CHAPITRE LXXIII

Comment Jehan de Bavière, esleu de Liégc, bailla empeschement à dame Jacqueline de Bavière, en la comté de Hollande ; et comment il se maria à la duchesse de Luxembourg, laquelle estoit vefve de feu Anthoine, duc de Brabant.

Après le trespas du daulphin de Viennois et du comte de Haynault, son beau-père, Jehan de Bavière, évesque de Liége, oncle de la daulphine, lui baïlla moult d’empeschements, comme avez ouy, en disant que à icelles siegneuries ne devoient nulles femmes succéder : et de faict, se bouta, par le consentement d’aulcuns Hollandois, dedans la ville de Dordrecht, et en aul-

MÉMOIRES DE SAINT-REMY

cunes aultres places qui le tenoient pour seigneur. Puis commenca à faire guerre à ceulx du pays de Hollande et Zélande qui obéir ne voulloient, et délaissa du tout l'Eglise, et se maria à la duchesse de Luxembourg, laquelle auparavant avoit esté espouse du duc Anthoine de Brabant.