoient contraires; et premier, le prévost de Paris, lequel ils occiroient; et en après mettroient à mort la royne de Sezile, et sy prendroient le roy de Sezile et le duc de Berry, et les feroient vestir d’habits honteux, leur feroient rère5 la teste comme fols, et les feroient mener sur deux beneaux# avant la ville de Paris ; après les feroient mourir , qui eust esté une grant cruauté, s’il estoit vrai. Toutefois la voix courut que pluiseurs, qui à la cause feurent exécutés, le confessèrent. Iceluy jour, ils ne mirent point à exécution leur maulvaise entreprinse, mais la cuidèrent exécuter le jour de Pasques ; mais leur maulvaiseté feut seue par une femme, quy leur conseil révéla à Michaut Laillier, qui le fist savoir à Bureau de Dampmariin, et Bureau le fist savoir au chancellier, qui promptement s’en alla au Louvre, et de là envoya secrettement à la royne, aulx princes et au prévost de Paris , déclarer la fausse et maulvaise intention d’iceulx Parisiens. Et promptement que le prévost le scut, secrettement fit armer gens, et

(1) Sous prétexte. (2) Entendrez,

reaux, ,

(5) Raser. (4) Tombe-