CHAPITRE LXXXI
Comment la royne envoya lettres aux bonnes villes de France estants en l'obéissance du duc de Bourgongne ; commeut le duc de Bourgongne feut derechief frustré de l'entrée de Paris; et comment la royne et luy se tirent la plus grant part de l'hiver à Troyes.
La royne venue à Chartres escripvit aux bonnes villes de France estants en l’obéissance du duc de Bourgongne, sans plus obtempérer à quelques lettres ou mandements du roy son seigneur, ni du daulphin son fils, et parlant au contraire desdictes lettres; et elle leur promettoit confort et aide contre tous ceulx qui les vouldroicnt en ceste cause nuire. Ces lettres feurent escriptes à Chartres, le deux de novembre an dessusdict. Encore fut ordonné audict lieu de Chartres, que messire Jeban de Morvilliers s’en iroit à Amiens, et avecques luy un greffier; et auroit illec le scel de la royne, pour sceller tous mandements dont on auroit mestier et besoin ès baillaiges d'Amiens, de Tournay, de Vermandois et de Senlis, sans plus aller en parlement à Paris. Et estoit le titre des mandements tel que cy-après s'ensuit :
« Isabel, par la grace de Dicu royne de France, « ayant, pour l'occupation de monseigneur le « roy, le gouvernement et l’administration de « ce royaulme, par l’octroy irrévocable à nous «sur ce fait par mondict seigneur et son « grand conseil, etc. » Par le moyen desquels mandements de la royne, ledict maistre Jehan assembla une très grande somme de pécune ; et pareillement , pour les pays outre la Seine obéissants au duc de Bourgongne, fut ordonné un aultre chancelier.
Le duc de Bourgongne, atout sa puissance, se partit de Chartres pour aller à Paris, espérant entrer dedans par le moyen d’aucuns ses amis. Et quand il approcha Paris, il envoya bien six mille combattants à la porte de Louvel de Chastillon, du costé Sainet-Marcel; maisainçois qu’ils y venissent, le connestable en fut adverti. Si en-
(4) Avant.
voya de ses gens à icelle porte pour la garder, et par ce moyen fut leur entreprise rompue ; et s’en allèrent logier à Sainct-Marcel, attendants la venue du duc de Bourgongne, qui bien cuidoit entrer dedans la ville de Paris, mais son entreprinse fut descouverte. Que vous dirai-je? le duc de Bourgongne s’en retourna de devant Paris, et veint logier soubs le Montle-Héry, et Là donna congié à ses Picards, pour eulx aller hiverner en leur pays. Puis retourna le duc de Bourgongne à Chartres, devers la royne, atout le demeurant de ses gens ; et puis prinrent leur chemin, la royne et luy, pour aller à Troyes, et là feurent honnorablement receus. Le duc de Bourgongne s’y tint la plus grand’ partie de l'hiver, mais il envoya sur les frontières de Champaigne Jehan d’Anegui et Jehan de Clau, atout leurs gens, lesquels feirent forte guerre.
