CHAPITRE LXXIV
Comment le duc de Bourgongne escripvit lettres à plusieurs villes du royaume, pour remettre le roy en liberté, et pour le bien public du royaume; et comment la royne feut euvoyéc par le roy à Tours, en Touraine, avec trois gouverueurs, qui la tenoient bien court.
Le duc de Bourgongne, quy désiroit avoir le gouvernement du roy et du royaulme, envoya ses lettres en pluiseurs bonnes villes du royaulme, pèr lesquelles il remonstroit : comment pluiseurs et diverses fois paix avoit esté faicte en France, laquelle de son pouvoir avoit toujours tenu et vouloit tenir, mais de laultre partie avoit esté enfreinte en pluiseurs et diverses manières, comme par avoir mis gens prisonniers , décapités, pendus, noyés, les deux enfants de France empoisonnés, c’est assavoir le duc de Guyenne et le duc de Touraine, daulphin de Viennois; et de jour en jour destruisoient le roy, tant par mangeries de gens d'armes que par pluiseurs grands tailles et exactions. Et après toutes ces grands remonstrances, requéroit à ceulx des bonnes villes, nobles et aultres, qu'ils le voulsissent ayder et délivrer, et à mettre en franchise le roy, quy estoit détenu par iceulx robbeurs et détruisants du royaulme, estrangiers et non du sang royal; et pluiseurs aultres remonstrances du duc de Bourgongne qu’il leur faisoit, en disant qu’il avoit ferme espérance en Dieu, qui connoit le secret des cœurs des hommes, de venir à con-clusion de garder et conserver la noble maison de France, par les moyens des bons et loyaulx subjects du roy, lesquels en avoit-il intention de secourir et ayder en toute manière, de noblesse, franchises et libertés, et tant faire que plus le peuple ne payeroïit tailles, aydes, impositions, gabelles et autres exactions, comme luy requiert le noble royaulme de France ; et contre ceulx quy voudroient aller au contraire, y procéderoit par voye ennemie contre eulx, par feu et sang, soient universités, communautés, chapitres, colléges, nobles et tous aultres, de
mesme temps, la royne estant au bois de Vincennes, où elle avoit son noble estat, le roy estant vers elle, ainsy qu'il retournoit à Paris envers le vespre, rencontra messire Loys Bourdon allant de Paris au bois ; lequel passant assez près du roi lui feit la révérence et passa oultre assez légèrement. Toutefois le roy le connut; si ordonna au prévost de Paris qu’il allast après luy, le prinst et en feist bonne garde, tant que aultrement y auroit ordonné : laquelle chose feut ainsy faicte; et après, par le commandement du roy feut questionné, puis feut mis en un sacq de cuir et jetté en Seine. Sur lequel on avoitescript : « Laissez passer la justice duroy.»
En briefs jours après, feut ordonné, de par le roy, que la royne s’en iroit à Tours en Touraine, en sa compagnie sa belle-sœur, duchesse de Bavière, et atout son simple et petit estat. Et luy feurent baillés pour la conduire maistre Jehan Guillaume Thorel, maistre Jehan Picart et maistre Laurent du Puis, sans le conseil desquels ne povoit rien besogner, escripre, ne faire quelque chose; de laquelle ordonnance elle fut fort déplaisante; et avec ce, ceulx quy la gouvernoient luy avoient osté tout son argent, joyaulx et richesses.
