CHAPITRE LXXXII

Comment Jehan de Baviere print la ville de Gorcum sur la comtesse de Hollande ; coniment ses gens feurent desconfits; comment le roy d'Angleterre conquestoit villes et chasteaux en Normandie, et le duc de Glocestre, son frère.

En ce temps, Jehan de Bavière, frère du duc Guillaume , faisoit forte guerre en Hollande contre sa niepce Jacqueline, duchesse en Bavière ; et prit sur elle Gorcum, en Hollande. Mais le chastel ne purent-ils avoir, où ceux de la ville se retrayrent et le tinrent vaillamment. Et entre temps, icelle duchesse, avec la comtesse de Hainault sa mère, passèrent par navire en Hollande, à grosse compagnie de gens d'armes, et entrérent dedans le chastel, qui tenoit pour elles ; et quand les gens furent prests pour assaillir leurs ennemis, madame Jacqueline, héritière du pays, prit la bannière de ses armes, et la laissa à Walleran de Brederode, en lui disant: « Je veux qu’aujour- « d’hui vous représentiez ma personne; et « vous fais chef de mes gens. » Lors, les gens d'armes se mirent en belle ordonnance, et issirent du chastel en la ville ; et combattirent les gens de Jehan de Bavière, lesquels furent dé- . confits. Et là mourut le damoiseau d’Erkles, et bien de cinq à six cents de son parti; et, du parti des dames, ledit Walleran de Brederode, qui fut fort plaint des dames, et non sans cause. Le comte de Charrollois alla en Hollande pour

MÉMOIRES DE SAINT-REMY

appaiser son oncle et sa cousine, mais rien n'en put faire, et retourna en Flandres.

Alorsle roid’Angleterre estoit en Normandie, et conquestoit villes et chasteaux, car nul ne lui contestoit ; et tant qu’ilassiégea la ville de Caen, grand’ ville et forte, là où il perdit beaucoup de ses gens à pluiseurs assaults qu'il y fit; mais il le prit enfin par force ; et y furent tués plus de cinq cents hommes de ceulx de dedans, Le duc de Glocestre, frère au roi d'Angleterre. assiégea Cherbourg , qui estoit la plus forte place de Normandie ; et y fut le siége dix mois. Puis lui fut rendue par le capitaine, qui en eut une somme d'argent ; et s’en alla retraire à Rouen, là où il se tint jusques a ce qu’elle fust conquise ; et depuis lui fit le roy d’Angleterre trancher la teste, dont pluiseurs seigneurs de France ne furent guaire courroucés.