CHAPITRE LXXXIIT
quels fut respondu que c’estoit messire Jehan de Luxembourg et le seigneur de Fosseux, serviteur du duc de Bourgongne, prest de faire service au roy, et aussi de leurs secours à la bonne ville de Senlis, ou combattre le comte d’Erminacq, qui naguaire tenoit le siége devant la bonne ville de Senlis. Ces choses faîtes, le roy prit son chemin droit à Paris ; et le connestable et les gens de guerre, voyants la bataille des Picards, qui bien leur sembloit qu’ils fussent deux fois autant qu'ils estoient, et aussi pour la personne du roy, se partirent en belle ordonnance, et sans combattre, et accompaignèrent le roy et le remenèrent dedans Paris ; qui fut à la maladventure du comte d’Erminacq et de la plus grand’ partie de ceux qui estoient en sa compaignie, car guaire ne demeura après que les Bourguignons entrèrent dedans Paris, où il fut piteusement tué, avec plus de trois mille qui tenoient son parti, comme cy-après sera dit. Et quant aux Picards, ils retournèrent joyeusement en Picardie, et ceulx de Senlis réparèrent les murs en ce qui faisoit à remparer à la ville, au mieux qu’ils purent, laquelle avoit esté fort battue de bombardes et de canons, et d’autres engins et habillements de guerre. En ce temps, la royne estoit avec le duc de Bourgongne, à Troyes ; pour laquelle cause fut advisé que on enverroit ambassades d’un costé et d’autre, afin de tout remettre en bonne paix et union. Pour laquelle cause la royne et le duc de Bourgongne envoyèrent pareillement gens de pareil estat, à Bray-sur-Seine, pour convenir ensemble sur un sauf - conduit pour chacune partie ; et de commun accord, convinrent ensemble par pluiseurs jours en un village nommé la Tombe, qui est au milieu de Monstreau et de Bray ; et dura le parlement de ces deux ambassades bien deux mois.
Entre ces choses, l’union fut mise en l'Eglise universelle; et fit le pape Martin mettre hors de prison le pape Jehan, lequel se mit du tout en sa mercy et obéissance ; et le receut bénignement, et le fit cardinal, mais mourut tantost après.
En ce temps aussi, ceulx de Rouen, qui estoient favorisables au due de Bourgongne, mandèrent secrettement venir en leur ville aucuns de ses capitaines, lesquels, à grand nombre de ses gens, allèrent à Rouen; et à l’aide de ceux de la ville, allèrent assaillir
le chastel que tenoient les gens du roy contre Ja ville; et tant continuèrent qu’ils se rendirent, saufs corps et biens.
En ce temps tout le royaulme estoit en division, et par conséquent en grand’ désolation, et n’y régnoit justice ni raison, et le peuple estoit dérobé de tous costés.
