CHAPITRE LXXXIII

Comment le roi feit asségler Senlis; comment les Franchols en partirent; du secours que le comte de Charrollois leur Cnvoya ea l'absence du duc de Bourgongne, son père ; et comment ambassades feurent envoyées d'un costé et d'autre, pour union du royaume.

Environ la feste Nostre-Dame Chandelier 1417, le roy se partit de Paris pour aller mettre le siége devant Senlis, que les Bourguignons tenoient ; et estoient dedans messire Mauroy de Sainct-Légier, le bastard de Thian, capitaine de la ville, Troullart de Maucreux et aultres. Le roy, durant le siége, se tenoit au chastel de Creil. La ville fut fort approchée et battue de canons et autres engins, tellement qu’ils eurent conseil de prendre traictié. Si fut la chose appointée : que les Bourguignons rendroient au roy sa cité, au cas qu’ils ne seroient secourus en dedans le dix-neuviesme jour d’avril : et de ce baillèrent ostages. Après icelui traictié, envoyèrent iceulx Bourguignons devers le comte de Charrollois, en Flandres, pour cause que le duc de Bourgongne, son père, estoit en Bourgongne. Quand le comte de Charrollois ouyt les nouvelles, il se tira dedans la ville d'Arras, et là assembla tous les seigneurs du pays, pour scavoir comment la ville de Senlis serait secourue. Si fut advisé de faire mandement, au nom du duc de Bourgongne son père et de lui, par tout le pays de Picardie : et fut ainsi fait. Et se trouvèrent les Picards d’un seul pays, une

très belle compagnie, c'est à scavoir de huit à neuf cents hommes d’armes, deux mille archiers et aultres compagnons de guerre. Le comte de Charrollois, qui granddesir avoit de secourir la ville de Senlis et ceulx qui dedans estoient, se tira jusques à Corbie, en personne, à intention d’estre au jour que la ville se devoit rendre ou combattre, mais à toute force lui fut défendu ; mais à grand’ peine le peut-on retenir. De l’armée des Picards furent chefs messire Jehan de Luxembourg et le seigneur de Fosseux, lors capitaines-généraux de Picardie, en leur compaignie pluiseurs chevaliers, escuyers et autres du pays de Picardie ; et prirent leur chemin droit à Ponthoise, qui se tenoit pour le duc de Bourgongne.

Quandle connestable scut que Picards estoient à Ponthoise pour combattre et secourir ceulx de Senlis, ils envoyèrent quérir le roy, qui estoit à Creil; et le jour que les Picards passèrent la rivière d'Oise, firent les Franchois monter le roy à cheval ; et si firent sommer ceux de Senlis qu’ils se rendissent au roy, ou qu’ils feroient trancher les testes à leurs ostages. Les Bourguignons et gens de guerre respondirent, que on leur feroit tort, et que le jour n’estoit point passé. Toutefois, ce nonobstant, les ostages eurent les testes coupées, dont il y avoit deux gentilshommes de Picardie, un nommé Guillaume Mauchevalier, et l’autre nommé Baudart de Wingles, deux bourgeois de Senlis et deux hommes d’église de ladite ville. Quand ceux de la ville scurent queleursostages avoient les testes coppées, ils furent moult desplaisants; et, en dépit de ce, firent trancher les testes à quarante-six des gens du comte d’Erminacq, qu’ils tenoient prisonniers.

Après ces choses faicies, le roy se tira aux champs, et de tous points leva son siége. Quand il fut aux champs, ordonna la bataille moult honorablement. Après ils envoyèrent courreurs pour scavoir et voir l’état des Picards. Lesquels courreurs trouvèrent Hector et Philippe de Saveuse; et là y eut maintes lances rompues, et gens morts et prins, d’un costé et d’autre. Toutefois, le roy sceut que les Picards marchoient en be'le ordonnancef, en intention de combattre ; pour laquelle cause il envoya deux officiers d'armes devers eux, pour demander quels gens ils estoient, qui voulloient combattre le roy. Aux-