CHAPITRE LXXWV

Comment aucuns rebelles de Rouen occirent leur baillif, son leutenant et autres ; el comment le dauphin y alla à main armée et feit punir les rebelles.’

En ce temps, par l’exhortation d’aulcuns quy estoient favorables et avoient la partie du duc de Bourgongne, se mirent sus, par manière de rébellion, pluiseurs méchants gens de petit estat, en la ville de Rouen; et, de fait, allèrent en la maison du bailly royal de Rouen, nommé messire Raoul de Gaucourt, tous armés et embastonnés, heurtèrent à son huis bien fort, disants à ceulx de dedans : « Nous voulons cy en- «rer etparler à monseigneur le bailly, pourluy « présenter un traistre que nous avons mainte- « nant prins en la ville. » Et povoit estre environ dix heures en la nuict. Auxquels feut répondu par iceulx serviteurs, qu’ils missent leur prisonnier seurement jusques à lendemain. Néanmoins, par leurs importunités, tant de force comme aultrement, ouverture leur feut faite; et tantost le bailly se leva, et, affublé