CHAPITRE LXXII
assembla de cinquante à soixante hommes, et tira vers les quartiers des halles où aulcuns des capitaines de ces maulvais demouroient, qui ne se doubtoient en rien que leur entreprinse feust descouverte. Sy en feurent pluiseurs prins et menés en Chastelet, entre lesquels feurent prins messire Almeric d'Orgemont , l’archidiacre d'Amiens, doyen de Tours et chanoine de Paris, lung des présidents de la chambre des comptes, Robert de Belloy, très riche drappier, le sire de l’hostel de l'Ours, à la porte Baudet, et pluiseurs aultres. Laquelle chose en toutte diligence feut rescripte au connestable et au maréchal de France, qui lors estoient en la frontière de Harfleur , allencontre des Anglois; lesquels y envoyèrent Remonnet de la Guerre, atout! huit cents hommes de guerre; et le cinquiesme jour de may, feurent menés pluiseurs des maulvaises gens dessus nommés ès halles, où là feurent comme traictres exécutés et decollés. Et au regard de Almeric d'Orgemont, il feut rendu à l’evesque, par lequel il feut condamné au pain et à l’eau en chartre perpétuelle. Et tantost après, le connestable vint à Paris, accompagné de gens de guerre; et après sa venue fit, par le prévost de Paris, oster touttes les chaisnes de fer par les rues de ladite ville, et avec che les armures de ceulx de la ville. Ne demoura gaires après, que messire Loys Bourdon , messire Clignet de Brabant , et le seigneur des Bosqueaulx , atout grand nombre de guerre , arrivèrent à Paris , et ès villages d'environ. Sy feurent tous les favorables du duc de Bourgongne en grand’ perplexité: et ceulx que on trouva coupables de la conspiration feurent sans miséricorde punis , les ungs décapités, les aultres pendus, les autres noyés , et peu en échappa. Toutefois les nobles hommes que le duc de Bourgongne avoit envoyés retournèrent sans quelque empeschement. En ce temps, estoient gens d’armes en grand’ puissance, en l'Isle-de-France et ès marches environ, par lordonnance des gouverneursquy gouvernoient le roy. Et pareillement se mirent sus les gens du duc de Bourgongne en grand nombre , parqoy le povre peuple du royaulme estoit tout étruit.
Vous avez ouy précédemment comment Je duc de Guyenne alla de vie à trespas, après lequel trespas Jehan de Tourraine, son second
(1) Avec.
frère , feut daulphin de Viennois , et héritier de la couronne de France, lequel avoit espousé la fille et héritière du comte de Haynault, de Hollande et de Zélande, auquel le comte de Haynault bailla et ordonna ung grand estat pour le mener en France ; mais avant le partement s’assemblèrent ensemble le daulphin et le duc de Bourgongne, et le comte de Haynault, lesquels jurèrent et promirent de tenir de point en point la paix tant de fois faicte en France. Lesquels serments feurent faicts en la présence de pluiseurs grands seigneurs, en la ville de Valenciennes ; et puis, après ces choses faictes, le daulphin print son chemin pour aller à Paris, en sa compaignie madame la daulphine sa femme, et son beau-père le comte de Haynault. Il ne passa point Compiengne, et là d’une grosse maladie son ame rendit à Dieu. Duquel trespas se feit grand’ murmuration parmy le royaulme ; et disoient les aucuns que il avoit esté empoisonné , pour cause que il estoit trop Bourgongnon, et trop fort allié avec le duc de Bourgongne Après son trespas, madame la daulphine retourna au pays de Haynault en la compagnie de son frère, mais ce fut à grand deuil et en très amère déplaisance; et ne demoura gaire après, que le comte de Haynault alla de vie à trespas ; et trespassa au chasteau de Bouchaiïin, au mois d’aoust 1417. Si feut madame la daulphine héritiere des comtés de Haynault, de Hollande, de Zélande et seigneurie de Frise. Toutesfois, Jehan de Baviere, évesque de Liége , son oncle de par son frère, lui baïlla pluiseurs empeschements, et par espécial ès comtés de Hollande et de Zélande.
